الموضوع: خبير طرق ألمانى: شوارع مصر غريبة.. والمقطورات نموذج أكاديمى للإهمال

المشاركة الأصلية كتبت بواسطة فادى

يا ريت يخليه فى بلده احسن,
و يسيبنا فى حالنا,
احنا مبسوطين كده و هنحل مشاكلنا بنفسنا,
و مينفعش نلغى المقطورات و سيارات النقل لأن النقل الثقيل هو عصب الاقتصاد, و ليس ما حدث بالمغرب عندما أضرب سائقى النقل ببعيد عنا.
صدقونى البلدان الأوروبية المرور فيها ليس بالتنظيم الذى تتخيلون,
لكن لما بييجوا هنا بتاخدهم النعرة الكدابة و يتحدثوا عن السلبيات و كأنهم معندهومش سلبيات.
و للأسف احنا اللى ربينا عندهم النعرة دى, بواسطة عقدة الأجنبى التى اصبحت عسيرة على الحل و متأصلة داخلنا بشكل عجيب.

لا أكيد حضرتك بتهرج و أكيد حضرتك لا سافرت برة و لا حتي ليك ارايب برة مصر حضرتك متعرفش النظام برة شكله أيه و بالذات في ألمانيا اللي تعتبر فعلا أحسن و ارقي شعب في العالم ألمانيا من كتر ما هي منظمة بيقولك النظام هناك يخنق و ده علي لسان واحد كان عايش هناك بيقولك نفسي اشوف حاجة مش في مكانها أو واحد ماشي غلط بس عامة انا مش حتكلم في المرور لاني حرام و ظلم لمصر أني أقارن شوارعها بشوارع أي دولة فما بالك لو حقارنها بالمانيا و عامة يكفي اني أقول لحضرتك أني هناك في ألمانيا اللي مش عاجبة سيادتك ممنوع شد لا مؤاخذة السيفون بعد الساعة 10 مساء منعاً للإزعاج اللي ممكن يسببه صوته و هنا الأفراح و قلة الادب و الغوغائية و الهمجية و البلطجة بتفضل لحد الساعة 4 و 5 الصبح.
شكرا بجد للخبرا الألمانيين و غير الالمانيين اللي جايين و متغربين من بلدهم عشان يحلوا مشاكلنا اللي احنا غرقنا فيها و مش عارفين نطلع منها و الموضوع مش عقدة خواجة الموضوع عقدة خيبتنا التقيلة لأني لو فينا مخ نشتغل و نتحرك كنا بقينا كويسين اوي بس للاسف مفيناش غير لسان يتطاول علي الناس و كمان علي الناس اللي جاية تحل مشاكلنا يا خسارة.

المشكلة تتلخص في كلمتين
غوغاء شعب
اما الحل فهو
الالتزام بالاخلاق وتحقيق العدل
ومعظمنا طبعا عارف قصة سيدنا عمر بن الخطاب
والمقولة الشهيرة (( حكمت فعدلت فامنت ))
ربنا يتولانا ويهدينا جميعا امين