الموضوع: السيارة بتجيب مياه من كل مكان فى الموتور - جراند شيروكى 93

ولقيت الموتور بيجيب ميه من كل حته بالضبط من تحت الطنبوره بتاعت الكرنك

الميه اللى نازله على الطنبوره ....ممكن تكون من طبة رأس السلندر..........ولكننى أميل الى تلف جوان رأس السلندر ......بسبب عطل مفاجىء معاك ومأخدتش بالك (زى ثرموثتات علق فجأه مثلا ) وده أدى الى حدوث سخونه زايده للمحرك

ومن فوق من عند الكمبوريسور

دى بسبب تلف الأويل رنج بتاع خط تبريد توربينة الشاحن التوربينى (لأن التوربينه عندك بتشتغل بغازات العادم علشان تدور الكمبروسور اللى معاها على نفس العمود......والأثنين دول بنقول عليهم هندسيا التربوتشارجر أوالشاحن التوربينى ) وبيتم تبريد الشاحن بالميه برضه لغلاف التربينه بتاعة الشاحن

وطول ما هيه ماشيه او دايره تجيب ميه والردياتير يفضي

ماهولازم الردياتير يفضى (جوان رأس سلندر...وأيل رنج التربو ...تالفين والدوره شغاله ) وأستمرار دورة التبريد فى العمل مع الأحداث دى بيدلل على أن الطلمبه بتاعة الميه سليمه أن شاء الله

فياريت تقولوا ليه ممكن يكون عيب ايه ومشكورين

أن شاء الله الردياتير سليم وكذلك طلمبة الميه...على فكره الميه اللى تحت طنبورة الكرنك فى الغالب نازله من فوق من عند الجوان بتاع رأس السلندر.......وكده أعتقد حضرتك محتاج جوان رأس سلندر وتكشف برضه على الثرموثتات (بيتم أختبار فتحه فى ماء ساخن مع وجود ترمومتر......ولو مفتحش يبقى بايظ ) مع تغيير رنج ماسورة تبريد التربو

وطبعا شكرا مقدما للعمده بتاعنا اللي مبيتاخرش عن حد خالص المهندس سمير عياد

الله يخليك يا أخى .....وربنا يعوض عليك.....والحمد لله أنك بخير (وده أهم حاجه ).........على فكره أنا توقعت جوان الرأس لما لقيت التربو بيجيب ميه .....بسبب السخونه الزايده اللى تعرضت لها المكنه.والصراحه ده اللى قدرت أفسره ومقتنع بيه...........................دعواتى لك بيسر الحال أن شاء الله

طرمبه المياه او طبب المياه الخلفيه او الاماميه ممكن تكون صدت

على فكره أنا معرفش شكل المكنه بس قولت رأيى على أساس أن عندك شاحن توربينى...........وبالذات لما قولت عن الميه اللى جايه من عند الكمبرسور......وطبعا أنا بنيت الرأى (على أنه كمبروسر التربو )..........أما لو مفيش تربو يبقى كلام تانى .....بس كمبروسور أيه اللى حيجيب ميه أن ماكنش بتاع التربو وطبعا اللى بيجيب ميه مش الكمبروسور ...دا تورينة التربو...................على أساس تواجد تربو عندك

طيب بأقول لحضرتك أيه..............ماتنسى كل اللى قولناه فوق دلوقتى وأعمل الأختبار ده الأول.............

1- أملا الردياتير تانى كاملا.........

2- دور العربيه وسخن كويس جدا وأنت فاتح الكبوت وفى نفس الوقت متابع الميه فى الردياتير.........

3- خللى برضه حد معاك يتابع الحراره من جوه العربيه (قاعد مكان السواق )....

4- لما الحراره تعلى وتوصل ل80 مثلا بص كده على كل خراطيم الدوره......اللى رايح من المكنه للردياتير ....واللى جاى من الردياتير لطلمبة الميه (ده بالذات علشان حتة الميه اللى تحت طنبورة الكرنك).....وأكشف كويس على الآداء..........._ ممكن تكون خراطيم شققت ولا حاجه ومع السخونه بتفتح وتضرب الميه زى مابتقول...........وفعلا ده أحتمال وارد على أساس العربيه موديل 93 برضه (ياعنى الخراطيم بقالها 16 سنه شغاله وممكن ميكونش أتغير خراطيم قبل كده ).

أرجو من الله أن يكون ذلك هو السبب........آمين يارب

تبدو المشكلة و كانها من طلمبة المياه الخاصة بدورة التبريد... فلا توجد اجزاء مشتركة بين السيور و دورة التبريد سوى الطلمبة كما ان وضعية كومبرسور التكييف فى المحرك المذكور بجانب طلمبة المياه

يضاف الى ذلك السرعة التى تستنزف بها مياه التبريد تدل على تسريب شديد من الصعب ان يكون بسبب شرخ فى اى من الجوانات

استشارى المنتدى