ياريت حد ديلنى على مكان بيع الماروتى والالتو فى المنصورة

**hosine_eg** · 14-04-2009 01:40 AM

ياريت يا جماعه حد يدلنى على الاتى
- مكان بيبيع ماروتى والتو فى المنصورة
- مكان بيبيع قطع الغيار الخاصه بالسيارتين فى المنصورة
- مكان ميكانيكى موثوق فيه فى المنصورة نقدر نعمل عنده الصيانه الدوريه والاعطال بعيدا عن التوكيل
والسبب فى جمعى للمعلومات انى بأفاضل بين العربيتين من حيث الثمن وقطع الغيار ومصاريف التشغيل لأشترى الافضل وما يناسب احتياجات الاسرة بدون مصاريف اضافيه

**m7nsh** · 14-04-2009 07:58 PM

انا معرفش غير اول سؤال :)

معرض المصريه - توريل الجديده -- جمب المركز

و ربنا يوفقك للأختيار الأفضل

**hosine_eg** · 14-04-2009 09:59 PM

شكرا يا باشا وتسلم على الرد وياترى ايه اخبار العربيه الماروتى معاك وهل تعرف حد جاب التو نسأله عن اخبارها وياريت لو حد يدلنا على مكان بيع قطع غيار الماروتى والالتو فى المنصورة

**m7nsh** · 15-04-2009 12:39 PM

العربيه زى الفل فعلا ,, الحمد لله ,, مكنتش متوقع ده منها و كنت فاكرها هتخسع مع اللى بيتعمل فيها بس والله طلعت اصيله

و فى هنا اعضاء معاهم التو ان شاء الله يفيدوك

**hosine_eg** · 15-04-2009 02:41 PM

ربنا يخليك يا اخى انا سألت النهارده عند محل فى ش عبد السلام عارف عنده قطع غيار السوزوكى لاقيت الماروتى موجود لها قطع غيار رخيصه وممتازه وكمان هو قاللى ان شارع الحسنيه مليان قطع غيار الماروتى بالكامل وسألته على الالتو قاللى قليله وتكاد تكون مش موجوده وكمان رحت معرض المصريه وسألت على الماروتى ماسكين على 38000 زى الوكيل بس قاللى فيه خصم ممكن توصل 36000 ولو فيه معلومات اكتر مش هاتأخر على احلى منتدى

**m7nsh** · 15-04-2009 07:19 PM

ربنا يخليك يا جميل
ممكن تقولى شارع الحسنيه ده فين بالظبط ؟؟و ياريت لو تقولى اروحه منين من الجامعه او المحافظه

**hosine_eg** · 16-04-2009 01:17 AM

شارع الحسنيه بجوار موقف التلاجه لو تعرفه ولو عاوز تيجى من ناحيه المحافظة بتمشى على شارع البحر وبتنزل من المشايه وبعدين تطلع من المطلع اللى قبل كوبرى طلخا وترجع شويه صغيرين لحد سنترال شارع البحر وتدخل من الشارع اللى على ناصيته السنترال اسمه شارع بنك مصر وتمشى على طول وتسأل فين الحسنيه الف مين هايدلك وده شارع كله بتوع قطع غيار وميكانيكيه وعفشجيه وكل اللى انت عاوزه ولو توصلت لمعلومه ياريت تقوللى مدى توفر واسعار قطع غيار الماروتى والالتو وانا كمان هاحاول انزل اسال ان شاء الله
ولو عاوز تروح من الجامعه لو من بوابه البحر بتاخد طريقك زى ما تكون رايح المحافظه وهايقبلك السنترال وشارع بنك مصر بعد كوبر طلخا اللى هايقابلك على الشمال وانت ماشى ولو خرجت من بوابه الجلاء تاخد الجلاء ويبقى وشك ناحيه نادى الشعب وقبل ما تحصله بشارعين تدخل يمين فى شمال اجبارى هاتلاقى موقف التلاجه اللى هو اخر الحسنيه بتتقدم شويه بتلاقى الشارع والميكانيكيه وبتوع قطع الغيار

