صيانة 90 ألف كم.......رينو مصر بين غلاء الأسعار و الحفاظ على العميل
السلام عليكم
النهاردة كان موعد صيانة ال 90 ألف كم لعربيتى
و لمن لا يعرف فهى مو 2005 و كان ضمانها سنتين أو 60 ألف كم......يعنى خرجت برة الضمان من زمان.
تفاصيل صيانة ال 90 ألف كم بالأسعار
1- زيت موتور 292 جم
2- فلتر زيت 37 جم
3- فلتر بنزين 55 جم
4- مصنعيات صيانة + صيانة كهرباء ( كان فيها لمبة قاطعة ) + اللمبة الجديدة 264 جم
5- ضريبة مبيعات 87 جم
الأجمالى = 735 جم
فى خلال تسليم العربية كنت أشتكيت من صوت ظهرلى مرة واحدة بالعدد أثناء تشغيل العربية و هى باردة و كان صوت أشبه بصوت حاجة بلاستيك بتتكسر.
بعد الكشف أتضح أنه ترس الديفازر أبتدى يبوظ و هو اللى بيعمل الصوت ده.......و أنا على طول قولت بينى و بين نفسى " يا نهار مش فايت......ترس الديفازر......لا حول ولا قوة إلا بالله ".....لقيت الراجل بيكمل كلامة...." هو حضرتك بتعمل الصيانات فى التوكيل ؟ "
أنا : يا فى التوكيل يا فى الميكانيكيون العرب....حسب ظروف شغلى
الراجل : يعنى فى التوكيل أو التوكيل المعتمد......طيب أستنانى شوية بعد أذنك
أنا : :Ka_che1[1]:
راح و رجع وقالى : خلاص أحنا هنغيره على حسابنا
أنا : أيه.....أزاى ؟؟؟؟:eee:
الراجل و هو بيضحك : ما لكش دعوة
أنا : أنت متأكد ؟؟؟؟؟
الراجل : أيوة يا باشا.....:POINTI~2[2]:
أنا : يا باشمهندس أنا مش عامل حسابى غير على فلوس الصيانة بس:8954[1]:
الراجل : و مش هتدفع غيرهم:biggrin:
و قد كان :clap::clap::clap:
ولمن لا يعرف.....ترس الديفازر موجود فى مكان بجانب طقم الكاتينة.....و عشان يتغير بيتفك طقم الكاتينة و مينفعش يركب تانى........لازم هو كمان يتغير......يعنى غيروا ترس الديفازر و طقم الكاتينة.....حسبة 1800 جم كده بس.
أنا فى الأول أفتكرتها أشتغالة و أنهم مغيروش حاجة لحد ما جه وقت الأستلام ولقيته بيقولى : أعمل حسابك فى صيانة ال 120 أنك تأكد علينا أن منغيرش طقم الكاتينة تانى.....أنت كده هتغيرها على ال 150 ألف كم.
أعتقد أن ده أبلغ رد ممكن يتقال من توكيل يرى البعض أن أسعاره مغالى فيها على الرغم من أنها فى نفس متوسط أسعار اليابانى......أقل فى حاجات و أغلى فى حاجات.....مع العلم أن الأوروبى عادةً بتكون أسعار قطع غياره أعلى من اليابانى.
رينو ميجان.......المصرية العالمية للسيارات.......:B4_388::B4_388:
