تنظيف الرشاشات لتوفير البنزين وتحسين السحب

السلام عليكم و رحمة الله و بركاته
أخواني الأعزاء ......... أعضاء نايل موتورز

أنا قلت أفتح الموضوع و أشارك الناس المعلومة و تجربتي مع تنظيف الرشاشات .

رشاشات نظيفة = سحب جيد + توفير بنزين
رشاشات متسخة = سحب أقل من العادي + أستهلاك بنزين

و لتنظيف الرشاشات بطريقة رخيصة الثمن مرتفعة الجودة في عملها
أقوم بشراء منطف رشاشات أسمه سبيد ........Speed
و هو صناعة مصرية بخامات و تعاون مع الأتحاد الأوروبي .
و لا يفرق شئ عن المنتج الأمريكي الصهيوني .
لذلك نصيحة أخوية ........... وفر فلوسك و فر ق السعر الكبير ........... و أشتري منتج بلدك الممتاز في الجودة و القليل في السعر .

و ساند أقتصاد بلدك .......... و متخليش الصهاينة يوصولوا لفلوسك .

المهم و ندخل على النقطة التقنية في الموضوع
المنتج صناعة مصري أوروبي .
ثمنه .... 8 جنيه مصري تقريبا .
المكان الوحيد اللي أستطيع أن أجده فيه هو كارفور .
كيفية الأستخدام :
تشتري العبوة و تنتظر حتى يصل مستوى البنزين في التانك للربع
أذهب إلى محطة البنزين ......... قم بتفريغ العبوة قبل التفويل .
و بعدين قم بعملية التفويل حتى يختلط السائل المنظف مع البنزين .
لا تقوم بالتفويل مرة أخرى حتى وصول مستوى البنزين إلى الربع
يمكن تكرار العملية كل 1000 كم أو حسب الحاجة .
إليكم صورة المنتج ..............
http://i44.tinypic.com/jjqssp.jpg

http://i43.tinypic.com/10rmf6q.jpg


لا تنسى أن كل مليم تدفعه في منتج صُنع في مصر ......... بيوفر وظيفة لي و لك و لأخوك و أخي و كل شعب مصر ............. http://fc09.deviantart.com/fs19/f/20...e463390043.gif
مع تحياتي بالتوفيق للجميع

نجرب و نشوف
طيب لما أستعمله لازم أفول ع الأخر و لا ممكن 3/4 التنك كدا أو نص تانك

الله ينور عليك يا استاذ توت وإن شاء الله نشتريه ونجربه

انا بستخدم على طول نوع تانى معرفش صناعة بس فعال بطريقة جامدة جدا جدا
وهو fuel cleaner injector
منتج جامد اى وبيجيبة من كارفور بردة

مشكور حضرتك بس المنتج اللى حضرتك بتتكلم عنة نوعية رديئة جدا عفوا على اللفظ
فى حجات كتيير افضل منة واذا كان الهدف هو تشغيل العمالة المصرية وتشجيع المنتج المصرى ففى حجات كتيير اقدر اعملها بعيدا عن سلامتى الشخصية وسلامة عربيتى

شكرا علي المعلومة الجميله دى متهيالي كدا مقصود بالعربية الانجكشن ولا ايه !

اقتباس:

---

المشاركة الأصلية كتبت بواسطة lancerevolution

نجرب و نشوف
طيب لما أستعمله لازم أفول ع الأخر و لا ممكن 3/4 التنك كدا أو نص تانك

---

ممكن طبعا تعمل ثلاثة أربع تانك فقط بس لازم تستنى أكتر من الربع و الله أعلم .

اقتباس:

---

المشاركة الأصلية كتبت بواسطة elmadawy

الله ينور عليك يا استاذ توت وإن شاء الله نشتريه ونجربه

---

العفو يا باشا و الحمد لله أن الموضوع عجب حضرتك و إن شاء الله يطلع عند حُسن الظن .

اقتباس:

---

المشاركة الأصلية كتبت بواسطة Fadi Ezzat

انا بستخدم على طول نوع تانى معرفش صناعة بس فعال بطريقة جامدة جدا جدا
وهو fuel cleaner injector
منتج جامد اى وبيجيبة من كارفور بردة

---

بُص يا باشا مفيش في كارفور غير مصري و أمريكي
و اللي حضرتك بتشتريه ده أمريكاني صهيوني .
و المصري فعال جدا جدا جدا جدا جدا عن تجربة لمدة طويلة مع عربيتين

اقتباس:

---

المشاركة الأصلية كتبت بواسطة rembrandt

مشكور حضرتك بس المنتج اللى حضرتك بتتكلم عنة نوعية رديئة جدا عفوا على اللفظ
فى حجات كتيير افضل منة واذا كان الهدف هو تشغيل العمالة المصرية وتشجيع المنتج المصرى ففى حجات كتيير اقدر اعملها بعيدا عن سلامتى الشخصية وسلامة عربيتى

---

ممكن أعرف السبب بعد أذن حضرتك ؟؟؟

على فكرة أنا بستخدمه في عربيتين و بيخلي الأداء كويس . و المنتج بأستخدمه بقالي ثلاثة سنوات و مفيش أي مشكلة ظهرت .
و منتجات الشركة المذكورة أكثر من ممتازة عن تجربة لعدة منتجات منها .
و الهدف من الموضوع مش تشجيع لشراء منتج الشركة لأنه مصري .
لاءة ........ لأنه بيعطي نتائج ممتازة ............. و ثانيا مصري .
و شكرا على المداخلة يا باشا .

