الموضوع: مفيش حاجة بتقوى اشارة النت

المشاركة الأصلية كتبت بواسطة Tam

معلش أنا مش فاهم إزاي الconnector ما إشتغلش؟
إنت متأكد إن ال 4 أطراف معمولين نفس الترتيب؟
وخلي بالك إن في ترتيبات مابتقبلش الconnector
أنسب وأفضل ترتيب هو دة


خليك في A اللي هي الأولى
أنا مقطوع عندي سلكين واحد بتاعي وواحد بتاع صاحبي ولسة عاملهم من شوية وشغالين ممتاز
جرب وخلي ال 4 أطراف نفس الترتيب وتأكد إن كل طرفين موصلين صح عن طريق الnetwork tester
وإن شاء الله هيشتغل كويس جدا
السلام عليكم

لازم النت ورك كلها بنفس الترتيب

المشاركة الأصلية كتبت بواسطة Ahmed A.Maksoud

اللى أعرفه أن المسافة بتعتمد على نوع الكابل......و النوع مش مقصود بيه الماركة.....الأنواع بتبقى متصنفة Cat5 و Cat 6

مش فاكر مسافة كل واحد كام بس تقريباً ال Cat5 اللى هو متوفر بكثرة فى السوق بيبقى أخره نظرياً 100 متر

أنصحك أنك تجيب كابل جديد Cat6 ( هيبقى أغلى شوية ) و تعيد مد الكابل من الأول و توصله على قد ما تقدر على حوائط و تثبته عليها.
و عموماً الوصلة اللى فى الصورة دى أسمها أر جى 45 و دى الطبيعية اللى المفروض تكون فى أخر الكابل من الناحيتين.....بس لو ترتيب الأسلاك جواهم مش مظبوط الكابل مش هيشتغل.

cat5 نظريا بيوصل ل 100 متر وعمليا وصل ل 180 اما cat 6

بيوصل ل 200 نظريا و عمليا وصل ل 380 و هينزل نوع جديد اسمع cat6 e

وسمعت ان المتر منه هيوصل ل 16 جنية مصرى

اما انا مركب نوع امريكانى cat5

المشاركة الأصلية كتبت بواسطة lancerevolution

حتلاقى السلك صدى لما بيصدى الإشارة بتضعف جدا جرب الكونيكتور أحسن حاجة أو هات 100 متر غيرهم لو حالة السلك وحشة

السلك عندى مش مصدى ولا حاجة

المشاركة الأصلية كتبت بواسطة maka

انا جربت لnetwork tester

الناحيتين شغلين وجربت كذا وصلة بس الاشارة مش بتوصل

كدا يبقى السوتش فيه مشكله هل الشوتش بيطفى و الفتحات فيه سليمة و لو السوتش فى بلكونة أو فى الشارع ممكن يكون عايز ينضف لو كدا جرب معاه akai الأزرق

المشاركة الأصلية كتبت بواسطة maka

السلك عندى مش مصدى ولا حاجة

قصدى مكان الوصلة الى أنت عملتها هى بقالها قد إيه كدا تقريبا

المشاركة الأصلية كتبت بواسطة lancerevolution

كدا يبقى السوتش فيه مشكله هل الشوتش بيطفى و الفتحات فيه سليمة و لو السوتش فى بلكونة أو فى الشارع ممكن يكون عايز ينضف لو كدا جرب معاه akai الأزرق

لا السويتش فى اوضة وهو قديم شوية

يا جدعان المشكلة ان الاشارة اللى جاى من هناك ضعيفة .

وان لما بشيل سلكى من السويتش جهازى بيقعد يبحث عن النت ويرسل اشارة عبر السلك

ولما ارجع احط سلكى فى السويتش وجهازى شغال مش مطفى النت بيشتغل عادى غير كده ميجيش

السوال انا عاوز ااقوى الاشارة اللى جايلى هل لو حطيت سويتش عندى هيقوى الاشارة ولا لا

ياريت تفيدونى

لانى من يوم السبت بخش دايل اب وممل على الاخر