طريق جامعه الدول العربيه الصحراوووووى

السلام عليكم
امبارح الاتنين 12/4/2009الساعه 12.45

حصل حادث غريب انا عن نفسى مش هقدر اوصوفه ليكوا رغم انى شوفته بالكامل
اتفرجوا ع الصور وانتوا تقدروا تتخيلوا الحادث
واكيد فى ناس هاتقرا الموضوع ده ممكن تكون شافته لان على ما الطريق رجع لوضعه الطبيعى الوقت استغرق تقريبا ساعه الا تلت

المهم انا كنت واقف فى شارع جامعه الدول الساعه 12.45 تقريبا
امام مطعم كوك روك ومطعم ابوشقره
وسمعت صوت فرامل عالى جدا ببص ع الشارع لقيت عربيه لانسر بومه لونها احمر هو كان ماشى جانب الجزيره اللى فى النص المهم اللى شوفته انه كان بيتخطى العربيه اللى امامه وهو بيلم تانى العربيه مشيت بالعرض حوالى 100متر وطبعا كل العربيات وقفت والناس مزهوله العربيه وصلت للرصيف مع قوه الدفع بدون مبالعه العربيه طاااااااااااااااااااااااا اااااارت ونزلت فى وسط الحديد بتاع الحديقه ولولا وجود شجره لكانت العربيه اتقلبت
بصراحه جرينا طلعنا الشابان من باب السائق والحمد لله مافيهومش خربوش بس العربيه زعلت جدا



معلش الصور ممكن ماتكونش واضحه بس مفهومه


[IMG]http://up2.m5zn.com/photo/2009/4/14/...11hbfh.jpg/jpg[/IMG]

[IMG]http://up2.m5zn.com/photo/2009/4/14/...4r70t4.jpg/jpg[/IMG]

[IMG]http://up2.m5zn.com/photo/2009/4/14/...67y36n.jpg/jpg[/IMG]

[IMG]http://up2.m5zn.com/photo/2009/4/14/...yzilwy.jpg/jpg[/IMG]

[IMG]http://up2.m5zn.com/photo/2009/4/14/...9ldn32.jpg/jpg[/IMG]

[IMG]http://up2.m5zn.com/photo/2009/4/14/...yt7ayi.jpg/jpg[/IMG]

[IMG]http://up2.m5zn.com/photo/2009/4/14/...ly67sh.jpg/jpg[/IMG]

[IMG]http://up2.m5zn.com/photo/2009/4/14/...9x05jh.jpg/jpg[/IMG]

[IMG]http://up2.m5zn.com/photo/2009/4/14/...97qvzv.jpg/jpg[/IMG]

سلبيات الموقف

ماشوفتش سالبيات بصراحه غير التصوير (وانا واحد منهم) والعربيات اللى ركنت مخصوص علشان تنزل تتفرج وتابع الموقف وموقفه الدنيا حتى الجهه المقابله

ايجابيات الموقف

اول لما شوفنا الحادث بصراحه كل الناس جريت ونزلت الركاب واطمنا عليها
الشرطه وصلت بعد 4 دقائق (ونش , سياره دوريه لونها ابيض , سياره دوريه اوكتافيا لونها ازرق , سياره اسعاف , اتنين موتوسيكل مرور)

مساعده الناس بصراحه فى خروج العربيه من ع الرصيف بس فشلت فاضطروا لاستخدام الونش وده اللى بوظ العربيه اكتر من الاول

_______________________________________


بصراحه ربنا يكون فى عون صاحبها رغم انه اكيد غلطان الراجل ده لو سايق بحد اقصى 60 ماكنش هايحصل كده
وقدر الله وماشاء فعل
العربيه باظت وماظنش ان الحكومه هاتسيب حقعا من الاضرار اللى حصلت فى تكسير الرصيف والسور الخرسانى والحديدى والشجره اللى انقذت الموقف

ياريت نتعلم :8954[1]:

هو دا أخر التهور وربنا بيحبهم والله وحطيلهم الشجره دى فى سكتهم عشان تمنع بلأ كبير

ربنا يسترها معانا جميعا والحمدلله ان الشبان بخير ومحصلهمش حاجة فستين داهية الحديد