اقتباس:

---

المشاركة الأصلية كتبت بواسطة DAHB115

شكرا علي المعلومة الجميله دى متهيالي كدا مقصود بالعربية الانجكشن ولا ايه !

---

شكرا يا باشا على المداخلة ............. و طبعا هو للرشاشات فقط .
و فيه منه نفس النوع و لكن مخصص للكاربراتير .

اقتباس:

---

المشاركة الأصلية كتبت بواسطة tutankhamoun

ممكن أعرف السبب بعد أذن حضرتك ؟؟؟

على فكرة أنا بستخدمه في عربيتين و بيخلي الأداء كويس . و المنتج بأستخدمه بقالي ثلاثة سنوات و مفيش أي مشكلة ظهرت .
و منتجات الشركة المذكورة أكثر من ممتازة عن تجربة لعدة منتجات منها .
و الهدف من الموضوع مش تشجيع لشراء منتج الشركة لأنه مصري .
لاءة ........ لأنه بيعطي نتائج ممتازة ............. و ثانيا مصري .
و شكرا على المداخلة يا باشا .

---

اولا المنتج المصرى ما يفرقة عن المنتج الاجنبى هو المعالج الكيميائى
وهو غير متوفر فى المنتج المصرى اللى حضرتك اشرت الية فبلتالى لو حضرتك استعملتة هيقوم بوظيفتة نعم ولكن بدون حماية للاجزاء اللى سيمر من خلالها. الميكربسات والتكسيات بتستعملة بلفعل لرخص ثمنة فقط
بس لو عربيت حضرتك جديدة نصيحة منى لوجة الله اوعى تستعملة فى سيارة جديدة هتحس بمشاكلة على المدى البعيد
وكلامى عن تجربة شخصية واعتذر على الاطالة
تقبل مرورى

شكرا يا توت على الموضوع ... بس ياترى قصدك على انى منتج امريكى وصهيونى كمان ... غالبيه الحاجات يأما مصنوع فى الصين واصلا الشركات غالبيتها بقت MultiNational
انا بتستخدم منتجات STP وبصراحة بتفرق معايا كتير ومحترمه جدا .... ياترى حضرتك جربت منتج تانى غير سبيد وكان فيه فرق بينهم ؟؟؟ ولا حضرتك منحاز للمنتج المصرى من البدايه

انا مش ضد المنتج المصرى ولكن لابد اولا ان يكون المنتج ذات جوده وكفاءه ... وانا مقدرش احكم على هذا المنتج غير انه من تقفيل العلبه وشكلها من بره مايدلش على جوده مقارنه بالمنتجات الاخرى

اشجه صناعه محليه لو العمال اللى شغالين مش مصريين
انا بشوف بعيني فى المصانع الاستهتار بتاع العمال فى كل حاجه .... عاوزنا نشجع العمال انهوم يتدلعوا ومايهتموش بشغلهوم ؟؟؟؟

انا نفسي الصناعه المصريه تعلى جدا، بس لازم كنترول عالى فى كل حاجه

وعموما شكرا على المعلومه وهاجربه ونشوف

شكرا على كل المعلومات واضافات الاعضاء

انا مش عارف ليه الناس منحازة ضد المنتج المصرى بدام بيدى كفاءة يبقى كويس ولا هو حبا فى الخواجة
بردوا المصرى كويس بس إحنا الى مش واخدين بالنا من نفسنا

اقتباس:

---

يمكن تكرار العملية كل 1000 كم أو حسب الحاجة

---

بس ده كده مش يبقى كتير انا قريت هنا في المنتدى اني احط المنظف مش قبل 5000كم

يا جماعة الصناعة المصرية فيها مشكلة جذرية لو اتحلت ممكن الصناعة تتقدم خطوات كبيرة جدا للامام الا و هي انها صناعة بتعتمد على حجم الانتاج و لا تهتم بجودته و هذه المشكلة موجودة في كل الصناعات بداية من ابسط الصناعات (مثلا زراير الملابس) حتى الصناعات الدقيقة( مثلا الادوية) و دة بناء على اللي بشوفه بعيني

انا معاك إن إحنا نشجع منتج بلدنا وبما إنك مجربه يبقي ده يطمن
ثانياً انا شايف 1000 كيلو كتير
علي الأقل 4000 كيلو علشان تحافظ علي الرشاشات برضه
ويا ريت لو حد خبير في موضوع الرشاشات يقولنا رأيه

شكرا جدا علي الموضوع الحلو ده ولكن (ارجو ان تقبل رايي) ان الافضل هو فك الرشاشات وتنظيفها عند الصنايعي حيث يوجد جهاز مخصص لذلك واعتقد انه افضل حتي ان واحد صاحبي معاه لانوس injection بيحطلها بنزين 80 وبيعمل الموضوع ده كل فتره والعربيه ماشيه كويسه معاه

شكرا جدا علي الموضوع الحلو ده ولكن (ارجو ان تقبل رايي) ان الافضل هو فك الرشاشات وتنظيفها عند الصنايعي حيث يوجد جهاز مخصص لذلك واعتقد انه افضل حتي ان واحد صاحبي معاه لانوس injection بيحطلها بنزين 80 وبيعمل الموضوع ده كل فتره والعربيه ماشيه كويسه معاه

السلام عليكم ،
اضم صوتي ليكم ان احسن شئ هو فك البخاخات عند الصنايعي ،
ولو خلاص مضطر لوضع المنظف حاول يكون نصف التنك مليان وحط
نصف الزجاجة فقط لانه ليه اضرار وهو ممكن يقصر عمر
طرمبة البنزين وفلتر البنزين ، معلش طولت عليكم ،.

