السلام عليكم
ارجو منكم التكرم بنصحى عن وضع العربيه فورد اسكورت 99 160000كم فبريكه بدون تكيف سعرها كام تقريبا واخبار قطع الغيار :36_1_58[1]:1300cc
السلام عليكم
ارجو منكم التكرم بنصحى عن وضع العربيه فورد اسكورت 99 160000كم فبريكه بدون تكيف سعرها كام تقريبا واخبار قطع الغيار :36_1_58[1]:1300cc
بص انت ممكن تقول هيا معروضة عليك بكام و الناس هنا تقيم
علشان موضوع السعر ده بيفرق من عربية للتانية و يا ريت توصف حالة العربية اكتر
بالتفصيل
يعني حالة الموتور
شكل الدهان شكل الصالون علشان ده الي بيقيم طريقة الاستخدام
حالة العفشة و هكذا
شكرا جزيلا على اهتمامك والرد عليه العربيه بحاله جيده
1-الصلون بحاله ممتازه
2-الدوكوبحاله جيده لاتحتاج الى سمكره ودوكو
3-العفشة جيده ولاكن تحتج فقط الى طقم بيض
4-الماتور بحاله جيده
من الاخر العربيه مش متهانه يعنى زىمبتقول صحبها مش شحات
وهى معروضه فى حدود 30الف
واخيرا اشكرك ياخى على اهتمامك وردك على وانا سعيد لأنضمامى الى هذا المنتدى المحترم ( وتعاونوا على البر والتقوى)
طيب بص انا عن نفسي لو مكانك اضحي ب 200 جنيه و اروح اكشف عليها في التوكيل
طبعا التوكيل هايرصلك ليستة طويلة بحاجات عاوزة تتغير
و لما تقرا الليستة ديه تحس انك كنت داخل عليهم بالعربية متحملة على عربية تانية مش ماشية
متضخضش بس اهم حاجة انهم يكشفوا على حالة الشاسيه ميكونش فيه الهوا و حالة الموتور يفضل ميكونش خفيف
و حالة الضفيرة بتاعت الكهرباء
اما موضوع العفشة بدام قالك عاوزة بيض يبقي اعمل حسابك في شوية حاجات كمان
س البيض علشان البيض لما بيبوز بيسحب معاه شوية حاجات منها الجلب
و ممكن بيض دركسيون خارجي و داخلي و جوز طنابير فرامل
المهم التوكيل هايرص الليستة بتاعتة شوفها و ممكن تبعتها هنا و الناس تساعدك في فهمها
و طبعا لما تلاقيه كاتب مقياس حاجة زي الموتور يا ريت تسال المهندس الي هناك الرقم اليمكتوب معناه خفيف ولا لا
اما السعر اعتقد مع حالة السوق المتوفي و سوق الفورد المتوفي بالفطرة ممكن تنزل شوية كمان علشان العربية مفيهاش تكييف
و تركيب تكييف ليها هايكلف حوالي 3 بواكي
و فيه حاجة يا ريت تكون عارفها المبلغ الي هاتدفعة مش هايرجعلك تاني علشان الفورد مش عربية تجارة
بس هاتتمتع بكل يوم في سواقة العربية ديه
متشكر جدا على اهتمامك و سوف اخذ بنصيحتك
تنزل عن ال30 الف كمان ؟
اولا ربنا يوفقك في العربية وتريحك ان شاء الله وتقديري الكامل لayabooy باشا والاستاذ pro samir بس معتقدش ياجماعة ان سعر العربية ينزل عن 30 كدا بصراحة يبقي صاحبها بيتظلم فيها
انا اتنين معرفة لسة بايعين اسكورت من مدة قريبة
الاولي:1600 تكييف-باور-زجاج كهربا-سنتر-دواخل فابريكة ورش اجناب من برة وباعها علي38 الف
التانية :1300 مفيهاش غير سنتر بس فابريكة برة وجوة واتباعت وباعها علي 34.500
فبيتيهئلي السعر كدا يبقي كويس اوي خصوصا انو بيقول ان العربية حالتها حلوة وفي النهاية ربنا يوفقه ويكرمه ويباركله فيها ان شاء الله
مانا مستغرب جدا انة بيقول تنزل عن 30 علشان كدة بسأل
لأنى لسة متفرج على واحدة امبارح 1300 كاملة بس مفيهاش باور فابريكة موديل 97 او 98 مش فاكر و متجنطة
والراجل كان بيتكلم فى 37 الف
فمش معقول يعنى الفرق يكون اكتر من 7000 جنية !
يا جماعة الراجل بيتكلم على عربية فاضية مفيهاش تكييف و لا جنوط و لا باور
و رشة بره و السوق بجد نايم بطريقة غريبة يعني لو نزلت السوق فعلا هاتلاقم الكل بيطلب الاسعار الي بتقولة عليها
بس مفيش عمليات بيع فعلية عرض بس و على هذا الاساس قلت السعر ده و طبعا ربنا يوفق الجميع و يرزق الكل
انا معايا فورد اسكورت مو98 1.6 full option جبتها اول السنة دى ب 44500 جنية
بالنسبة للعربية العربية جامدة جدا و السعر الى حضرتك كاتبة مناسب بالنسبة للعربية الفاضية ال 1300
ادخل على (www.car100100.com) هاتعرف كل اسعار الاسكورت المعروضة
لو عايز اى استفسار عن قطع الغيار و مواصفت المحرك ال 1300 و التسارع و ابعاد السيارة و كل ما يخص السيارة ابعتلى.