الموضوع: خبير طرق ألمانى: شوارع مصر غريبة.. والمقطورات نموذج أكاديمى للإهمال

- هل نحن فعلا شعب فقير وجائع وعاطل وغير قادر على الفعل وغير مهتم بالشأن العام أو مهموم بالوطن وقضايا الأمة ؟!.
وهل الشعب المصري فعلا سلبي وأناني ولا يفكر كل فرد من أفراده سوى في نفسه ومصلحته الخاصة او على الأكثر مصلحة اسرته واهله وأولاده، ويرفع دائما شعار "أنا مالي"؟!
الحقيقة أن هذا ما تروجه وسائل الاعلام الخاصة والحكومية، وما يقوله معظم المثقفين في حواراتهم مع الصحف والفضائيات، وما يكتبه معظم الكتاب في دراساتهم كتبهم ومقالاتهم..بل وما يردده الناس أنفسهم بينهم وبين بعضهم البعض في البيوت وعلى المقاهي وفي أي مكان يلتقون فيه تسمع منهم هذه التعبيرات" اصل المصري شعب ابن"!..وكانهم ليسوا هم ايضا مصريون!!..
فالحوارات بيننا أصبح يسيطر عليها منذ سنوات طويلة السواد والتشاؤم ، والحديث المفضل لدينا اصبح هو الشكوى من الأوضاع العامة والخاصة والكلام عن الفساد والمحسوبية وتفشي الرشوة وأزمة الغذاء والضمير والأخلاق وأزمة السينما والغناء وزمن الفن الجميل الذي راح وانتهى ولن يعود والحياة الحلوة التي كانوا يحيونها زمان والشوارع التي كانت نظيفة والمساكن التي كانت رخيصة والبيضة التي كانت بكام مليم، والسعار التي كانت في متناول الجميع؟!.
لكن هل الصورة الحقيقية بهذا السواد وتلك القتامة ..وأليس هناك أمل في المستقبل أو ضوء ولو بسيط في آخر النفق المظلم ؟..وهل الحياة في مصر بشعة وكئيبة وقاسية الى تلك الدرجة التي نسمعها في الفضائيات وفي الصحف وفي أحاديث الناس؟!
نعم..هناك سلبيات كثيرة وهناك أوجه قصور متعددة ولدينا أزمات كثيرة ومتوالية..لكن هذا لا يمنع أن المجتمع يتطور بالفعل وليس بشعارات الحزب الحاكم والصحف الحكومية وقنوات التليفزيون الرسمية.
أنظر الآن إلى الأجهزة الكهربائية التي كانوا يعتبرونها في السيتنيات والسعينيات أجهزة كمالية أي يمكن الاستغناء عنها أو هي نوع من أنواع الرفاهية..مثل الثلاجة والتليفزيون والبوتاجاز ، وأخيرا "الدش" والتليفون المحمول ، وستجدها موجودة الآن في أي بيت مصري مهما كان فقيرا..ستجدها في المناطق العشوائية وفي بيوت الصفيح وفي الريف.
لقد كان المشروع القومي في مصر قبل الثورة هو مشروع مكافحة الحفاء، لشراء أحذية لشعب كان نصفه تقريبا يسيرون في الشوارع بدون احذية.
وبعد ثورة يوليو 52 وخلال الستينات والسعينات كان رب الأسرة يحجز الثلاجة "الايديال" المتواضعة، أو بوتاجاز المصانع الحربية "أبو أربع عيون" ويتنظر سنوات حتى يصيبه الدور، أما التليفون ، فكان يمكن أن ينتظر 20 سنة حتى يتم تركيبه في بيته أو مكتبه، وكان يصرف الجاز من البقالات بالكوبون.
ولا أتحدث هنا عن الطبقات المعدمة ، ولكني أتحدث عن الطبقة المتوسطة أو المستورة، التي يشيعون كذبا الآن أنها انهارت والحقيقة أنها زادت وتوسعت، وأحيلكم الى كتاب المفكر والاقصادي د.جلال أمين، لتعرفوا بالأرقام حقيقة نمو الطبقة المتوسطة في مصر..وكانت الطوابير أمام الجمعيات الاستهلاكية مشهدا عاديا ومعتادا في تلك الفترة.
وطبعا أنا لا أقصد أن أقول إن كل شئ تمام وليس في الامكان أبدع مما كان ، أو أنه ليس هناك محسوبية وفساد..لكن الكلام الذي أصبح مثل "الاكلاشيهات" المحفوظة والاسطوانات المشروخة حول تدهور مستوى المعيشة في مصر، وتدهور أحوال الناس يحتاج الى مراجعة وإعادة نظر.
أنظر الى أعداد السيارات في شوارع المحروسة لتعرف أننا لسنا باي حال من الأحوال شعب فقير أو مع معدم كما يرددون.
هناك فقراء نعم ..وهناك ملايين من المصريين يعيشون تحت خط الفقر..نعم..لكن النسبة الغالبة من الشعب تحسنت أحوالهم في شتى المجالات..ومتوسط أعمار المصريين زاد عن ما قبل الثورة وعن فترة الستينات، فضلا عن مجتمع النصف في المائة قبل الثورة.
ومستوى دخول قطاع متزايد من الناس تزيد بشكل كبير ووفيات الأطفال قلت..ونسبة الأمية التي كانت تزيد عن 50% من الشعب قلت هي الأخرى، رغم التسرب من التعليم وعمالة الأطفال.
وعلى المستوى السياسي حدث حراك حقيقي، رغم أنه بطئ وغير كاف، لكن يمكن البناء عليه.
ووعي الشباب زاد بدليل آلاف الشباب الذين يشاركون بفاعلية من خلال المواقع اللاليكترونية والمدونات.
والمظهر الخارجي للمصريين في الملابس والهيئة الخارجية تحسن كثيرا.
وقارن مثلا بين صور اللاعبين ونجوم التمثيل وجمهور كرة القدم القديمة التي يذيعونها أحيانا وبين مظهر الشباب والفتيات وملابسهم الآن وأنت تعرف الفرق .
والشكوى الدائمة من سوء الأحوال والتشاؤم المرضي وجلد الذات "على الفاضية والمليانة" ، وغشاعة اليأس بين الناس لن يغير وضعا اجتماعيا أو نظاما سياسيا ..ولابد أن يكون هناك طريق ثالث صادق وموضوعي يقول للناس حقيقة أوضاعهم، بعيدا عن تطبيل وتهليل صحف الحكومة وتليفزيونها واذاعاتها ، وبين الغربان والبوم الذين ينعقون ليل نهار في بعض الصحف والفضائيات ، ويكرهوننا في الحاضر والمستقبل، وينغصون علينا عيشتنا دون أن يدلونا على البديل أو يعطوننا ولو بعض الأمل في غد أفضل!.