الواحد محتار، يحط العلبه كلها على تفويله، ولا نصها على نص تفويله !!

الف الف شكر استاذ/توت ....عالمعلومه المهمه جداhttp://s122.photobucket.com/albums/o...owerysmile.gif

اقتباس:

---

المشاركة الأصلية كتبت بواسطة rembrandt

اولا المنتج المصرى ما يفرقة عن المنتج الاجنبى هو المعالج الكيميائى
وهو غير متوفر فى المنتج المصرى اللى حضرتك اشرت الية فبلتالى لو حضرتك استعملتة هيقوم بوظيفتة نعم ولكن بدون حماية للاجزاء اللى سيمر من خلالها. الميكربسات والتكسيات بتستعملة بلفعل لرخص ثمنة فقط
بس لو عربيت حضرتك جديدة نصيحة منى لوجة الله اوعى تستعملة فى سيارة جديدة هتحس بمشاكلة على المدى البعيد
وكلامى عن تجربة شخصية واعتذر على الاطالة
تقبل مرورى

---

استاذ/توت .... ايه راى حضرتك فى الكلام ده .... عشان لو ليه اضرار كده فعلا يبقى بلاشه احسن ؟؟؟

اة بجد يا ريت حد يجزم فى الموضوع دة لانة مهم جدااااا وانا علمى بية ضعيف جدا بردو

المنتج اللى اشار الية استاذ توت مش وحش بس مش مناسب ايضا للسيارات الجديدة وافضل طريقة لتنظيف الرشاشات هية فكها وتنظيفها
وشكرا

اقتباس:

---

المشاركة الأصلية كتبت بواسطة rembrandt

المنتج اللى اشار الية استاذ توت مش وحش بس مش مناسب ايضا للسيارات الجديدة وافضل طريقة لتنظيف الرشاشات هية فكها وتنظيفها
وشكرا

---

انا معاك يا باشا، بس الكسل بقه الواحد بيحب ينجز حاجات بسرعه

اقتباس:

---

المشاركة الأصلية كتبت بواسطة tutankhamoun

...
لا تنسى أن كل مليم تدفعه في منتج صُنع في مصر ......... بيوفر وظيفة لي و لك و لأخوك و أخي و كل شعب مصر ............. http://fc09.deviantart.com/fs19/f/20...e463390043.gif
مع تحياتي بالتوفيق للجميع

---

مشاركة رائعة و معلومات مفيدة و مشكور عليها وافر الشكر، لكن لاتنسى أيضاً أن كل مليم تدفعه في منتج بلدك يحتمل أن يعرضك لأخطار و مضار المنتجات المضروبة و المغشوشة.

اقتباس:

---

اولا المنتج المصرى ما يفرقة عن المنتج الاجنبى هو المعالج الكيميائى
وهو غير متوفر فى المنتج المصرى اللى حضرتك اشرت الية فبلتالى لو حضرتك استعملتة هيقوم بوظيفتة نعم ولكن بدون حماية للاجزاء اللى سيمر من خلالها. الميكربسات والتكسيات بتستعملة بلفعل لرخص ثمنة فقط
بس لو عربيت حضرتك جديدة نصيحة منى لوجة الله اوعى تستعملة فى سيارة جديدة هتحس بمشاكلة على المدى البعيد
وكلامى عن تجربة شخصية واعتذر على الاطالة
تقبل مرورى

---

يا باشا منور و مرورك نور الموضوع
عموما أنا اللي أعرفه أن الشركة دي منتجاتها بيتم تصديرها للخارج و كمان بتستعمل خامات من أنجلترا ........ و من الأتحاد الأوروبي .
و بالنسبة للنصيحة ........... ألف شكر طبعا و ربنا يباركلك أكيد .

بس عايز رأيي بصراحة ............... المنتج عاجبني و شغال كويس معايا أوي خصوصا أني أستخدمته في عربية تانية لمدة طويلة و بيخلي السحب الممتاز و لم يظهر منه أي مشاكل لمدة سنتين .

اقتباس:

---

شكرا يا توت على الموضوع ... بس ياترى قصدك على انى منتج امريكى وصهيونى كمان ... غالبيه الحاجات يأما مصنوع فى الصين واصلا الشركات غالبيتها بقت MultiNational
انا بتستخدم منتجات STP وبصراحة بتفرق معايا كتير ومحترمه جدا .... ياترى حضرتك جربت منتج تانى غير سبيد وكان فيه فرق بينهم ؟؟؟ ولا حضرتك منحاز للمنتج المصرى من البدايه

انا مش ضد المنتج المصرى ولكن لابد اولا ان يكون المنتج ذات جوده وكفاءه ... وانا مقدرش احكم على هذا المنتج غير انه من تقفيل العلبه وشكلها من بره مايدلش على جوده مقارنه بالمنتجات الاخرى

---

يا باشا منتجات المشتقات البترولية صناعة أمريكية صهيونية مش صناعة صيني و خاصة المنتج اللي حضرتك أشرت إليه .
و رأيي أن المنتج ده لو هايخلي العربية صاروخ ....... برضه مش هاجيبه و مش هاشتريه .
كفاية صور الفلسطيين و القتلى اللي بيموتوا كل يوم بسبب دعم الصهاينة الأمريكان للصهاينة اليهود في فلسطين و الله يحرقهم كلهم على بعض .

حضرتك بتقول أن لابد أن المنتج يكون على جودة ............. تمام و لا خلاف
بس هاتعرف أزاي و أحنا كلنا من الأول واخدين موقف سلبي تجاه صناعة بلدنا !!