غريبه اوى وتهور زايد عن حده من الى سايقها
كنت شفت حادثه برضه فى شارع الميرغنى كانت كرولا 2006 او 2005 بس العربيه اتقسمت اربع او 5 حتت وعند ابوشقره برضه الى فى الميرغنى استغربت جدا ازاى كرولا يحصلها الى حصل ده فيه كشك هناك دخل فيه باب والعربيه كان فيها 3 شباب اتوفو التلاته
http://www.postimage.org/aV1X_Q29.jpg

http://www.postimage.org/aV1X_V1r.jpg

http://www.postimage.org/aV1X_XwA.jpg

http://www.postimage.org/Pq1X9A0A.jpg

http://www.postimage.org/gx14ItB0.jpg

http://www.postimage.org/aV1Y0dZA.jpg

http://www.postimage.org/Pq1X9OZr.jpg

اتمنى انا يوقع اقصى عقوبة على قائد وصاحب السيارة.......قمة الاستهتار .......وانا لست حزين الا على الاضرار اللى وقعت فى الشارع والعطله اللى حدثت...........الركاب والسائق يستحقوا عقوبة رادعة......من يركب مع شخص متهور ويشجعه يجب ان ينال نفس العقوبة.....فى كثير من الاحيان يكون الركاب هم سبب زيادة اندفاع وتهور السائق........دعواتى بالتوفيق لرجال الشرطة والاسعاف .....واخبرا شكرى لكاتب الموضوع حتى ناخذ جميعا عبره

والله يا zeka127 صور فظيعة جدا
المكان ده جنب الشغل بتاعي على طول
بس عايز اعرف حصل امتى الحادث ده؟


لا حول ولا قوة الا بالله

اقتباس:

---

المشاركة الأصلية كتبت بواسطة mobinilo

والله يا zeka127 صور فظيعة جدا
المكان ده جنب الشغل بتاعي على طول
بس عايز اعرف حصل امتى الحادث ده؟


لا حول ولا قوة الا بالله

---

والله مش فاكر اوى اصلها من فتره يعنى 6 شهور مثلا او اكتر شويه فى الصيف الى فات...

اقتباس:

---

غريبه اوى وتهور زايد عن حده من الى سايقها
كنت شفت حادثه برضه فى شارع الميرغنى كانت كرولا 2006 او 2005 بس العربيه اتقسمت اربع او 5 حتت وعند ابوشقره برضه الى فى الميرغنى استغربت جدا ازاى كرولا يحصلها الى حصل ده فيه كشك هناك دخل فيه باب والعربيه كان فيها 3 شباب اتوفو التلاته

---

على فكرة العربية دي ما أتقسمتش من الحادثة
ده هما أطضروا يقطعوها علشان يطلعوا الجثث الي فيها

اقتباس:

---

المشاركة الأصلية كتبت بواسطة zeka127

غريبه اوى وتهور زايد عن حده من الى سايقها
كنت شفت حادثه برضه فى شارع الميرغنى كانت كرولا 2006 او 2005 بس العربيه اتقسمت اربع او 5 حتت وعند ابوشقره برضه الى فى الميرغنى استغربت جدا ازاى كرولا يحصلها الى حصل ده فيه كشك هناك دخل فيه باب والعربيه كان فيها 3 شباب اتوفو التلاته
http://www.postimage.org/aV1X_Q29.jpg

http://www.postimage.org/aV1X_V1r.jpg

http://www.postimage.org/aV1X_XwA.jpg

http://www.postimage.org/Pq1X9A0A.jpg

http://www.postimage.org/gx14ItB0.jpg

http://www.postimage.org/aV1Y0dZA.jpg

http://www.postimage.org/Pq1X9OZr.jpg

---

ان لله وان اليه راجعون
حوادث سبحان الله غريبه

حسبي الله ونعم الوكيل
يعني لما ربنا يسأل اللي كان سايق .... عملت ايه في عمرك وشبابك .... ح يقول ايه ؟؟؟؟
فيه ناس كتيييير اوي .... ممكن جميع مشاكلهم تتحل بربع ثمن العربية اللي اتدمرت دي ...
وناس كتييير اوي تتمنى ... ان يكون عندها صحة انها تقدر تمشي على رجليها
....
وملايين .... ومليارات ..... بتتمنى ترجع للحياه لحظة ... مجرد لحظة .... علشان تعمل خير ينفعها في آخرتها ...
وبعدين نلاقي ناس بتدمر سيارات بعشرات الالوف .... وتصيب نفسها وغيرها بعاهات مستديمة .... وتهدر عمرها وتتحمل وزر ازهاق ارواح ناس تانية ...... بلا مقابل
حسبي الله ونعم الوكيل

