ازاي اروح الوكالة من العمرانية؟

**tabeb** · 13-04-2009 08:50 PM

السلام عليكم
يا شباب عايز اروح وكالة البلح من العمرانية اروحلها ازاي؟
وهل فيه هناك اماكن للركن؟
وهل فيه حد هناك متخصص للفيات ؟

**tabeb** · 14-04-2009 08:09 PM

ايه ياجماعة محدش عارف الطريق ولا ايه؟

**KIA_SEPHIA_2001_K** · 14-04-2009 08:22 PM

مسمهاش وكاله البلح تمام ديه حاجة وبعدين هيه عند طلعه المحور تمام جمب التيلفزيون

هتروح على الجيزه ومن الجزيه على الدقى هتطلع كبرى الدقى وبعد كدا هتنزل تطلع كوبرى اكتوبر وهتنزل نزله التحرير بعد النيل على طول وهتنزل الكوبرى هتلف وتلاقى نفسك فى عبد المنعمن رياض الموقف هتمشى طوالى حوالى 500 متر هتلاقى نفسك هنا وفى اماكن للركن بفلوس

**tabeb** · 15-04-2009 02:18 AM

مشكور يافندم علي الوصف الدقيق_بس علي فكرة هي اسمها وكالة البلح

**agwaa** · 15-04-2009 04:19 PM

tabeb
السلام عليكم
لو كنت لسة ما رحتش :
الأخ العضو KIA وصفلك صح بس أحب أضيف الآتي :ـ
1 _ بعد ما تنزل من على كوبري 6 أكتوبر من نزلة التحرير هتلاقي النزلة إنقسمت نصين أنت بقى خد الناحية اليسار ( الشمال ) وبعد ما تنزل لف شمال وبعد ما تعدي طلعة 6 أكتوبر اللي على شمالك أدخل شمال برضو وبعدين خليك في أقصى اليمين علشان تدخل بجوار مول ماسبيرو ( الدخلة اللي قبل فندق رمسيس هيلتون مباشرة يمين ) في آخر الشارع دة هتلاقي ماسبيرو ( مبنى الإذاعة والتليفزيون ) على يمينك
بعد ما تعديه وتعدي مبنى وزارة الخارجية ( مبنى أبيض كبير ) أدخل يمين اللي تحت كوبري 15 مايو وبعد اليمين شمال مباشرة هتلاقي PARK أمامك مباشرة لأنه تحت الكوبري
وعلى فكرة يسعدك الحظ لو ركنت فيه لأنه جنب سوق الوكالة مباشرة _ ياريت تروح بدري علشان تلاقي مكان فيه _ودة يمكنك من إنك تتأكد من الحاجة اللي إشتريتها وتطابقها على العربية وممكن تاخد حد من التاجر اللي إشتريت منه علشان يركبهالك
2 _ تاني حاجة عايز أقولها إنك لو لم تجد مكان في البارك دة ودة وارد كمل في طريقك هتلاقي مكان في دخلة الوكالة ( ولو إني لا أفضله ) لأنهم بيحشروا العربيات جنب بعضها مع أنه طريق يعني ممكن العربية تتخدش ودة على الأقل
لكن ممكن تكمل شوية وهتلاقي كذا ركنة في كذا يمين وخاصة يوم الأجازات لأنها أماكن بيركن فيها موظفين المنطقة ..
أخيراً أعتذر على التطويل
أصل أنا بأضع نفسي مكان الشخص اللي بأوصف له مكان
والسلام ...

**tabeb** · 15-04-2009 08:58 PM

المشاركة الأصلية كتبت بواسطة agwaa

tabeb
السلام عليكم
لو كنت لسة ما رحتش :
الأخ العضو KIA وصفلك صح بس أحب أضيف الآتي :ـ
1 _ بعد ما تنزل من على كوبري 6 أكتوبر من نزلة التحرير هتلاقي النزلة إنقسمت نصين أنت بقى خد الناحية اليسار ( الشمال ) وبعد ما تنزل لف شمال وبعد ما تعدي طلعة 6 أكتوبر اللي على شمالك أدخل شمال برضو وبعدين خليك في أقصى اليمين علشان تدخل بجوار مول ماسبيرو ( الدخلة اللي قبل فندق رمسيس هيلتون مباشرة يمين ) في آخر الشارع دة هتلاقي ماسبيرو ( مبنى الإذاعة والتليفزيون ) على يمينك
بعد ما تعديه وتعدي مبنى وزارة الخارجية ( مبنى أبيض كبير ) أدخل يمين اللي تحت كوبري 15 مايو وبعد اليمين شمال مباشرة هتلاقي PARK أمامك مباشرة لأنه تحت الكوبري
وعلى فكرة يسعدك الحظ لو ركنت فيه لأنه جنب سوق الوكالة مباشرة _ ياريت تروح بدري علشان تلاقي مكان فيه _ودة يمكنك من إنك تتأكد من الحاجة اللي إشتريتها وتطابقها على العربية وممكن تاخد حد من التاجر اللي إشتريت منه علشان يركبهالك
2 _ تاني حاجة عايز أقولها إنك لو لم تجد مكان في البارك دة ودة وارد كمل في طريقك هتلاقي مكان في دخلة الوكالة ( ولو إني لا أفضله ) لأنهم بيحشروا العربيات جنب بعضها مع أنه طريق يعني ممكن العربية تتخدش ودة على الأقل
لكن ممكن تكمل شوية وهتلاقي كذا ركنة في كذا يمين وخاصة يوم الأجازات لأنها أماكن بيركن فيها موظفين المنطقة ..
أخيراً أعتذر على التطويل
أصل أنا بأضع نفسي مكان الشخص اللي بأوصف له مكان
والسلام ...

10علي10
وصف جامد الف شكر يا فندم ويارب الاقي مكان في parking ده