اقتباس:

---

المشاركة الأصلية كتبت بواسطة lancerevolution

انا مش عارف ليه الناس منحازة ضد المنتج المصرى بدام بيدى كفاءة يبقى كويس ولا هو حبا فى الخواجة
بردوا المصرى كويس بس إحنا الى مش واخدين بالنا من نفسنا

---

بأطرح معاك نفس السؤال ؟؟؟ و شكرا على المرور

اقتباس:

---

المشاركة الأصلية كتبت بواسطة nasroo

بس ده كده مش يبقى كتير انا قريت هنا في المنتدى اني احط المنظف مش قبل 5000كم

---

يا باشا فيه منظف رشاشات ............. و فيه منظف دورة وقود
الأول مفيش منه مشكلة ............. أما الثاني فهو قوي المفعول و به مواد كيماوية ضارة بالأجزاء البلاستيكية و و الاجزاء الأخرى و تساعد على التآكل بسهولة و برضه أنا هاضم صوتي لصوت حضرتك و نزود المسافة و نخليها حسب الحاجة أو كل 2000 كم بدلا من ألف .

اقتباس:

---

اشجه صناعه محليه لو العمال اللى شغالين مش مصريين
انا بشوف بعيني فى المصانع الاستهتار بتاع العمال فى كل حاجه .... عاوزنا نشجع العمال انهوم يتدلعوا ومايهتموش بشغلهوم ؟؟؟؟

انا نفسي الصناعه المصريه تعلى جدا، بس لازم كنترول عالى فى كل حاجه

وعموما شكرا على المعلومه وهاجربه ونشوف

---

حضرتك كلامك مظبوط ............ و لكن به تعميم .
يعني مش كل المصانع فيها إهمال و مش كل المصانع بيطلع منها منتجات معيبة بسبب العمال .
و برضه نقول حاجة كمان .
بلاش نشتري حاجة مصري خالص . إلا لما يستوردوا عمال !!
عارف ساعتها هايحصل أيه ؟؟؟؟
عجلة الأقتصاد هاتقف و مهما كانت وظيفتك أو تجارتك أو عملك
هايقف ........... لأن اموضوع مبني على بعضه و كلنا مصيرنا واحد .
فلما المصانع تقف مش هانلاقي فلوس نستورد بيها ...............

و نقعد كلنا في بيوتنا ............. و اليهود يحكمونا و يشوفلنا شغل و يذلونا
الموضوع مش بالبساطة دي ............ الموضوع قومي ووطني
و أنا مش بقول نشجع المنتج الوحش .......... بالعكس ........ المنتج الوحش مكانه الطبيعي الزبالة .
و لكن التعميم .............. شئ غير مستحب .
لأن فيه صناعات مصرية كويسة و ممتازة كمان زي ما فيه صناعات سيئة
الأهم .......... أني كمصري ............ أشوف الصناعة المصري الكويسة و أدفع فيها فلوسي و أنا مطمن .......... و الصناعة الوحشة ........... تسيبها مركونة على الرف تصدي أو تنتهي صلاحيتها علشان يتعلموا الأدب و يعملوا منتج محترم .

إنما التعميم ............................ بلدنا هاتضيع أكتر ما هي ضايعة

اقتباس:

---

شكرا على كل المعلومات واضافات الاعضاء

---

العفو يا باشا و نورت يا باشا

اقتباس:

---

المشاركة الأصلية كتبت بواسطة The_Fox_Arab

يا جماعة الصناعة المصرية فيها مشكلة جذرية لو اتحلت ممكن الصناعة تتقدم خطوات كبيرة جدا للامام الا و هي انها صناعة بتعتمد على حجم الانتاج و لا تهتم بجودته و هذه المشكلة موجودة في كل الصناعات بداية من ابسط الصناعات (مثلا زراير الملابس) حتى الصناعات الدقيقة( مثلا الادوية) و دة بناء على اللي بشوفه بعيني

---

كلام حضرتك مظبوط بنسبة كبيرة
و لكن أختلف معك في موضوع الأدوية و في حاجات تانية
حسب حجم الشركة و أسمها
مش كله بيعتمد على انتاج و خلاص من غير جودة .
فيه مصانع كتيرة بتعتمد على الجودة و الأنتاج معا .
ما ينفعش أجيب مصنع ملابس صغير في شبرا ........ و أساويه مع مصنع كونكريت أو btm مثلا ................... ما ينفعش أساوي مصنع النصر للسيارات مع مصنع بي أم دبليو أو حتى دايو .......
مش كل حاجة زي بعض و مش كل المصانع زي بعض .
و نرجع نقول بلاش التعميم .

اقتباس:

---

المشاركة الأصلية كتبت بواسطة albasha

انا معاك إن إحنا نشجع منتج بلدنا وبما إنك مجربه يبقي ده يطمن
ثانياً انا شايف 1000 كيلو كتير
علي الأقل 4000 كيلو علشان تحافظ علي الرشاشات برضه
ويا ريت لو حد خبير في موضوع الرشاشات يقولنا رأيه

---

و أنا معاك برضه في السؤال
بس اللي أعرفه أن منظف الرشاشات مفيش منه مشكلة
المشكلة من منظف دورة الوقود
و لكن بما أني لست بخبير ........... فبسأل برضه ... معاك يمكن يكون عند حد معلومة أفيد
و شكرا على المرور

اقتباس:

---

المشاركة الأصلية كتبت بواسطة m_gyar

شكرا جدا علي الموضوع الحلو ده ولكن (ارجو ان تقبل رايي) ان الافضل هو فك الرشاشات وتنظيفها عند الصنايعي حيث يوجد جهاز مخصص لذلك واعتقد انه افضل حتي ان واحد صاحبي معاه لانوس injection بيحطلها بنزين 80 وبيعمل الموضوع ده كل فتره والعربيه ماشيه كويسه معاه

---

ياباشا اللي أحنا بنتكلم عليه ده للوقاية
إنما الرشاشات لو بايظة خالص ............. يبقى طبعا لازم تتفك و تتنظف زي ما حضرتك وصفت .
بس أنا عايز أقول أن اللانوس أصلا فيها مشكلة الرشاشات دي و سمعت كتير أن الرشاشات بتاعتها مش بتعيش مدة طويلة
لذلك لا يجب أن ناخذها كمثال هنا ......... و الله أعلم

اقتباس:

---

المشاركة الأصلية كتبت بواسطة hanyrehan

السلام عليكم ،
اضم صوتي ليكم ان احسن شئ هو فك البخاخات عند الصنايعي ،
ولو خلاص مضطر لوضع المنظف حاول يكون نصف التنك مليان وحط
نصف الزجاجة فقط لانه ليه اضرار وهو ممكن يقصر عمر
طرمبة البنزين وفلتر البنزين ، معلش طولت عليكم ،.

---

الوقاية خير من العلاج ......... و المنتجات دي للوقاية و ليس لعلاج مشكلة كبيرة

اقتباس:

---

المشاركة الأصلية كتبت بواسطة Michael_Lanos

الواحد محتار، يحط العلبه كلها على تفويله، ولا نصها على نص تفويله !!

---

يا باشا أنا كتبت التعليمات اللي موجودة على العلبة
ووضاح جدا أن فيه لبس في الموضوع ما بين منظف الرشاشات و منظف دورة الوقود .

منظف الرشاشات مفيهوش مشكلة و بتحط العلبة كلها على كامل خزان الوقود قبل التفويل و بعدين تفول عادي و تمشي بالعربية لغاية وصول مستوى البنزين لربع الخزان و بعدين تفول عادي و تشوف النتيجة .

اقتباس:

---

المشاركة الأصلية كتبت بواسطة Ayman_52

الف الف شكر استاذ/توت ....عالمعلومه المهمه جداhttp://s122.photobucket.com/albums/o...owerysmile.gif

استاذ/توت .... ايه راى حضرتك فى الكلام ده .... عشان لو ليه اضرار كده فعلا يبقى بلاشه احسن ؟؟؟

---

نورت يا أيمن باشا .
أنا قلت رأيي في مداخلة سابقة و شكرا جزيلا على مرورك و تعليقك على الموضوع .

اقتباس:

---

المشاركة الأصلية كتبت بواسطة toreador

اة بجد يا ريت حد يجزم فى الموضوع دة لانة مهم جدااااا وانا علمى بية ضعيف جدا بردو

---

معاكوا في السؤال ............. و لكن ناتج تجربتي كان جيد جدا

اقتباس:

---

المشاركة الأصلية كتبت بواسطة rembrandt

المنتج اللى اشار الية استاذ توت مش وحش بس مش مناسب ايضا للسيارات الجديدة وافضل طريقة لتنظيف الرشاشات هية فكها وتنظيفها
وشكرا

---

طيب يا باشا ما تحكي على تجربة حضرتك مع المنتج لنستفيد أكتر بما أنك ليك تجارب سيئة مع المنتج

اقتباس:

---

المشاركة الأصلية كتبت بواسطة saidbakr

مشاركة رائعة و معلومات مفيدة و مشكور عليها وافر الشكر، لكن لاتنسى أيضاً أن كل مليم تدفعه في منتج بلدك يحتمل أن يعرضك لأخطار و مضار المنتجات المضروبة و المغشوشة.

---

شكرا يا باشا على مرورك و تعقيبك .

حضرتك برضه عممت في الكلام .
المنتجات المضروبة و المغشوشة معروفة للجميع
أنا لما أروح أشتري عربية شاهين نصر .......... هل دي مغشوشة ؟؟؟
طيب بلاش
لما أشتري مرسيدس مصري .......... هل دي مغشوشة ؟؟؟

المغشوش معروف ............ و الغير مغشوش معروف

و كل الهدف من الموضوع هو تنظيف الرشاشات بالاضافة لتشجيع منتج مصري كويس ,
و محدش يعمم يا جماعة بعد أذنكونكم في موضوع الصناعة المصري ..

و شكرا للجميع على المرور و التعقيب على الموضوع .

اقتباس:

---

المشاركة الأصلية كتبت بواسطة tutankhamoun

...

شكرا يا باشا على مرورك و تعقيبك .

حضرتك برضه عممت في الكلام .
المنتجات المضروبة و المغشوشة معروفة للجميع
أنا لما أروح أشتري عربية شاهين نصر .......... هل دي مغشوشة ؟؟؟
طيب بلاش
لما أشتري مرسيدس مصري .......... هل دي مغشوشة ؟؟؟

المغشوش معروف ............ و الغير مغشوش معروف

و كل الهدف من الموضوع هو تنظيف الرشاشات بالاضافة لتشجيع منتج مصري كويس ,
و محدش يعمم يا جماعة بعد أذنكونكم في موضوع الصناعة المصري ..

و شكرا للجميع على المرور و التعقيب على الموضوع .