لا حول ولا قوة الا بالله

هو الناس دي بتعمل كده ليه ؟ده الادب والاحترام حلوين والله والذوق كويس ومفيهوش حاجه ومش ضعف ابدا هو انا لما اعمل كده يعني هبقى كويس لما اقعد كابس على اللي قدامي وازنّق والطريق اصلا زحمه ومش مستحمل؟ ياجماعه هو الذوق والاحترام بقوا حاجه وحشه مثلا؟ انا والله مش شمتان فيهم بس اللي بسأله هل في شخصيات بالعقليات دي ممكن تتعظ من اللي حصل ولا لازم حد يموت قدامهم عشان يتعلموا؟ طب فرضا يعني حد مات قدامهم من حادثه برضو هيبطّلوا؟ والله مااعرف بس ماعتقدش.

اقتباس:

---

المشاركة الأصلية كتبت بواسطة zeka127

غريبه اوى وتهور زايد عن حده من الى سايقها
كنت شفت حادثه برضه فى شارع الميرغنى كانت كرولا 2006 او 2005 بس العربيه اتقسمت اربع او 5 حتت وعند ابوشقره برضه الى فى الميرغنى استغربت جدا ازاى كرولا يحصلها الى حصل ده فيه كشك هناك دخل فيه باب والعربيه كان فيها 3 شباب اتوفو التلاته
http://www.postimage.org/aV1X_Q29.jpg

http://www.postimage.org/aV1X_V1r.jpg

http://www.postimage.org/aV1X_XwA.jpg

http://www.postimage.org/Pq1X9A0A.jpg

http://www.postimage.org/gx14ItB0.jpg

http://www.postimage.org/aV1Y0dZA.jpg

http://www.postimage.org/Pq1X9OZr.jpg

---

بجد المنظر مرعب

انا اتعقدت من اللانسر البومة دي.. مش عارف ليه إللي بيركبها بيلبسه عفريت التهور...ربنا يستر علينا

لا حول ولا قوة الا بالله

الحادثتين كانوا قدام ابو شقرة انا اتشاءمت من المطعم ده :(

هو مش بيقولوا ان جامعه الدول فيه رادار بالليل

في معلومه عايز اقولها لصاحب الموضوع والاخوه كلهم

مش معنه ان يحصل حادثه والناس كلها تجري عليها انهم رايحين يسعدوهم

في ناس كتير اوي بيبقه غرضهم مش تمام

يعني يروح ييسرق موبيل من الناس الي في الحدثه يسرق فلوس منهم وعامل نفسه بيطلعهم من العربيه

والله يا جماعه قدام عيني حاجت زي دي بتحصل ناس معندهاش دم واحد سايح في دمه والتاني بيسرق فيه (حسبي الله ونعم الوكيل)

مره واحد صحبي عمل حادثه وانا روحتله كان هوه نايم علي الرصيف علشان ظهره تعبه جدا وطبعا كله ملهي معاه

ابص الاقي ناس بتحاول تشد الكاسيت من العربيه والسماعات


ومره قبل كده قدام مارينا الصيف الي فات حصل حادثه بعربيه مرسيدس2008 لاقيت العرب كلهم جريوا علي العربيه علشان يقلبوا اي حاجه منها بس صاحب العربيه كان الحمد الله طلع سليم وفضل واقف جنبها ما رديش يسبها ابدا

ربنا يسترها معانا يارب

الطرق مش مستحمله السرعات الكبيره ولا ثقافه السواقه عندنا تستحمل برضوا السرعات الكبيره دى والغرز

ربنا يهدى المتهورين فى السواقه

والله انا شفت حادثه كانت فى طريق الرحاب عربيه تويوتا كرورلا اختفت ملامحها بعد الحادثه 90% الناس اللى جوه العربيه ماتوا انا جيت بعد ما طلعوا الناس بس شفت موقف اجمد من انى اشوف الجثث نفسها ام صاحب العربيه

