ليه مفيش فى مصر صناعة سيارات؟؟؟؟؟؟؟؟؟

**Samah AbdAllah** · 14-04-2009 08:43 PM

ليه مفيش فى مصر صناعة سيارات

اذا كانت الصين صنعت عربية ليه احنا فى مصر منعملش كده بدل ما احنا بنستورد كل حاجة ونجمعها هنا

انا عارفة طبعا ان احنا بنستورد كل حاجة ومش بنصنع اى حاجة حتى ابر الخياطة بنستوردها واخرنا فى اى صناعة هو تجميعها وليس تصنيعها

بس انا سؤالى واضح جدا ليه
انا فعلا عاوزة اعرف الاسباب الحقيقية

هل احنا معندناش امكانيات مادية يعنى المشكلة اقتصادية
ولا معندناش تكنولوجيا التصنيع
ولا معندناش مهندسين ومبدعين يقدروا يصممولنا سيارة
ولا معندناش حاجة خالص

سؤال محتاج اجابة........

**Samah AbdAllah** · 14-04-2009 08:56 PM

المشاركة الأصلية كتبت بواسطة أبو عبدالله

هو ببساطة
هو ليه مبنصنعشي زي باقي الدول زي الصين او تركيا على سبيل المثال
الاجابة واحده
انك في النهاية بعد كل المصاريف وكل حاجه هيطلع المنتج سعره بره المنافسة تماما
يعني مشكلتنا ان العوامل المساعده غالبا مش موجوده والصعوبات عاوزه فلوس ففي النهاية هتلاقي المنتج اغلى من اللي بيأتي من الخارج واللي هو غالبا افضل في التقفيل والخامات وكل حاجه

العومال المساعده عندنا ضعيفة جدا
يعني مواد خام للتصنيع مفيش ومش بنصنعها حتى
ده القطن اللي احنا كنا بنزرعه ومعروفين في العالم كله بحاجه اسمها القطن المصري
تركنا
هندور على عربيات ومواد خام مش عندنا اساسا

انا معاك بس هى الصين عندها ؟
انا فعلا معنديش فكرة وعشان كده بسأل

**AshTurbo** · 14-04-2009 09:02 PM

اذا كانت الصين صنعت عربية ليه احنا فى مصر منعملش كده

حضرتك بتقارني الصين بمصر وكأن الصين أدني في المرتبة من مصر في حين أن الصين هي ثالث أقوي أقتصاد في العالم يبقى فين وجه المقارنة وعلى أي أساس دة أولاً .

بالنسبة لسؤال حضرتك أجابته هي أن السبب في ذلك هو البيروقراطية في بلادنا وتعقيد الأجراءات بالأضافة الى وجود حيتان كبار من المستوردين على أستعداد لعمل المستحيل من أجل محاربة أي عملية قد تتعارض مع مصالحهم ومنها عملية التصنيع وفي النهاية نفتقد الأداري المحنك الذي يستطيع أدارة عملية التصنيع بكفائة وسرعة مع الحفاظ على استمراريتها وتنافسيتها مع منتجات الدول المنافسة طبعاً بوضع قوانين تضمن تلك الأستمرارية وتلك التنافسية ..هضربلك مثال إذا كان عندنا مش عارفين يحافظوا على الشوارع من غير تكسير يوم واحد وكل يوم يكسروها لسبب غير اليوم اللي قبليه بدل ما يفكر صح ويركب مواسير محترمة وكابلات محترمة ويقفل شغله صح ساعتها هيضمن أستمرارية الشوارع نضيفة لما يحصل كدة أنشاء الله يدينا ويديكي طولة العمر هيبقى عندنا قدرة نصنع أعتقد هانت كمان حوالي 100 سنة وهنقدر نصنع بشكل محترم وهنبقى زي الفل ويجعله عامر .

**Samah AbdAllah** · 14-04-2009 09:25 PM

المشاركة الأصلية كتبت بواسطة AshTurbo

حضرتك بتقارني الصين بمصر وكأن الصين أدني في المرتبة من مصر في حين أن الصين هي ثالث أقوي أقتصاد في العالم يبقى فين وجه المقارنة وعلى أي أساس دة أولاً .

.