---

ايوة يا باشا نصر شاهين و المرسيدس المصري و غيرها من المنتجات مغشوشة و مضروبة، ببساطة شوف الشاهين التركي او رفرف مرسيدس ألماني و نظيره المصري و حضرتك تعرف على الفور.
يا عزيزي و حتى لو كان الغش او الضرب موش متعمد فإن لازم نتايجه تظهر. يا سيدي الفاضل، إن لم تنعكس اوضاع المجتمع و الدولة على الصناعة بشكل كامل فعلى الأقل لابد و أن تؤثر فيها. لا تحاول انكار ان عامل لا يكاد راتبه يسد حاجاته الاساسية سوف يعطي بدقة و جد مثل عامل آخر. لا تقنعني أيضا أن عامل تواجه مشاكل يومية، تعتبر من البديهيات و المسلمات في دول أخرى بحيث انها لا تمثل مشاكل من الأساس، سوف يكون على القدر الوافر من الجاهزية و الاستعداد في العمل.
إختصاراً لا يمكنك الوثوق في الحصول على تفاحة جيدة من سلة فاسدة.

نعم اؤيد الاخ سعيد بكر

اقتباس:

---

المشاركة الأصلية كتبت بواسطة saidbakr

ايوة يا باشا نصر شاهين و المرسيدس المصري و غيرها من المنتجات مغشوشة و مضروبة، ببساطة شوف الشاهين التركي او رفرف مرسيدس ألماني و نظيره المصري و حضرتك تعرف على الفور.
يا عزيزي و حتى لو كان الغش او الضرب موش متعمد فإن لازم نتايجه تظهر. يا سيدي الفاضل، إن لم تنعكس اوضاع المجتمع و الدولة على الصناعة بشكل كامل فعلى الأقل لابد و أن تؤثر فيها. لا تحاول انكار ان عامل لا يكاد راتبه يسد حاجاته الاساسية سوف يعطي بدقة و جد مثل عامل آخر. لا تقنعني أيضا أن عامل تواجه مشاكل يومية، تعتبر من البديهيات و المسلمات في دول أخرى بحيث انها لا تمثل مشاكل من الأساس، سوف يكون على القدر الوافر من الجاهزية و الاستعداد في العمل.
إختصاراً لا يمكنك الوثوق في الحصول على تفاحة جيدة من سلة فاسدة.

---

نصر شاهين و مرسيدس و بي أم المصري مغشوش و مضروب ؟؟؟

طيب حضرتك يا أستاذ سعيد تقدر تعرف يعني أيه سلعة مغشوشة ؟؟؟؟؟؟؟؟
علشان حضرتك دخلت المواضيع في بعض و عممت تعميم خطير و برضه لم تناقش لب الموضوع إللي هو ........ الصناعة الجيدة و السيئة و عممت بأن الجميع يغشون و بأن الجميع يضربون منتجات و يضحكون على المستهلك .
و بذلك فليذهب المستهلك لشراء السلع الأمريكية الصهيونية أو الصينية الرخيصة .
و لتذهب مصر و منتجاتها إلى الجحيم !!!!!!!!!!!
لأن هذا ما سيحدث
أو تعلم ماذا سيحدث بعد ان تذهب مصر و منتاجتها إلى الجحيم ؟؟؟؟؟؟؟؟؟؟

أنهيار كامل للأقتصاد المصري .........
و أنا و حضرتك ............................. نشحت الأكل من أمريكا و إسرائيل
ده إذا ما جوش أحتلونا

أنا شايف أن الموضوع بقى سياسى ياجماعه مش ميكانيكى وشايف برده أن لو المنتج كويس ممكن نستخدمه بس لازم حد يشهدلنا بدا ومع أحترامى الشديد وتقديرى لصاحب الموضوع أن تجربتك ليست كفيله بالحكم لأن من الواضح ان حضرتك الموضوع عندك سياسى أكتر ماهو فنى ومفيد وصالح للمنفعه العامه وعارف أن حضرتك هتقلى أنك جربتو وشايفو جيد بس عايز أقولك أن حضرتك بتكره أسرائيل وأمريكا الى كلنا بنكرههم على الى بيعملو فى أخونا الفلسطينين ولذلك أنت شايف أ، المنتج جيد ويستاهل التجربه لكن لو جينا نحط المنتجين تحت التحليل للأسف المنتجات الأجنبيه الى هتكسب مش المصريه عارف ليه مش عشان عقده الخواجه لأ عشان للأسف الدين أصبح غائب وانت تعلم ماهو غياب الدين يعنى أنعدام الضمير وأحتلال الفهلوه محلو وأنا مش بعمم أن كل الناس دينها أصبح غائب لكن للأسف الحسنه تخص والسيئه تعم

اقتباس:

---

المشاركة الأصلية كتبت بواسطة momomero

أنا شايف أن الموضوع بقى سياسى ياجماعه مش ميكانيكى وشايف برده أن لو المنتج كويس ممكن نستخدمه بس لازم حد يشهدلنا بدا ومع أحترامى الشديد وتقديرى لصاحب الموضوع أن تجربتك ليست كفيله بالحكم لأن من الواضح ان حضرتك الموضوع عندك سياسى أكتر ماهو فنى ومفيد وصالح للمنفعه العامه وعارف أن حضرتك هتقلى أنك جربتو وشايفو جيد بس عايز أقولك أن حضرتك بتكره أسرائيل وأمريكا الى كلنا بنكرههم على الى بيعملو فى أخونا الفلسطينين ولذلك أنت شايف أ، المنتج جيد ويستاهل التجربه لكن لو جينا نحط المنتجين تحت التحليل للأسف المنتجات الأجنبيه الى هتكسب مش المصريه عارف ليه مش عشان عقده الخواجه لأ عشان للأسف الدين أصبح غائب وانت تعلم ماهو غياب الدين يعنى أنعدام الضمير وأحتلال الفهلوه محلو وأنا مش بعمم أن كل الناس دينها أصبح غائب لكن للأسف الحسنه تخص والسيئه تعم

---

حضرتك أنا مقلتش أنه أحسن من المنتج الأجنبي لأني معرفش هل هو أحسن أم أسوء أم متساوي .