مهما كاتبت من كلام مش هقدر اوصفه والله لو الشاب ده رجع وشاف امه بالحاله دى عمره ابدا ما كان هيجرى ولا يتهور

ياريت يا جماعه اصحاب السرعات الجنونيه نفكر فى الناس اللى معانا واللى حولين هيحصل ايه لقدر الله لو حصل اى حادثه

[B]

اقتباس:

---

المشاركة الأصلية كتبت بواسطة ecybrarian

انا اتعقدت من اللانسر البومة دي.. مش عارف ليه إللي بيركبها بيلبسه عفريت التهور...ربنا يستر علينا

---

ربنا يطمنك
على فكره هى مش بالعربيه
دى قدره ربنا سبحانه وتعالى ساعات اللى بيسوق بينسا قدرة الله وثقته فى نفسه وفى عربيته بيتخليه فعلا اعمى عن حاجات كتير

انا عن نفسى ساعات اسرح فى السواقه والاقى نفسى بجرى وغرز وفجاءه اهدى واستغفر ربنا واقول سبحان الذى سخر لنا هذا وما كنا له مقرنيين وانا الى ربنا لمنقلبون
وافتكر ان الله قادر على كل شىء وبتيجى من اهون سبب
يبقا ع الاقل ما اكونش انا السبب واتذكر قدره الله تعالى القادر على كل شىء
وطبعا كل شىء قضاء وقدر
وربنا يرحمنا

اقتباس:

---

المشاركة الأصلية كتبت بواسطة zeka127

غريبه اوى وتهور زايد عن حده من الى سايقها
كنت شفت حادثه برضه فى شارع الميرغنى كانت كرولا 2006 او 2005 بس العربيه اتقسمت اربع او 5 حتت وعند ابوشقره برضه الى فى الميرغنى استغربت جدا ازاى كرولا يحصلها الى حصل ده فيه كشك هناك دخل فيه باب والعربيه كان فيها 3 شباب اتوفو التلاته
http://www.postimage.org/aV1X_Q29.jpg

http://www.postimage.org/aV1X_V1r.jpg

http://www.postimage.org/aV1X_XwA.jpg

http://www.postimage.org/Pq1X9A0A.jpg

http://www.postimage.org/gx14ItB0.jpg

http://www.postimage.org/aV1Y0dZA.jpg

http://www.postimage.org/Pq1X9OZr.jpg

---

على فكرة دى مش اول كورولا القيها بالمنظر ده العربية بجد فيها حاجة غلط
بجد انا مستغرب ازاى تويوتا كورولا وتتقسم كدة
وادى الصور

http://www.postimage.org/Pq22BIS0.jpg


http://www.postimage.org/Pq22BQlr.jpg

بجد ربنا يكفينا شر الحوادث

اقتباس:

---

المشاركة الأصلية كتبت بواسطة معتز

اتمنى انا يوقع اقصى عقوبة على قائد وصاحب السيارة.......قمة الاستهتار .......وانا لست حزين الا على الاضرار اللى وقعت فى الشارع والعطله اللى حدثت...........الركاب والسائق يستحقوا عقوبة رادعة......من يركب مع شخص متهور ويشجعه يجب ان ينال نفس العقوبة.....فى كثير من الاحيان يكون الركاب هم سبب زيادة اندفاع وتهور السائق........دعواتى بالتوفيق لرجال الشرطة والاسعاف .....واخبرا شكرى لكاتب الموضوع حتى ناخذ جميعا عبره

---

اقتباس:

---

المشاركة الأصلية كتبت بواسطة أبـو آســـــر

على فكرة العربية دي ما أتقسمتش من الحادثة
ده هما أطضروا يقطعوها علشان يطلعوا الجثث الي فيها

---

اقتباس:

---

المشاركة الأصلية كتبت بواسطة aif

حسبي الله ونعم الوكيل
يعني لما ربنا يسأل اللي كان سايق .... عملت ايه في عمرك وشبابك .... ح يقول ايه ؟؟؟؟
فيه ناس كتيييير اوي .... ممكن جميع مشاكلهم تتحل بربع ثمن العربية اللي اتدمرت دي ...
وناس كتييير اوي تتمنى ... ان يكون عندها صحة انها تقدر تمشي على رجليها
....
وملايين .... ومليارات ..... بتتمنى ترجع للحياه لحظة ... مجرد لحظة .... علشان تعمل خير ينفعها في آخرتها ...
وبعدين نلاقي ناس بتدمر سيارات بعشرات الالوف .... وتصيب نفسها وغيرها بعاهات مستديمة .... وتهدر عمرها وتتحمل وزر ازهاق ارواح ناس تانية ...... بلا مقابل
حسبي الله ونعم الوكيل

