الموضوع: خبير طرق ألمانى: شوارع مصر غريبة.. والمقطورات نموذج أكاديمى للإهمال

المشاركة الأصلية كتبت بواسطة lancerevolution

قانون المرور الجديد إتعمل عشان يحاول يحل و لكن تجد الناس تتفنن ى اللف حوالين القانون و عايزين يدوروا إزاى يهربوا منه المواطن المصرى متقوليش غلبان لأنه هوا الى عامل كدا فى نفسه الدوله دعمت رغيف العيش را إشترى ب 10 جنية عيش و دى قدامى و أنا واقف فى الطابور عشان ترميه للفراخ و البهايم و أنا مش عارف أجيب 10 ترغفه ناكل بيهم فى البيت
المواطن المصرى الى الحكومة غيرت عربيات القطار و ركبت لها إزاز كسره قال إيه عشان يركب الأول و روح إتفرج على القطر فى محطة بنها المتجه لمنوف
المواطن المصرى الى ماشى بمبدأ يا بركة دعا الوالدين ز مبدأ ربنا يسترها من غير ما يأخذ بالأسباب المواطن المصرى الى بياخد فلوس فى مقابل إنه ينجح ناس فى المواد و يخرج لنا مهندس سمكرى و طبيب حلاق "مع الإعتذار للحلاقين"
المواطن المصرى الى لما بيبقى واقف يراقف فى الثانوية العامة يقولك لما أغشش الطلبة عشان ربنا يكرم إبنى الى فى الثانوية العامة و يحنن قلب المراقب و يخليه يغش
المواطن المصرى الى فاكر إنه دايما صح
المواطن المصرى الى مكره أخوه المواطن فى البلد
المواطن المصرى الى لما يمسك منصب يتنطط على الخلق و يرفع شعار يا أرض إتهدى ما عليكى قدى
و ظالمين الحكومة و يقولك ما بتعملش ما عملت يا سيدى بس سبقك مواطن مصرى و كسر كل حاجة و كتب إسمه على الحيطة و شتم فى الحكومة و قالت دى ما عملتش حرام عليكوا الحكومة إتبهدلت

مؤيد حضرتك فى كل كلمة قلتها
ماعدا العبارة الخاصة بالحكومة (والعبارة الخاصة بالحلاقين هههههههههههه)
الحكومة اللى غيبت القدوة فى المجتمع
وحذفت من قاموسنا كلمة العدل والمساواة
الحكومة أكتر واحد ماشى سبهللة وعشوائية
سؤال: ياترى الحكومة تتصلح الأول وللا الشعب يتصلح الأول علشان مصر تتحسن؟
الإجابة: اللى يتصلح الأول هيصلح التانى غصب عنه

و حاتفضل الدنيا ماشية كده ليوم الدين لان الاتنين يستاهلوا بعض و بالتالى ما فيش حد حايتصلح

المشاركة الأصلية كتبت بواسطة gemino

و حاتفضل الدنيا ماشية كده ليوم الدين لان الاتنين يستاهلوا بعض و بالتالى ما فيش حد حايتصلح

بصراحة كلام حضرتك صح حاليا لأن مافيش أى بادرة أمل للتغيير (إلا للأسوأ) ولا أنا شايف أى ضوء جاى من بعيييييييييييييييييد وسط الضلمة
بس ربنا كبير
ومحدش عارف إيه اللى هيحصل بكره
يارب يخلف ظنوننا

المشاركة الأصلية كتبت بواسطة فادى

هاى هى عقدة الاجنبى و قد تجلت فى أبهى صورها!!

انا كنت هرد عليك بس الناس قامت بالواجب وزياده

المشاركة الأصلية كتبت بواسطة Tyler_Durden

طالما رجال المرور بتوعنا لا يفقهون في المرور إلا الحزام و الموبايل و السيجارة و الاستيكر يبقى الحال كما هو عليه..
و الموضوع مالوش علاقة بالسلبية و كلام اعلامنا العظيم ده أنا كمواطن مش مطالب أنزل من عربيتي أنظم المرور..ده دور الحكومة زي ما بيحصل في كل الدنيا ..

بس احنا مش زي كل الدنيا انت في مصر (مرات ابويا) مش امي

المشاركة الأصلية كتبت بواسطة tutankhamoun

[COLOR=DarkOrchid]

أوروبا مفيهاش نظام اللي أحنا متخيلنيه !!!!!!!!!!!! يا راجل حرام عليك …...... بجد حرام عليك

أنت عايز تقارن مصر بأوروبا ؟؟؟؟؟؟؟؟؟؟؟؟؟

ده أحنا في مؤخرة الأمم …....... و أنظر إلى الجيران …..... اللي شبعوا من المصريين تريقة
شوف عملوا أيه ووصلوا لأيه ؟؟؟؟؟؟؟؟؟؟

أحنا لسان طويل قوي و مش فالحين غير في الكلام ….......... بس بس بس بس بس .

أفعال …......... قليلة …....... و كلام ….........كثــــــــــــير .