ثانيا الموضوع ملوش دعوة بالسياسة
أنا قلت أنه منتج كويس ............... عن تجربتي البسيطة و لم أقول أني خبير ميكانيكي أو خبير كيماوي . أنا قلت أنقل تجربتي بعد أستخدام دام فترة طويلة جدا .
كل اللي قلته
تشجع منتج بلد لو كويس ........... لو وحش ............ محدش يشتريه

أما موضوع أمريكا
لو منتجات أمريكا هاتخلي العربية بتاعتي صاروخ منطلق
مش هاشتريها ............ مش كفاية مش قادرين نعمل حاجة و كما نساعدهم

اللي عايز يتبنى الفكرة و يطبقها في حياته جزائه عند الله تحسبا للنية في العمل .
اللي مش عايز يتبنى الفكرة و يحب يشتري منتجات أمريكا ....... هو حر و كل واحد عارف الصح و الغلط و مفيش أي مشكلة و أنا مش ضد حد .

و المشكلة أن السوق مفيهوش غير المنتج المصري أو الأمريكي
يبقى بالنسبة لي على الأقل ........ هاشتري المصري حتى لو أقل في الجودة من الأمريكي و لو أني لا أعتقد أنه أقل أو على الأقل لا أعتقد أنه منتج سئ .
و أنا برضه بكرر
أنا معرفش مدى جودته عن طريق التحليل الكيميائي
كل اللي أعرفه عن المنتج هو تجربتي له في سيارتين لمدة طويلة و السيارتين حديثتين الصناعة و الحمد لله واحدة منهم عدت 100 كم و شغالة زي الفل و مفيهاش مشكلة خالص و السحب فيها ممتاز و الرشاشات أدائها كويس قوي .

و يا جماعة اللي عاجبة المنتج .......... يشتريه
اللي مش عاجبه .......... ما يشتريش ......... من غير المشاركات الهدامة بخصوص الصناعة المصرية الجيدة و بخصوص مناهضة الصناعة الصهيونية التي تعلن لنا العداء يوميا و علنا .

و مع تحياتي الخالصة و الحارة لكل من شارك في الموضوع و أهلا بكم في أي وقت جميعا .

أخوكم الفقير إلى الله توت

ياجماعة دة منتج موجود فى السوق وسعرة رخيص جربوة وبعدين احكموا علية لان مش كل المنتجات المصرية وحشة ومش كل المستورد خالى من العيوب فى بعض الاحيان الحاجات المستوردة اللى موجودة عندنا بتكون اصلا محظور بيعها فى بلادها لانها غيرلا مطابقة للموصفات بس المستوردين عندنا بيشتروها باسعار رخيصة ويقولوا دة اروبى او امريكى على اساس اننا عندنا عقدة الخواجة ويبعوة باسعار عالية لانة مستورد
ولية ندفع اكتر فى حاجة مستوردة طالما عندنا بديل مصرى يقوم بنفس الوظيفة لذلك نجرب ونحكم

هو في حاجه اسمها وقاية في السيارات يا استاذ / توت
مينفعش كمان اديها كورس مضاد حيوي
علشان ميجلهاش برد .
وبعدين ممكن تشرحي فكره عمل المنتج الخرافي الي حضرتك بتتكلم عنه
يعني ايه ينظف البخاخات ( الرشاشات ) وهل وهو في طريقة الي
سعادة الرشاشات مش هيعدي في السكة علي خراطيم ومضخات
وفلاتر ،
لما الواحد يملئ الخزان بنزين ويطلع به شويه مياه الاحسن انه يغير الفلتر صح
ما هو الحل لما يعدي عليه المنتج الخرافي بتاعك ويا ريت الموضوع
ميكنش سياسي لان ده منتدي سيارات ولا ايه .
معلش طولت عليك .
شــــــــــــــــــــــــ ـــــــــــــــــــــــــ ـكراً

اقتباس:

---

المشاركة الأصلية كتبت بواسطة hanyrehan

هو في حاجه اسمها وقاية في السيارات يا استاذ / توت
مينفعش كمان اديها كورس مضاد حيوي
علشان ميجلهاش برد .
وبعدين ممكن تشرحي فكره عمل المنتج الخرافي الي حضرتك بتتكلم عنه
يعني ايه ينظف البخاخات ( الرشاشات ) وهل وهو في طريقة الي
سعادة الرشاشات مش هيعدي في السكة علي خراطيم ومضخات
وفلاتر ،
لما الواحد يملئ الخزان بنزين ويطلع به شويه مياه الاحسن انه يغير الفلتر صح
ما هو الحل لما يعدي عليه المنتج الخرافي بتاعك ويا ريت الموضوع
ميكنش سياسي لان ده منتدي سيارات ولا ايه .
معلش طولت عليك .
شــــــــــــــــــــــــ ـــــــــــــــــــــــــ ـكراً

---

متشكر جدا على التريقة ............ تسلم أيدك .......... و فُمك ......


أنا بتأسف يا جماعة على المنتج الزبالة اللي أنا أتكلمت عليه .