---

كلام مضبوط 100% والحقيقه التهور فى القياده ظلم لكل من فى الشارع و كذلك معصيه عظيمه للسائق حيث اعتبر علماء الدين كل من يقود سيارته فى رعونه واستهتار فى عداد المنتحرين
وحسبنا الله ونعم الوكيل فى كل ظالم

ربنا يسترها علينا جميعا
ياريت كل اللى متعود على السرعه العاليه يعيد تفكيره عند صوره زى دى

ياريت يا جماعه حد يشرح الحادثه دى حصلت ازاى

لا حول ولا قوه الا بالله
ربنا يكفى الجميع شر الطريق

يانهار ابيض !!! انا مش فاهم والله ازاى بيوصلو للوضع دة خصوصا الكرولا دة كان ماشى كام دة علشان العربية تبقى مية حتة بالطريقة دى ؟؟؟
حسبنا الله فيهم والله
وربنا يسترها علينا جميعا

لا حول ولا قوة الا بالله


الا من متعظ؟


ده ان دل يدل علي مدي التهور وعدم المبالاه بارواح الاخرين


ربنا يستر

أحسن و يستاهل كل اللي يجراله و يا رب ده يبقي جزاء كل اللي بيسوق بتهور ومش عامل حساب لأي حاجة .

أنا بس عايزة أفهم هي الناس مستعجلة على ايه؟ اللي يشوف الناس و هي بتخطى بعضها و يطلعوا من ورا بعض و يعملوا غرز يقول يااااااااااااه ده الشعب ده عارف قيمة الوقت فعلا و بيقضيه في حاجات تبني بلده فعلا.. أكيد رايحين يخترعوا اختراع فكرته ما تستناش أو فكرة إبداعية هاتغير مسار الكون أو وراهم إجتماعات مصيرية هاتحدد مصير العالم.

خلاصة اللي بيحصل في شوارعنا هو ان مافيش صبر

لا حول ولا قوه الا بالله
هو فعلا شارع الميرغنى ده كل فترة تلقى حادث بشع عليه الشباب بيتجمعوا تقريبا يوميا بعد الساعة 12 ويشدوا هناك وخصوصا يوم الخميس حتى بقى كل يوم خميس بيعملوا لجنة هناك عشان الموضوع ده

في واحده يابانيه عايشه في القاهره قالت لواحد صاحبي انها بتستغرب جدا لما بتشوف المصريين و هما سايقين عربياتهم كانهم في سباق حياه او موت و لما بتشوفهم في اماكن شغلهم بتلاقيهم قاعدين مبيعملوش حاجه.......امال كانوا مستعجلين ليه؟؟؟؟

اقتباس:

---

المشاركة الأصلية كتبت بواسطة ahmedkoko

في واحده يابانيه عايشه في القاهره قالت لواحد صاحبي انها بتستغرب جدا لما بتشوف المصريين و هما سايقين عربياتهم كانهم في سباق حياه او موت و لما بتشوفهم في اماكن شغلهم بتلاقيهم قاعدين مبيعملوش حاجه.......امال كانوا مستعجلين ليه؟؟؟؟

---

حلوة بس الاجابة معروفه عشان ميتخصملوووووووش وياخد كلمتين من المدير بتاعه لو وصل بعد مواعيد الشغل وبعد كده يكمل نوم في الشغل.

اقتباس:

---

المشاركة الأصلية كتبت بواسطة M_Nabil

لا حول ولا قوه الا بالله
هو فعلا شارع الميرغنى ده كل فترة تلقى حادث بشع عليه الشباب بيتجمعوا تقريبا يوميا بعد الساعة 12 ويشدوا هناك وخصوصا يوم الخميس حتى بقى كل يوم خميس بيعملوا لجنة هناك عشان الموضوع ده

---

يوم الخميس بعد اللجنه على طول هتلاقى الشباب واقفه بس مش زى الاول طبعا