أوروبا و أنت ماشي في الطريق مفيش و لا بني آدم …....... و بقول و لا بني آدم يستجري يكسر عليك حارتك …..............
مفيش عيل قليل الأدب يستجري يعمل غرزة
مفيش سواق يستجري يسوق عربية نقل عمالة تحدف زلط و رملة على الزجاج الخاص بسيارتك و يكلف حضرتك ثمن زجاج جديد علشان البيه مش ملتزم بالقانون .

مفيش حد يستجري يكسر اشارة …..................... خليه كدا يحاول ….....هايروح ورا الشمس


المصيبة أننا في مصر زي ما الأخوة قالوا قبلي ….......
أننا فاكرين أنه كله تمام ….................................... و أحنا أعظم شعب و أعظم حضارة و الهبل اللي أحنا مصدقينه ده .
الحضارة كانت زمان …........ و المصريين القدماء هما اللي بنوا الهرم مش أحنا .
قولي أحنا بنينا أيه ؟؟؟؟؟؟؟؟؟؟

المترو …..... تم بناؤه بخبرة فرنسية و ادارة فرنسية و أول ما الفرنسويون مشيوا …... و المصريين مسكوه …..... أصبح كهنة قديمة و لا يستحق الركوب …...... أنا بتكلم عن الخط القديم .

يا راجل في بلد في الدنيا يبقى عندها كل خطوط القطارات دي و تقفل بعضها و لا تستخدمها في النقل ؟؟؟؟؟؟؟؟؟ و يتم استخدام بدلا منها ….... التريلات
و تقولي عصب الأقتصاد !!!!!!!!!!!!!!
يا باشمهندس …..... عصب الأقتصاد هو القطارات …...... و النقل النهري ثم التريلات و ليس العكس
أحنا بقى في مصر أساتذة في المشي عكس الأتجاه في كل شئ .

ده أنا بتجن و ساعات بأبكي و أعيط من اللي بشوفه …....... خطوط قطارات يتم ازالتها …..... و خطوط أخرى مهملة …........ و النقل النهري منعدم
سيبنا نهر النيل …....... لأقامة الأفراح و الليالي الملاح …..........
سيبنا سواقين الميكروباظ …....... يعوثوا في الأرض فسادا
سيبنا الناس تهاجر من الريف ليدمروا القاهرة بأرضيها الزراعية و التكدس السكاني الرهيب
يا راجل …..... ده أحنا بلد العجائب …...... ستجد كل ما هو عجيب و غريب في هذه البلد .

ده شعب يحرق الدم …........... و حكومة تجيب الضغط …..........
و الناس مش فاهمة حاجة للآسف ….............. و الأعلام أستاذ في أخفاء الحقائق و تنويم الناس مغناطيسيا .

مفيش حد قلبه على البلد دي بجد …............ كله كلام في كلام .
اللي قلبه على البلد …....... لا يداري مصايبها و بلاويها …............... زي حضرتك .

لازم نعترف بالمصايب اللي موجودة في البلد …....... علشان نقدر نحلها

و مش عارف أشمعنى المصريين بالذات …........ أكتر ناس تدافع عن بلدهم أمام الجانب باستماته حتى لو في الباطل .
و يمكن ده يكون سبب من أسباب التخلف اللي أحنا عايشين فيه .
مش بنحب الناس تشوف مصايبنا و بلاوينا و تخلفنا و همجيتنا . … ليه مش عارف ؟؟؟

فيها أيه لما الراجل الألماني أنتقد …..... المصايب اللي المصريين بيعملوها ؟؟؟؟؟؟؟

بجد أحنا شعب عجيب …...... شعب فضائي


دي شوية صور اهداء مني ليك لشوية شوارع في أوروبا يا باشمهندس . و قولي شايف لسه أنهم مش منظمين ؟؟؟؟؟؟؟؟ظ و شايف لسة أنهم بيسوقوا بهمجية زينا ؟؟؟؟؟؟؟؟؟ و لا شايف أن مصر تمام و السواقة هنا عشرة على عشرة ؟؟؟؟؟؟؟؟؟؟؟؟
شوف الفرق بين الحارات …......... لو هنا في مصر
هاتلاقي الناصحين كتير …...... و ش هاتلاقي و لا فراغ و لا حاجة أسمها حارة

على رأي الأستاذ محمد عز …........ يا عم خليها على الله …....... و الطريق واسع …... هاتضيقها ليه علينا و حارة أيه بس اللي عايزنا نقف فيها ….............بتوع أوروبا دول حمير مش عارفين يستغلوا كل ملم في الطريق ….... إنما المصريين ….... الفهلوية …......لازم الطريق يترشق
عربيات لغاية لما الأسفلت يختفي تماما …......




موضوع الحارات بقى ده طبعا له فائدة
منها انسياب المرور
الحفاظ على السيارات و الألتزام بحارة مرورية تم تخطيط الطريق و مخارجه و مداخله على أساسها
تسهيل حركة سيارات الطوارئ مثل الأسعاف و المطافئ و الشرطة …...... و ليس شبيحة الميكروباظ …............. و العيال بتوع الغرز عديمي الأدب و الأخلاق .