و أوعى حد يتشريه أصل باين أنا شغال في الشركة
أو عيل صغير مش فاهم حاجة و بخترف .......
بأعتذر مرة تانية للموضوع اللي أسأء للناس و اللي هايبوظ عربيات الناس

لذلك أنا هاطلب من الإدارة المحترمة غلق الموضوع علشان كدا أحنا خرجنا من دائرة المناقشة الموضوعية ........... لدائرة التريقة و التهكم .

و شكرا لكل من شارك في الموضوع و شكرا للأستاذ هاني ريحان على المداخلة الجميلة ......... اللي هزقني فيها ..... شكر يا أستاذ هاني مرة أخرى .

يا باشا
شكرا لك الاول على مجهودك و أحب ان أقول اننا فى الاول و الاخر أخوه فلا داعى للخلافات و أتمنى أن يكون أسلوب الكلام بين كل الاعضاء بدون أستخفاف

يا استاذ توت، دعنا نتفق سويا على رفض الفكر التعميمي. يبدو انك لم تلاحظ ان كلامي في صلبه ينصب على الاحتمالية، يعني احتمال انك تحصل على منتج مصري رديء هو أكبر من احتمال أن تحصل على منتج جيد؛ و ذلك بناء على ما اوردته سابقا. لو سبق لك العمل داخل اي مصنع في مصر لأي منتج أياً كان، أعتقد ساعتها أن وجهة نظرك قد تكون مقاربة لوجهة نظري.
يا عزيزي إن لم يحدث تغيير جزري لأوضاعنا الخاطئة و السيئة هذه؛ فأنا اتفق مع استنتاجك في اننا سوف نجوع و نشرد و يعم علينا الخراب، و الحل الأمثل في ألا نتجاهل ذلك و ندفن رؤسنا في الرمال مستنكرين هذا السيناريو و لكن في أن نعمل على تغييره.

شكرا لك الاول على مجهودك و أحب ان أقول اننا فى الاول و الاخر أخوه

اقتباس:

---

المشاركة الأصلية كتبت بواسطة tutankhamoun

متشكر جدا على التريقة ............ تسلم أيدك .......... و فُمك ......


أنا بتأسف يا جماعة على المنتج الزبالة اللي أنا أتكلمت عليه .

و أوعى حد يتشريه أصل باين أنا شغال في الشركة
أو عيل صغير مش فاهم حاجة و بخترف .......
بأعتذر مرة تانية للموضوع اللي أسأء للناس و اللي هايبوظ عربيات الناس

لذلك أنا هاطلب من الإدارة المحترمة غلق الموضوع علشان كدا أحنا خرجنا من دائرة المناقشة الموضوعية ........... لدائرة التريقة و التهكم .

و شكرا لكل من شارك في الموضوع و شكرا للأستاذ هاني ريحان على المداخلة الجميلة ......... اللي هزقني فيها ..... شكر يا أستاذ هاني مرة أخرى .

---

في ايه يا جماعة هو توت غلط عشان قال رايه في موضوع ايه اللي بيحصل ده - وبعدين الاستاذ هاني ريحان اللي بيتريق شكله لسا عضو جديد في النتدى وانصحه بقراءة مواضيع توت وردوده في المنتدى عشان يعرف حجم توت في المنتدى ايه
وبعدين هو بيسأل ان كلن فيه حاجة اسمها وقاية ولا لا ايوة فيه طبعا ومنظف الرشاشات ده حاجة معروفة وانواعة كتير انصحك تقرا قبل ما ترد
ومعلش ياتوت ماتخدش على خاطرك وشكراً ليك على انك قولتلنا على حاجة انت جربتها وطلعت كويسة ورخيصة في نفس الوقت

اقتباس:

---

المشاركة الأصلية كتبت بواسطة tutankhamoun

متشكر جدا على التريقة ............ تسلم أيدك .......... و فُمك ......


أنا بتأسف يا جماعة على المنتج الزبالة اللي أنا أتكلمت عليه .

و أوعى حد يتشريه أصل باين أنا شغال في الشركة
أو عيل صغير مش فاهم حاجة و بخترف .......
بأعتذر مرة تانية للموضوع اللي أسأء للناس و اللي هايبوظ عربيات الناس

لذلك أنا هاطلب من الإدارة المحترمة غلق الموضوع علشان كدا أحنا خرجنا من دائرة المناقشة الموضوعية ........... لدائرة التريقة و التهكم .

و شكرا لكل من شارك في الموضوع و شكرا للأستاذ هاني ريحان على المداخلة الجميلة ......... اللي هزقني فيها ..... شكر يا أستاذ هاني مرة أخرى .

---

جرى ايه ياعم توت
عيب عليك انت على فكره
انت قديم وعارف
وياما قابلنا حاجات كتير والمفروض تكون اتعودت
فى اعضاء كتير بيبقوا لسه جداد ومش عارفين حاجة غير ان العربيه بتمشى بالبنزين
كبر دماغك والرد اللى مش يعجبك ولا كأنك شوفته اساسا

على فكره انا ديما بستعمل موبيل او STP بس مجربتش النوع اللى انت بتقول عليه ده

بغض النظر عن موضوع مصرى و للا امريكى اللى اعرفه ان الاستاذ توت الوحيد اللى جرب المنتج ده و بيقول انه كويس و معظم الباقيين محدش فكر انه يجربه و مع ذلك بيقولوا اراءهم فيه بنتهى الثقة كأنهم بيستخدموه من سنين يبقى النتيجة المنطقية اللى اوصللها ان ده منتج كويس الى ان يثبت عكس كدة و بالتجربة