الموضوع: تقييم شيفورليه أوبترا أتوماتك..

مبارك يا هيثم باشا ربنا يعطيك خيرها و يكفيك شرها و أهلا بيك فى منتدانا الجميل و فى Chevy group بشكل خاص والله بنور عليك تحليل ممتاز ، أنا عشته بالتفصيل لما ركبت الأوبترا بعد الكورولا 2001 بتاعت والدى و كنت متردد و بقول لنفسى خليك فى المضمون و اللى تعرفه أحسن من اللى ما تعرفوش بس الصراحة لقيت العربية جميلة جدا و محترمة وفعلا العربية دى مظلومة فى المنتدى مع إن كل اللى ركبها إقتنع بها جدا و كمقارنة بينها وبين التويوتا 1300 أنا لقيتها كلها فى صالح الأوبترا عدا إن صاج الكورولا أجمد شوية و طبعا سحر علامة تويوتا و حتى لو فرض إن الكورولا ال1600 أحسن من الأوبترا فلا أعتقد إن الفرق يستاهل 45 ألف ،،و مش عارف أدفع 7 آلاف جنية فوق الأوبترا عشان أجيب عربية كورولا 1300 تكييف و باور و مافيهاش ريحة أوبشن تانى لييييييه
عموما يا باشا مبارك تانى و تحياتى للجميع :lol: :lol: :lol:

على فكره تقييمك اكثر من ممتاز ... انت كده اقنعتنى بالعربيه دى ... انا كنت بافكر فيها بس متردد شويه... بس انا عاوز اسألك على كام حاجه كده .. هيا اخبارها فى المطبات ايه ؟ بتحك فى المطبات ولا لا ؟ ولما بيكون معاك ناس فى العربيه بتكون واطيه وبتتعبك فى المطبات ولا مساعدينها ناشفين وبيحموها من انها توطى زى ما سمعت ؟؟
هى فعلا كابتوها ضعيف ولا دى اشاعه ؟
العربيه معزوله عزل كويس ولا بتسمع اصاوت جوه وانت ماشى سواء من الموتور ولا من الطريق ؟
لو تعرف اسعار لقطع غيار يا ريت ما تبخلش علينا ؟؟
وياريت تقول لينا على كل جديد معاك .....
والف مبروك

لو كل عضو قدر يشرح للاخين عربيتة بالشكل الممتاز دا هانبقى كلنا اساتزة ف العربيات اشكرك و احترمك ..اخوك مدحت

أستاذ هيثم

أحييك على تمييزك لموضوع الرعشه ده اللى إنت بتحس بيه فى العربيه. أنا فعلا كنت بحس برعشه أورجه تقريبا عند نفس RPM اللى إنت ذكرته بس كنت بفتكر إن ده مطبات أو عدم إستواء فى الأرض. بس لما قريت كلامك وركزت فيها لقيت فعلا إنها رعشه خفيفه تختفى بسرعه مع زيادة السرعه. عايزين نعرف سبب الموضوع ده وهل ليه حل ولا لأ مع أول صيانه.
(سيارتى أوبترا أوتوماتيك 2007)