شوف الصورة دي



الصورة الأصلية على اليمين و هو طريق في دبي
دبي اللي من 40 سنة كانت صحراء و لا عندهم أي مظهر من مظاهر الحضارة
و لكن بسم الله ما شاء الله ….... دلوقتي أصبحت تحفة معمارية و من أجمل مدن العالم و أكثرها نظافة …..... و تنظيما
الجزء اللي على اليسار هو نفس الصورة و لكن سنتخيل أنها في القاهرة
أولا لن تستيطع رؤية الأسفلت و طبعا الناس عارفة ليه ….....لأن مفيش حاجة في مصر أسمها حارات …..... قلنا قبل كدا أن المصريين بيعتبروا الحارات دي اهدار لمساحة الأراضي . و مساحة الطريق يمكن أستغلاله في عمل غزة أو حشر السيارة في أي حتة و السلام لعل و عسى التخريمة تنفع تخلصنا من الزحمة .
و طبعا لو بصيت على الجزء اليمين من الصورة اليمنى ستجد أنه بجانب الطريق يوجد مكان للركن و أنا أعتقد أنه مركن في هايبر كبير أو سوق ألكترونيات مثلا .
المهم …....... مكنش هايسلم المكان من الشبيحة الأذكياء و هاتلاقي الكل خرم فيه علشان يطلع أدام كام عربية

أحنا اللي بيحصل في بلدنا ده مهزلة بكل المقايسس و أنعدام للأخلاق و النظام .
و ليس له أي علاقة بالفقر أو الغنى …......... الجميع متساوون بما أنهم مصريون .
التصرفات واحدة …........ و عدم أحترام النظام …........ لدى الجميع

و ربنا يرحنا بجد من اللي احنا بنعمله في نفسنا .

ااااااااااااه يا توت قلبت علينا المواجع معاك في كل اللي انت قولته بس مش معاك في حاجة واحدة بس وهي الصورة اللي انت عاملها على الفوتو شوب دي لانها لا تعبر عن الشارع المصري بس شوف اللي بيعبر عن الشارع المصري اهو
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
[IMG][/IMG]
ومش هتكلم بص للتوقيع بتاعي

المشاركة الأصلية كتبت بواسطة Tyler_Durden

فعلا ده حال البلد المتخلفة الي إسمها مصر و ياريت الي مخرجش بره البلد يحاول يفتح عينه و يدور و يشوف البلدان الي حوالينا بقت عاملة إزاي

والله انا قعدت في السعودية سنه واحدة كنت بشتغل هناك عاوز اقولك انها رغم اللي بيقولوا عليها لكن في المرور قمة في الصرامة و لو مقطورة مشيت شمال تتجاب في ساعتها وتتوقف ومافيش حاجة اسمها تخش على الحارة اللي جنبك كده على طول ده انا مرة كنت راكب مع واحد صاحبي يمني على الدائري(بتاع السعودية) بقولو احنا عندنا ممكن تلاقي ناس بتعدي من طريق زي ده قدامك الراجل قعد يضحك وفاكرني بهزر وخلللي بالك ده يمني - واللي طفشني من السعودية واحد مصري برضه - المدير بتاعي هناك

حاجة بره الموضوع أنا حاسس إن هومر سيمبسون لو جه مصر هايتبسط قوي و هايتأقلم تمام مع المصريين و ممكن يوصل و يتقلد أعلى المناصب في البلد

طبعاً هو سيمسون عاشق للغباء هيلاقي فين مكان احلى من مصر يمارس فيها غباؤه وكسله

المشاركة الأصلية كتبت بواسطة nasroo

والله انا قعدت في السعودية سنه واحدة كنت بشتغل هناك عاوز اقولك انها رغم اللي بيقولوا عليها لكن في المرور قمة في الصرامة و لو مقطورة مشيت شمال تتجاب في ساعتها وتتوقف ومافيش حاجة اسمها تخش على الحارة اللي جنبك كده على طول ده انا مرة كنت راكب مع واحد صاحبي يمني على الدائري(بتاع السعودية) بقولو احنا عندنا ممكن تلاقي ناس بتعدي من طريق زي ده قدامك الراجل قعد يضحك وفاكرني بهزر وخلللي بالك ده يمني - واللي طفشني من السعودية واحد مصري برضه - المدير بتاعي هناك

طبعاً هو سيمسون عاشق للغباء هيلاقي فين مكان احلى من مصر يمارس فيها غباؤه وكسله

مع احترامى لاحساسك وضيقك بواقعنا لكن إعذرنى إنى مش موافق على الأسلوب ده ، فيه فرق بسيط بين نقد الذات وتشويه الذات وسلخ الذات

إحنا انتقلنا من النقد العادى إلى النقد اللاذع إلى رش ماء النار على وجه مصر، بالراحة شوية على مصر والمصريين ، وفى الآخر نزعل لو أى أجنبى أو خليجى شتم المصريين ، ماهم بيكرروا كلام زى اللى بعضنا بيقوله ده.... مش كده وللا إيه؟