مقولتش انهم اقل مننا ..اقصد احنا مش اقل منهم واكيد عندنا عقول وسط 75 مليون يقدروا يفكروا ويصنعوا ولا ايه

**Samah AbdAllah** · 14-04-2009 09:34 PM

المشاركة الأصلية كتبت بواسطة mynameh

من الاخر
أولا بالنسبة للإمكانيات المادية موجودة و بوفرة بس إحنا مش حسين لأن فية سوء توزيع الأموال في مصر و الدولة لو عايزة تعمل هتقدر توفر فلوس و بزيادة و إحنا عارفين

ثانيا تكنولوجيا التصنيع بتتحقق بأمرين أولا الأموال و قلنا موجودة ثانيا كيفية التصنيع نرسل بعثات لأشهر الشركات العالمية و نقدر ببساطة

ثالثا المبدعين أصلهم من مصر و مفيش أكتر منهم
لدرجة إني أعرف واحد في ألمانيا بيقولي إن في في شركات بي إم او مرسيدس و فولكس مصريين بيطوروا في حاجات كتيرة في العربيات دي بس محدش يسمع عنهم

أخيرا الي موقف تصنيع مصر للسيارات كثير من الفساد الإداري وتأخر في التفكير

انت كده فهمتنى وجبت المفيد
يعنى احنا نقدر

**aif** · 14-04-2009 10:04 PM

سؤال الموضوع
ليه مفيش صناعة سيارات في مصر ؟؟؟؟؟؟؟؟؟
الجواب ببساطة
لأن مفيش صناعة اصلا في مصر .
انا مرة كنت راكب ميني باص ... كانت بعت العربية ولسة ما اشترتش ...المهم لقيت بياع في الميني باص بيبيع عدد 2 مفك تست واحد عادي وواحد صليبة .... اللي هو بينور في الكهربا .... والحجم الكبير ....
تخيلو كان بيبيعهم بكام .... بجنيه واحد ... الكلام ده كان من 4 سنين تقريبا ... يعني مش من بعيد اوي
المفكات دي ...صيني طبعا
المصنع كسبان فيها
والمصدر كسبان فيها
والمستورد كسبان فيها
وتاجر الجملة كسبان فيها
والولد اللي بيسرح والمعلم بتاعه كسبانين فيها
وعليها جمارك وضرايب اكيد ...
يبقى تكلفتها كاااام ؟؟؟؟؟
الخلاصة ... السر في الصناعة الناجحة سواء كانت سيارات ...اولا اتقان الصناعة وخاصة التقفيل ...
ثانيا غزارة الانتاج وده يستلزم سياسة تسويق ناجحة
واخيرا وهو الاهم ... تخطيط صح ... من المصانع ثانيا ... ومن الدولة اولا
المنتج اللي بيتصنع في مصر تكلفته غالية جدا ...
لأنه متحمل ببلاوي لا تتخيلوها
ضريبة الدخل
ضريبة المبيعات
ضريبة كسب العمل
ضريبة الدمغة
الجمارك
الرسوم بمختلف انواعها ... نضافة ...رسم تنمية ... رسم بتنجان .... اي رسم وخلاص
وبعدين نيجي للمرافق والخدمات
الكهرباء بيتحاسبو بسعر تجاري ... غالي جدا
المياه ... تجاري 4 اضعاف السعر العادي
الغاز .... شرحه
ده غير الموظفين بتوع الجهات السيادية ...
بتاع التأمينات
بتاع القوي العاملة ومكتب العمل
بتوع الحي... وما أدراك ما الحي ....
بتوع التموين
بتوع الصحة
بنوه الشرطة والاقسام
...
كل دول لهم شهريات
والسجل التجاري
والغرفة التجارية

...
والطابور طويييييل لا ينتهي
المهم بتلاقي المنتج محمل بكم مصروفات رهيب ....

تلاقي المفك اللي بنص جنية ....... تكلفة صناعته 2 جنية في مصر .... وسيء الصناعة بفضل المعية العامل المصري الفهلوي
....
يقوم المستثمر متشاهد على روحه .... ويا فكيك ... ويروح جبل على يشتغل هناك في امان الله و يدعي على اللي نصحه بالشغل في مصر
انا كنت ساكت يا بسكوتة ..... انتي اللي خليتيني اتكلم

-

-

-

الموضوع: ليه مفيش فى مصر صناعة سيارات؟؟؟؟؟؟؟؟؟

LinkBack

أدوات الموضوع

عرض

ليه مفيش فى مصر صناعة سيارات؟؟؟؟؟؟؟؟؟ - انشر الموضوع فى :

-

-

-

-

المواضيع المتشابهه

شكاوي لحماية المستهلك من سيارات شيفورليه و وجود عيوب صناعة بها

لأول مره بي إم دبليو تبدأ في صناعة سيارات من الدفع الأمامي!

مفيش قسم للبدل بين سيارات الاعضاء

شركة فولكس فاجن تستحوذ على شركة تويوتا لتصبح أكبر شركة صناعة سيارات على مستوى العالم

غبور يستخدم مادة محظورة دوليا فى صناعة سيارات المينى باص

الكلمات الدلالية لهذا الموضوع

المفضلات

المفضلات

ضوابط المشاركة