الى ملاك صنى 2009...عندك Immobilizer؟؟؟

عرض للطباعة

14-04-2009, 02:02 AM
badry

الى ملاك صنى 2009...عندك Immobilizer؟؟؟

الأخوة ملاك صنى 2009.....

تبعا لمواصفات الصنى كما ذكرت فى بورشور الصنى و فى nissan.com.eg......يوجد Immobilizer فى جميع الموديلات EX و Super Saloon.....

المشكلة ان رجال البيع فى احد الموزعين المعتمدين يؤكدون عدم وجوده!!!! رغم وجود رمز ال Immobilizer ملصوق على زجاج باب السائق (يمثل شكل سيارة مرسموم داخلها مفتاح)....اللى قالى ان ده رمز ال Immobilizer كان احد رجال البيع فى المعرض.....

ارجو الأفادة.....و ذكر السبب المقنع المؤدى الى سواء وجود او عدم و جود ال Immobilizer....

اصل لو طلع مش موجود....يبقى نيسان ايجيبت بتهزر و ده مش كويس....
14-04-2009, 06:52 PM
khaleel

عفوا
بس ايه هوا
Immobilizer
14-04-2009, 07:06 PM
melkholy

بس ايه هوا صحيح ال Immobilizer ده بالبلدى يعنى علشان نقدر نفيدك
15-04-2009, 12:21 AM
fady_anis

ايوه فعلاً ياريت تقولنا دا ايه بالبلدى كده عشان نقدر نفيدك
انا على فكره شوفت االاستيكر دا واعتقد يعنى انه بيقول ان المفتاح لو مكنش اصلى وبتاع العربيه دى مش هيخليها تدور ... بس مش متأكد يا ريت يا جماعه اللى يعرف حاجه يقولها برضه
15-04-2009, 01:24 AM
bishoy02010

تقصدوا يعنى المفتاح لو مش أصلى وعلية شفرة العربية ميدورش !!! هوة ده قصدكوا ولا إيه بالظبط ؟؟؟
15-04-2009, 01:51 AM
WalidAdel

اقتباس:

المشاركة الأصلية كتبت بواسطة fady_anis

ايوه فعلاً ياريت تقولنا دا ايه بالبلدى كده عشان نقدر نفيدك
انا على فكره شوفت االاستيكر دا واعتقد يعنى انه بيقول ان المفتاح لو مكنش اصلى وبتاع العربيه دى مش هيخليها تدور ... بس مش متأكد يا ريت يا جماعه اللى يعرف حاجه يقولها برضه

هو لو قصدكوا علي الحته دي تبقي لأ مش موجوده و عن تجربه انا روحت عملت مفتاح عادي و اشتغل عادي
و مستني توضيح للموضوع
15-04-2009, 02:34 AM
khaleel

انا كمان عملت مفتاح احتياطي بـ 10 جنيه وشغال زي الفل
16-04-2009, 02:03 AM
badry

اسف على التأخير فى الرد يا جماعة.....حصلتلى ظروف و الله...

متشكر جدا على ردودكم و تفاعلكم.....

زى ما حضراتكم قلتم بالضبط....ال Immobilizer ده نظام بيمنع ان موتور العربية يشتغل من اى نسخة مفتاح غير اصلية او -و ده الأهم- بأى طريقة غير استخدام المفتاح الأصلى من الكونتاكت....

ده حتى مذكور فى كتالوج الصنى تحت اسم NATS.....و اللى مدايقنى ان الموزع المعتمد بينكر وجوده....رغم انه مذكور فى البورشور و موقع نيسان مصر فى موديل 2009....

انا شايف انه وسيلة امان مهمة تحمى من سرقة العربية.....يمكن حد يشوفه عيب انه ماينفعش يطلع على المفتاح الا من التوكيل....

لو فى حد عنده 2009 و متأكد من وجوده او عدم وجوده.....ياريت يقولى..

و بالنسبة للأخوة ملاك 2008...عندكم الرمز بتاع المفتاح فى العربية على زجاج السواق؟؟؟؟

و شكرا....
16-04-2009, 01:55 PM
fady_anis

انا شوفت الكلام دا فعلاً فى الكتالوج يا badry واتمنى انه يكون موجود فعلاً بالعربيه مش استيكر على زجاج السواق وبس ونا بستغرب من حاجه ليه مفيش فالعربيه جهاز انذار ضد السرقه مش ضد المفاتيح المزيفه بس
16-04-2009, 02:28 PM
pharonicking

مادام طلعتو عالمفتاح الاصلى مفتاح عادى وبيشغل العربية يبقى مفيهاش اموبيليزر ""
ومش كل اللى بيتكتب فى مصر حتلاقوه"""
16-04-2009, 04:11 PM
badry

اقتباس:

المشاركة الأصلية كتبت بواسطة fady_anis

انا شوفت الكلام دا فعلاً فى الكتالوج يا badry واتمنى انه يكون موجود فعلاً بالعربيه مش استيكر على زجاج السواق وبس ونا بستغرب من حاجه ليه مفيش فالعربيه جهاز انذار ضد السرقه مش ضد المفاتيح المزيفه بس

