اجيب ايه عربيه 7 راكب اتومتك

**sawsn** · 13-04-2009 09:03 PM

السلام عليكم---ميزانيتى 120 الف مصرى ايه اللى ممكن اجيبه 7 راكب اتومتك ويكون سعر قطع غياره متوفره ومش غاليه---دورت لقيت تيوتا افانز--والجراند تروس---لكن الافانزا صحيح فى حدود ميزانيتى المتاحه بس حزرونى من ثباتها وان شكلها مش حلو وبرضه الشكل ما يهمنيش يهمنى الاهم من الشكل المتانه والمتور---وعلما انى سرعتى لا تتعدى 100 -او110 بالكتير فى السفر فيعنى ده ان الافانزا هتكون مش ثابته على السرعات دى--شوفت الجراند تروس وهيه برضه تقفيل اندونيسى وبس احلى واغلى حوالى 45 الف عن الافانزا وده خارج ميزانيتى زبرضه 1500 سىسى زى الافانزا يعنى هينطبق عليها عدم الثبات---طيب اعمل ايه وياترى فيه موديلات تانى 7 راكب اتومتك فى فئه السعر ده طيب دلونى اعمل ايه --احل المشكله دى ازاى---هتقولو تقسيط مش عايزع اوجع دماغى بالتقسيط--عايزاها كاش ---وممكن الجا للتقسيط كحل نهائى نهائى واخر شى بس شاركونى اعمل ايه

**shrafoo** · 13-04-2009 09:33 PM

الجراند تيريروس افضل وممكن باقى فرق السعر هو الباقى اللى يتقسط وبعدين يبانى او اندونيسى الفرق مش ملحوظ

**medo_sirion** · 13-04-2009 09:50 PM

جراند تريوس طبعا
فى الثبات اقوى بكتير من التويوتا
اصل انا مجرب التيوتا افانزا ومجبتنيش خالص

**Imhotep** · 15-04-2009 11:50 AM

المشاركة الأصلية كتبت بواسطة semihuman

بص هي في عربيه تحفه بس مش سبعه راكب
بس بردو روح شوفها اسمها سكودا رووم ستر
لانها متينه جدا و تقريبا ممكن تبقي سبعه راكب بس اتاكد من التوكيل

الرومستر الاوتوماتيك بتاعها ب 114، فى حدود ميزانيتك..... واللى شافوها بيقولو تحفة فى المساحة الداخلية

**madoo** · 15-04-2009 03:21 PM

جراند تريوس بجد احسن بكتييييييييييييرررررررررر ررررررررررررررررررررررررر ر

اولا شكل فخامه ملوش حل ثبات جامد اوى وبعدين ال 100 او 110 دى مش سرعه عاليه اوى علشان تخافى منها

ثانى حاجه انتى حكايه انها اغلى من الميزانيه ب 45 الف دول مش حجاه انتى ممكن تقسطى فعلا على وقت قصير بس متفوتيش فرصه اقتناء الجراند تريوس بجد

**ah313** · 15-04-2009 04:02 PM

ممكن تبصي عالعربيه الرينو اللوجان الفرنسيه السبعه راكب منها و اظن ان سعرها اقل من 100 الف

**blazer** · 15-04-2009 05:08 PM

اللوجان ال 7 راكب عربيه حلوه و بما انها مش عاليه عن الارض فحلت مشكله الثبات على السرعات
يأما تشترى بيجو 307 sw او ميجان استيت موديل 2007 مستعمله

**أبو عبدالله** · 15-04-2009 08:24 PM

من الأخر تيريوس افضلهم في كل الجوانب
خصوصا ان العربيه مش تبقى كويسه علشان سعرها قليل دلوقتي
لن الواحد ممكن يشتري عربيه رخيصه دلوقتي ويفرح بالسعر
ويقعد طول ما العربيه معاه تتعبه في حاجات تانيه
زي الصيانة والعمر الأفتراضي لقطع الغيار واخرها اعادة البيع تجيب النص عالطول وده بعد كام سنة بس