عرض للطباعة
السلام عليكم يا ريت يا جماعة لو حد ركب فرش عند سبير الي في امتداد رمسيس هل الصنايعية الي عندهم كويسين و لا لا لانه اقرب ليا و كمان المكان عنده واسع احسن من االي في نوبار ؟
و لا اجيب من المحلات الي في شارع دمشق ؟
هل في اختلاف في الخامات يعني سبير عنده انضف حاجة ولا كله واحد ؟
انا واحد صاحبى جربه فى هيونداى جيتس و بصراحة الشغل نضيف و الاسعار كويسة اوى .
ايوه يا باشا احنا عملنا العربيه هناك متقلقش شغلهم نضيف و 100 100
كنا عملنا اللادا زمان
و لما جبنا الهيونداي عملناها هناك برضه
توكل علي الله ناس زي الفل
متشكر جدا يا رجالة علي سرعة الرد
شكرا جزيلاfakoussa و ابو السعود و رامي لانوس .
أنا لسه مركب فرش جلد عندهم لعربيتي الفيرنا
إشتريته ب 290 جنيه
شغلهم كويس و تقفيلهم نضيف و بينجزوا في التركيب
و كمان أخدت مثلث هديه فوق البيعه !!
راكب الفرش بتاعهم في الأكسنت من سنة 2006 ما قالش أي!
توكل على الله ومبروك مقدما وعايزين صور بقى
انا مركب عندهم من ثلاث سنين والفرش زى الفل.....
شكرا جدا tam و احمد و حسام حمدي و اول ما اركب هانزل الصور ان شاء الله .
انا مركب من عندهم فرش octavia a5 2009
و ما شاء الله على الشغل شغل نضيف جدا جدا و كمان المصنعيه على حساب المحل
و مثلث هديه
مع احترامى لجميع الردود وسمعة سبير كار
انا برضة رحت عندة لكن فى الانذار فقط اما فى الفرش طبعا سروجى انضف واحسن بكتيير جيب الفرش اللى على مزاجك سواء جاهز او تفصيل وتروح للسروجى علطول لان الناس اللى زى سبير كار مهما كانو كويسين لا يمكن ان يضاهوا شدة الكسوة على الكرسى زى السروجى لان اهم حاجة ضبط الشغل مش بس شكلة يعنى الشدة بتاعة الكرسى هى اهم حاجة ودى لا يمكن بأى حال تلاقيها عند ناس بتوع اكسسوارات ودى نصيحة ودة رأى
انا ركبت عندهم وشغلهم نضيف فعلا
توكل على الله
شكرا mido ,onsi,tmedhat
ان روحت شوفت الطقم عجبني بس هيحطوا عليه اللوجو بتاع العربية هاستلمه بعد يومين ان شاء الله .
مبروووووووووووك مقدمااقتباس:
المشاركة الأصلية كتبت بواسطة ehab
ومتنساش الصور بقه :biggrin2:
بص انا تجربتي مختلفه شويه انا جبت الفرش من عندهم وكان تمام وكل حاجه بس بعد 3 شهور الكراسي الخياطه اللي فيها فكت
ممكن اعرف العنوان بالضبط
وجزاكم الله خيرا
اخويا مركب عندهم فرش جلد لانسر شارك من شهر 9 اللى فات وبصراحة زى الفل وكان ب290 جنية والعيال اللى عندة ممتازة بس لازم تقف على ايدهم وتقولهم على اى ملاحظات انت عاوزها وهما حيعملوها والمكان فعلا عندهم واسع تحت كوبرى اكتوبر
انا ركبت فرش جلد لون الطابلوه للفيفا من سبير كار افرع الرئيسى فى السيدة زينب بسعر 280 بالتركيب
وعلى فكرة هما ناس محترمين وصنايعيه فى تركيب الفرش اتركب فى ساعة الا ربع تقريبا ت سبير 23654315 وهو المصنع ايضا وسوف تجد اشكال كتير فى هذا الفرع site www.sparecar.net
لو سمحت انا مش من القاهرة لكن هنزل القاهرة اجيب فرش
ممكن تقولولى شارع دمشق اوصله ازاى واوصل ل سبير كار ازاى اقرب فرع من رمسيس