**alhashem90** · 16-04-2009 01:28 AM

الوكاله اليبانيه ده اسم المحل

0502356333

**m7nsh** · 16-04-2009 03:07 AM

المشاركة الأصلية كتبت بواسطة hosine_eg

شارع الحسنيه بجوار موقف التلاجه لو تعرفه ولو عاوز تيجى من ناحيه المحافظة بتمشى على شارع البحر وبتنزل من المشايه وبعدين تطلع من المطلع اللى قبل كوبرى طلخا وترجع شويه صغيرين لحد سنترال شارع البحر وتدخل من الشارع اللى على ناصيته السنترال اسمه شارع بنك مصر وتمشى على طول وتسأل فين الحسنيه الف مين هايدلك وده شارع كله بتوع قطع غيار وميكانيكيه وعفشجيه وكل اللى انت عاوزه ولو توصلت لمعلومه ياريت تقوللى مدى توفر واسعار قطع غيار الماروتى والالتو وانا كمان هاحاول انزل اسال ان شاء الله
ولو عاوز تروح من الجامعه لو من بوابه البحر بتاخد طريقك زى ما تكون رايح المحافظه وهايقبلك السنترال وشارع بنك مصر بعد كوبر طلخا اللى هايقابلك على الشمال وانت ماشى ولو خرجت من بوابه الجلاء تاخد الجلاء ويبقى وشك ناحيه نادى الشعب وقبل ما تحصله بشارعين تدخل يمين فى شمال اجبارى هاتلاقى موقف التلاجه اللى هو اخر الحسنيه بتتقدم شويه بتلاقى الشارع والميكانيكيه وبتوع قطع الغيار

ماشاء الله ,, وصفك فوق الممتاز انا حاسس كأنى دخلت الشارع خلاص وواحد سمكرى بيبص من ورايا بيشوفنى بكتب ايه !

جزاك الله خيرا يا hosine

و ربنا ما يحوجك ولا يحوجنا لقطع الغيار ;)

**hosine_eg** · 16-04-2009 11:09 PM

اى خدمه لك يا اخى وشكرا لأخونا alhashem90 على رقم تليفون المحل وعلى فكرة انا نزلت سألت فى الحسنيه على قطع غيار الماروتى والالتو ولقيت الماروتى متوفر جدا وفى اكتر من محل ولكن الالتو مش متوفر وقطع الغيار الالتو غاليه ولقيت ان اسعار قطع غيار الماروتى عبيطه فى سعرها يعنى الفانوس فى الثلاثينات وتيل الفرامل متدرج من خمسه وثلاثين لحد ستين حسب النوع ولاقيت ورش بتغير زيت للماروتى وجنوط وتركيب كاسيت واصلاح كهرباء وكل حاجه فى اللماروتى وكمان الاكسسوارات كلها من غطاء سيارة لمعطر لمنظف للماء الاخضر للردياتير ولقيت كمان الكاسيت اللى مقاسه يركب على الماروتى بدون تكسير حاجه بس ببكر وتستعمل معاه ام بى ثرى اللى بيركب فى ولاعه العربيه
وكمان سألت عن سعر العربيه عند السبع لاقيت تمنها 37000 جنيه وقاللى ممكن اعمل خصم على الكاش ولو فيه حد عنده معلومات تانيه مايبخلش علينا

الموضوع: ياريت حد ديلنى على مكان بيع الماروتى والالتو فى المنصورة

LinkBack

أدوات الموضوع

عرض

-

-

-

-

المواضيع المتشابهه

مكان تحفه لتركيب الكاسيت فى الماروتى

مكان الكار كير فين فى المنصورة ؟؟

يا اخوانى ممكن مقارنة بين الماروتى والالتو 800 CC لانى محتار

ممكن مقارنة الماروتى والالتو 800 سىسى

ممكن مقارنة الماروتى والالتو

الكلمات الدلالية لهذا الموضوع

المفضلات

المفضلات

ضوابط المشاركة