المشاركة الأصلية كتبت بواسطة Terrible_DaRsH

مليش دعوة بعقدة ولا مش عقدة .

انا هقولك على موقف شفته من تلات ايام فى ميدان التحرير .

كنت بعدى الشارع انا وصاحبي والناحية التانية كان فى اكتر من 11 اجنبي عايزين يعدوا الطريق .

والله العظيم كانوا واقفين على الخط الابيض وفضلوا منتظرين الطريق لما يفضي علشان يعدوا .

وبقوا واقفين مش مصدقين اللى بيشوفوه من السائقين .

وفضلوا ربع ساعة علشان يعدوا كلهم مع بعض و فى الاخر طلع واحد منهم وقف فى نص الطريق ورفع ايده ووقف العربيات غصب عنهم وخلى الناس اللى معاه تعدى الطريق .

انا شفت الموقف ده وقلت ان احنا نعتبر دولة عالم عاشر والصورة اللى الغرب واخدها عنا عمرها ما هتتحسن ابدا .

الخواجات دول مش عارفين انهم ممكن يعدوا من نفق المترو
الجهل وحش برضه

يا جماعه مشكلة بلدنا مفيش عدل
الناس كلها بتعاني من عقدة الاطهاد
محدش عارف ياخد حقه بطريقه ادميه
لو غلطت مفيش عقاب
لو اصبت مفيش ثواب
الرجل المناسب مش في المكان المناسب
الكل بيجري علي اي حاجه ياخدها قبل ما غيره يخطفها
المشكله كبيره
بس تتصلح لما يبقي فيه عدل

من اجمل الكلمات المصرية الاصيلة ..

يعنى هى جت عليا انا !!

و للاسف مش هنتقدم مش هنتقدم مش هنتقدم .

لما احنا بقينا كده . طب اولادنا هيبقوا عاملين ازاى .

لما تيجى تقول لابنك يابنى فى حاجة اسمها احترام الطريق . هيرد تلقائي فى نفسه ( ده انت قديم اوى وخنيق ) ...

البد دى عايزة ويندوز جديد .

و نعمل Delete لكل المصريين .

و ننزل ويندوز قديم شوية ( ايام الناصر صلاح الدين كده ) ...

البلد دى عايزه تربية...........الشعب لازم يتربى و يتأدب...........

و الله احنا مأساتنا مش فلوس و مش حكومة و مش تعداد السكان.....

احنا مأساتنا تربية و التزام..............

سلوكيات المرور....الرشوة و الفساد....الأهمال فى الشغل....عدم احترام الطوابير....نفاق الحكام....اهدار الملكية العامة.....القاء الزبالة فى الشارع.....الركن صف تانى مع التعشيق....الواسطة و عدم تكافؤ الفرص....اهدار حق المستهلك....الصوت العالى......انت مش عارف انت بتكلم مين......

السبب الجذرى و الأساسى لكل القرف ده هو التربية......

نفسى ربنا يرزقنا بقائد يربي الشعب المصرى و يعلمه الأدب....

===========================
تحية تقدير لسيدة محترمة كانت سايقة عربيتها (Mercedes B150) امبارح على كوبرى 15 مايو قبل نزلة الزمالك فى عز الزحمة الساعة 5.....
كانت مستلمة ميكروباص وراها يجى ربع ساعة بالمعنى الحرفى للكلمة بتربيه.....كان هيموت و يطلع منها بأنه يحشر نفسه من يمينها او من شمالها....ماعرفش يعمل معاها حاجة....
ماكانش هاممها انه يحكلها العربية باكصدامه المصدى....و كانت بتبصله فى المراية اكنها بتقله.....بس يا بابا...بس يا حلو...اتعلم ازاى تحترم الطريق و الناس اللى فيه.....
كنت قاعد جنب صاحبى فى العربية...رحت فاتح الشباك و سائل سواق الميكروباص على مسمع من الركاب "هى مالها بتعمل كده ليه معاك يا اسطى"
رد و قالى "معرفش مالها دى" قلتله "بس اكيد انت تستاهل يا اسطى مش هتعمل عقلها بعقلك كده من فراغ...هاهاهاهاهاهاها" و كل الركاب ضحكوا معايا....