‎الغريب إن العربية فيها جهاز إنذار!!!!
17-04-2009, 09:48 PM
conc

2009automatic i found the sign on the driver glass
18-04-2009, 12:43 AM
omarsara

السلام عليكم العلامة اللي موجودة على زجاج السائق انا بتصور انه في للصني مفتاحين واحد لونه احمر والتاني اسود الفرق بينهم انك ممكن تقفل الشنطة الخلفية من خلال عتلة صغيرة موجدة جنب ترباس الشنطة الخلفية 0 سوري اللهجة مش كويسة مش 100 مية مصري لاني عراقي) المهم لما تقفلها محدش راح يقدر يفتح الشنطة من الزر الداخلي اللي تحت الكرسي بتاع السواق ولا كمان يقدر يفتحها الا بالمفتاح الااسود والاحمر مش حيقدر يفتحها والفايدة منها على اعتقادي انه لما تدي عربيتك عند ورشة للتصليح او الغسل تديهم المفتاح الاحمر وتقفل الشنطة زي ماقلتلكم وتقدروا تحطوا بيها اي حاجة ومش حيقدر يفتحها لا بالمفتاح ولا بالزر اللي تحت كرسي السواق ودا حسب مافهمتوا من الكتالوج ولا في حد عندوا راي تاني سلااااام
18-04-2009, 06:11 PM
sheeko00

على فكرة العلامة موجودة فى نيسان 2007-2008-2009 وموجودة فى الطابلوة قبل متدور بس مفيهاش مفتاح
21-04-2009, 08:45 PM
Bishoy.Girgis

علي فكره يا جماعة انا عندي نيسان صني 2009 و عملت مفتاح عادي للعربية علي المفاتيح الاصلية و المفتاح العادي او المزيف شغال زي الفل علي الشنطة و الكونتاكت و الباب و ده لأني بحب اشيل مفتاح للعربية في جيبي بعيد عن مفتاح التشغيل خوفا ً من ان العربية تعمل لوك و المفتاح يكون جواها فبعمل مفتاح عادي يكون معايا خارج العربية و طبعا ً المفتاح الاحمر شايله في البيت فقط للحفاظ عليه كمفتاح اصلي للعربية
اي خدمة شباب
24-04-2009, 02:44 PM
moroo010

اقتباس:

المشاركة الأصلية كتبت بواسطة badry

‎الغريب إن العربية فيها جهاز إنذار!!!!

يااااا جمااااااااعة العربيه فيها جهاااااز انذااااااااااار
وانا اتأكدت منه بنفسي وانتم كمان تقدرو تتأكدو

حصل من يومين ان بنت خالتي اتسرقت عربيتها المهم مفيش حد ساعدنا خالص في الموضوع ده من رجال الشرطه وقالولنا بالنص والله دوروا عليها انتو ما فيش حد حيدورلكم عليها
المهم والدي راح للتوكيل علشان يعمل مفتاح مختفي (وليس مفتاح عربيه ) لفصل الكهربه بتاعت العربية يدويا منعا للسرقة والعياذ بالله وربنا يحفظ لنا عربيتنا كلنا يا رب

المهم الراجل في التوكيل قاله انت لو لاقدر الله نسيت زجاج العربيه مفتوح وسنترت العربيه والحرامي جه عشان يسرق العربيه اكيد حيمد ايده ويفتح مصوجر الباب من الداخل وبعد كده اكيد حيفتح الباب علشان يركب سواء من الداخل او من الخارج
المهم لحظة ما بيفتح الباب لحظة ما بيكون اتسيحله واتفضح والعربيه بتفضل تيييييت تيييييت تيييييت تيييييت تيييييت تيييييت تيييييت تيييييت تيييييت تيييييت تيييييت تيييييت لحد ما يجي صاحب العربيه يبقفلها بالريموت بتاعه وليس باي حاجه تانيه ولا حتى مفتاح تلتين
جربوها وشوفو بنفسكم بس هو اللى كان نفسي فيه ومش عارف موجود ولا لاء ان العربيه تصوت برضه بس لو اتفتحت غلط اساسا حتى لو انا سايب زجاج العربيه مقفول

اسف اسف اسف جدا على الاطاله
وشكرا
مروان عيد
23-05-2009, 02:52 PM
asnady

يا جماعه لازم نعرف ان immobilizer دا بيشتغل لاسلكى بتكنولوجيا اسمها RFID
اشارة لاسلكيه من المفتح الى مستقبل فى السيارة يجعل الموتور يشعر بوجود المفتاح الاصلى
لذلك اذا قمت بعمل نسخه و دخلت سيارتك و المفتاح الاصلى فى جيبك و جربت المفتاح المقلد سوف يعمل بشكل طبيعى
ارجو ان الناس تجرب و المفتاح فى الشقه بعيد خالص
و انا باشترى نيسان الشكل الجديد من السبع المدير هناك قاللى انه موجود فعلا و كمان فى انذار بس بيشتغل مع كسر الزجاج او محاولة فتح الباب بمفتاح غير اصلى فقط و لا يعمل مع اهتزاز او لمس السيارة من الخارج
انا بصراحه مجربتش ارجو الناس تجرب و تقولى عشان انا لسه مستلمتش العربيه