يا اخوان عربيتي موتورها باظ ومش مستعد الان لشراء واحد استيراد واريد موتور مستعمل ياريت احصل علي خبراتكم للحصول عليه شكرا
عرض للطباعة
يا اخوان عربيتي موتورها باظ ومش مستعد الان لشراء واحد استيراد واريد موتور مستعمل ياريت احصل علي خبراتكم للحصول عليه شكرا
السلام عليكم اخى الكريم
والله انا شايف انك تكمل سعر موتور استيراد يعمل من 3000 تقريبا من جسر السويس او بور سعيد
او ممكن تلاقى فى المنيل فى واحد سمعت عنه هناك بس مش فاكر اسمه حاليه
ومانصحكش تشترى اى حاجه رخيصه والسلام وتقضى الغرض
اخشى ان اى حد يشتغلك ويديلك موتور تصرف عليه سعر موتور تانى
واستنى ردود باقى الاعضاء
ياريت تحكيلنا كمان الموتور باظ ازاى وانت حكمت عليه انه باظ ليه
او مين الميكانيكى اللى بتتعامل معاه وهو قالك فيه ايه
واذا كان باظ نهائى ولا محتاج لعمره
وعلى فكره لو محتاج عمره يبقى افضل انك تعمل عمره بس عند ميكانيكى امين وكويس افضل
من ماتشترى استيراد لان الاستيراد برضه زى البطيخه بتشتريه وانت وحظك
شكرا لك اخى العزيز علي ردك الكريم اما عن موتورى كان استيراد وراكب من8 اشهر لكن مروحة التوربينة عطلت وسخن الموتور وفيه بيل طلع من الجنب ودي كل الحكا ية
شكرا اخي العزيز احمد
ممكن تقولنا هو مين المكانيكى البتتعامل معاة ونصحك بمتور استيراد
الميكانيكى اسمه على هريسة فى شارغ الرحمة في كرموز واسمه هريسة لان اشهر ميكانيكى فولكس في اسكندرية اسمه خميس هريسة وعلي ده كان بيشتغل عنده ارجو ان تكون هذه المعلومات كافية للاخوة الذين سالرا عن الميكانيكي حيث لا اعرف عنه اكثر من ذلك
اة حضرتك من اسكندرية اهلا وسهلا بس للاسف انا كنت فاكر حضرتك من هنا كنا ممكن نساعد لكن على العموم هريسة دة سمعت عنة من واحد قبل كدة اسكندرانى انة كويس بيشتغل فولكس ولا لا مش عارف لانة كان بيقولى عالية لما بيصلح عندة جولف والله اعلم وان شاء الله لو عرفت حاجة هبلغ حضرتك وعاوز اقولك على معلومة على قدى يعنى المتور مهما حصل فية يتعمر ما دام البلوك سليم واى حاجة تانى بتتغير وتتصلح عادى جدا
طيب ياريت حضرتك تروح لميكانيكى غيره وتشوف رده هيكون ايه
ربما يقولك ممكن نص عمره وتتحل المشكله
وبأكدلك تانى ان عمره كويسه عند واحد بيفهم احسن من موتور استيراد
ماتعرفش لسه حالته ايه غير بعد مايركب وتمشى بيه فتره كمان
بارك الله في حياتكما وهذه الروح الطيبة هي ماتوقعته وفد اخبرني الميكانيكي ان زراع البيل قد خرج من جنب البلوك ولكني لم اراه حيث اني طلبت منه عدم حل الموتور حتي يمكن لي دراسة البداءل المتاحة
مبدئيا كويس جدا انك اتصرفت كده
وياريت برضه تشوف رأى ميكانيكى تانى للتأكيد
هاشم انا م محمود الجمال جارك بتاح البيتلز اللبنى بقولك انا عندى موتور ولسه عاملة عمره كاملة لو عايز تشترية كلمنى وتعالى شوفة هو لسه عند الميكانيكى بيعمر وانا مش محتاحة هو على التركيب وكمان انت اللى هتلينه 0101234153
وكمان عندى قطع غيار كلملة لموتور جايب بيل من الجنب لو عايز منه حاجة تكمل بيها بتاعك انا تحت امرك
باشمهندس محمود الجمال
ازى حضرتك عامل ايه
معلش بس حصل لبس فى الموضوع
حضرتك مش انا اللى فاتح الموضوع ده والحمد لله مش انا اللى محتاج الموتور
لو راجعت الموضوع تانى من الاول انا مجرد رديت بس على صاحب الموضوع
واكيد هو شاف الرد بتاعك لو محتاج الموتور
وكمان باقى الاعضاء اذاكان حد محتاجه او قطع الغيار
وربنا يوفقك فى بيعهم ان شاء الله
وممكن تعلن عنهم كمان فى قسم البيع والشراء:satelite:
يا ترى يا م / محمود انت روحت فين
انا موجود يا هاشم باشا وبسلم عليكم جميعا
يابشمهندس محمود
ياريت تبقى تحكيلنا عن تجربتك مع البيتلز
انا عارف انك مريت بتجارب كتير معاها
بس نحب كلنا نستفيد من خبرتك معاها
الصنايعيه اللى اتعاملت معاهم وبتوع قطع الغيار
والاسعار علشان تعم الفايده علينا كلنا
وجزاك الله كل خير
مادام البيل طلع من الجنب يبقى البلوك اتكسر وما ينفعش يتلحم وبالتالي مينفعش عمرة لازم تجيب فارغة "جسم المحرك فقط" استيراد وبعدين تعملها عمرة ومش هينفع تشتري فارغة استيراد بس لأن عاليها رقم الموتور فبالتالي لازم تشتري موتور استيراد بورقه عشان التراخيص وربنا يوفقك وتلاقي حاجة كويسة وأسف على الإطالة .... وشكرا