الموضوع: خبير طرق ألمانى: شوارع مصر غريبة.. والمقطورات نموذج أكاديمى للإهمال

المشاركة الأصلية كتبت بواسطة Relentless_mayhem

حضرتك شكلك مروحتش ألمانيا قبل كده ...
و حضرتك المفروض طالما مصر فشلت بأهلها إنها تلاقى حل يبقى تستورد حل .
و هو ماقلش يلغى النقل .
و كلام حضرتك كده معناه إن إحنا شعب (لا يعلم ولا يعلم انه لا يعلم) بل و يدعى العلم ...

هكمل كلامك..
لا يعلم ولا يعلم انه لا يعلم فهذا أحمق فاجتنبوه..

إحنا شعب خدنا على التخلف..
لأ و بندلعه كمان ..

المشاركة الأصلية كتبت بواسطة iBiZa

+1
انا مش مبسوط كة و لو كانوا يعرفوا/عايزين يحلوا المشكلة كانوا حلوها بس المشكلة استفحلت حتى اصبح من الصعب وجود حل.

و مش عيب نستعين بحد يساعدنا لو احنا مش عارفين.



و محدش قال ان معندهمش سلبيات, عندهم بس مش بالفظاعة اللى عندنا.

يا راجل دة الواحد بيخاف على اختة و مراتة انهم يسوقوا جوة البلد من اللى بيشوفوا. الشوارع عندنا فعلا بقيت لا تطاق.

المشاركة الأصلية كتبت بواسطة Relentless_mayhem

حضرتك شكلك مروحتش ألمانيا قبل كده ...
و حضرتك المفروض طالما مصر فشلت بأهلها إنها تلاقى حل يبقى تستورد حل .
و هو ماقلش يلغى النقل .
و كلام حضرتك كده معناه إن إحنا شعب (لا يعلم ولا يعلم انه لا يعلم) بل و يدعى العلم ...

المشاركة الأصلية كتبت بواسطة fakoussa

صباح الخيير يا استاذ فادى .
خليك عايش فى مصر ام الدنيا .

المشاركة الأصلية كتبت بواسطة KPE

يا راجل بذمتك أوروبا مش بالتنظيم إللي إحنا متخيلنوه، ده البقر بتاع أوروبا بيفهم في المرور أحسن مننا:POINTI~2[2]:

هاى هى عقدة الاجنبى و قد تجلت فى أبهى صورها!!

عارف و الله ياريت كلنا نتعقد و تبقى العقدة دي دافع لينا إننا نخلي مصر متقدمة و منظمة زيهم..

و بعدين إحنا لما نتوصل لحل للزبالة الموجودة في الشوارع نبقى نتكلم على المرور و البلد بتاعتنا..و ربنا ما يكتب عليك يبقى معاك حد أجنبي في العربية و تيجي عينه على أكوام الزبالة في الشارع من أرقى مكان للعشوائيات في مصر..الواحد بيبقى في نص هدومه..
عقدة الخواجة..ياريت ..

المشاركة الأصلية كتبت بواسطة فادى

هاى هى عقدة الاجنبى و قد تجلت فى أبهى صورها!!

انا هرد على حضرتك يا أستاذ فادى .

1- مصر دولة حاليا فى مرحلة إضمحلال علمى و فكرى .. و كلما حاولنا نحل مشكلة للأسف بنعتمد على 7000 سنة حضارة و فى فى الأخر الحلول بتفشل سواء سوء تنفيذ أو إهمال .

2- حضرتك حاليا إحنا ماعندناش تنظيم (و مافيش علم عندنا يخلينا نعرف ننظم) و طالما مافيش علم يبقى هنعمل زى أهل الريف لما ينزلوا يعومو فىى الترعة بالعوم الفطرى و مش عاملين حساب البلهارسيا

3- حضرتك إيه المشكلة لما نجيب العلماء سواء أجانب يعلمونا من تقدمهم العلمى إللى كل يوم هما بيتقدموا و إحنا بنتأخر سواء فكريا أو علميا (و دى حقيقة ماتنكرهش) .

4- عقدة الأجنبى ... تتقال على شوية حاجات لما يكون فى كفاءات وطنية ..
تقدر تقوللى فين الكفاءات جى؟؟ عملت إيه؟؟؟ فين شغلها أو نتيجتها؟؟!!
قال رسول الله صلى الله عليه وسلم :- " إطلبوا العلم ولو فى الصين" .
سلمان الفارسى أعد يسافر طول حياته لكى يتعلم .. فى الحبشة و فى شبه الجزيرة .. ما قلش أنا فارسى و إبن رجل ثرى العلم عندنا إحنا و هعرف أتعلم كل حاجة هنا و إحنا الجامدين (رغم أيامه كانت الفرس إمبراطورية) ..


5- يا ريت بقى فعلا نبدأ نتعلم بجد من العلماء سواء كان خبير موزمبيقى عشان نعرف نحل مشاكلنا بنفسنا بعد كده و منحتجش لحد . (إنظر الجربة الصينية و الماليزية و النمور الأسياوية) ..إحنا مانيش نصف دول للأسف حاليا .

المشاركة الأصلية كتبت بواسطة فادى

يا ريت يخليه فى بلده احسن,
و يسيبنا فى حالنا,
احنا مبسوطين كده و هنحل مشاكلنا بنفسنا,
و مينفعش نلغى المقطورات و سيارات النقل لأن النقل الثقيل هو عصب الاقتصاد, و ليس ما حدث بالمغرب عندما أضرب سائقى النقل ببعيد عنا.
صدقونى البلدان الأوروبية المرور فيها ليس بالتنظيم الذى تتخيلون,
لكن لما بييجوا هنا بتاخدهم النعرة الكدابة و يتحدثوا عن السلبيات و كأنهم معندهومش سلبيات.
و للأسف احنا اللى ربينا عندهم النعرة دى, بواسطة عقدة الأجنبى التى اصبحت عسيرة على الحل و متأصلة داخلنا بشكل عجيب.

اولا لازم نتفق ان بلدنا لا يوجد بها مرور من اساسه
ثانيا لازم نصدق ان بلدنا واحده من اعلى معدلات حوادث الطرق والوفيات والاصابات الناتجه عنها و ما يترتب عليها من خسائر اقتصاديه وماديه
ثالثا احنا مش عارفين نحل مشكله الطرق بنفسنا يبقى لازم نجيب اللى يعرف يحلها لينا و نديله (اجرته)
رابعا بقى ودا الاهم انا كنت فى السعوديه و المرور هناك عامل زى الساعه
اوروبا بقى ساعه بس ساعه ديجيتال
مفيش حاجه هناك اسمها ركن او انتظار صف تانى -مفيش حاجه اسمها امشى والمساحات بايظه او فى نور من الاضواء بايظ
ولو حصل وحد كسر القوانين ديه بيتمسك ويتحاسب