يا جماعه انا معايا لانوس 2006 وحاسس غن الموتور بقاله كام يوم صوته عالى شويه تنصحونى بإيه؟؟؟؟؟
عرض للطباعة
يا جماعه انا معايا لانوس 2006 وحاسس غن الموتور بقاله كام يوم صوته عالى شويه تنصحونى بإيه؟؟؟؟؟
ممكن تكون محتاج تغيير زيت وفلتر ..................أو تكون ممون قريب بنزين مش كويس
شكرا ليك يا باشمهنس سمير(دايما كده بتنصفنى بس انا لسه مغير زيت وفلتر) فيه حاجه كمان العربيه بتكهرب من بره ,هل ده له علاقه؟
السؤال التانى بقه هل الصوت العالى ده له علاقه بقدم البوجيهات أو حداثتها؟؟؟؟
طيب قول الصوت العالى ده بتسمعه أمتى بالضبط.....بعد الدواره وتسخين المكنه وأستقرار السرعه وأنت واقف على السلانسيه مثلا وبعد ماعملت مشوار وواقف سلانسيه والمكنه سخنت كويس.....وياريت تقول برضه عامل كام كيلو لحد دلوقتى......................
هيه العربيه عامله 90000 كم لحد دلوقتى والصوت ده باسمعه على طول سواء كانت بارده أو سخنه.
وموضوع الكهرباء ده لما اعمل مشوار
عامة يفضل الكشف على البوجيهات وتغييرها........لأن ممكن تكون مغيرتهاش من زمان ......ويكون برضه العازل الصينى بتاعها مشروخ (أو مشقق) ومع السخونه (بعد مابتعمل مشوار زى مابتقول ).....هنا بقه ممكن يهرب جزء من الشراره العاليه بتاعة البوجيهات لجسم المكنه وتتكهرب زى مابتقول.......وطبعا لو فيه بوجيه واحد او أثنين اللى مشققين (ده يعملك برضه عدم أنتظام فى الحريق ).......ويعمل مايسمى بدق الشراره.....وعلى فكره تشقق العازل بتاع البوجيه بيعمل أشعال خاطىء ويعملك الصوت اللى بتقول عليه.................بالمناسبه أيه أخبار سير الكاتينه ومن قد أيه غيرته برضه
هيه العربيه معايا من شهر9 اللى فات .أول ما جبتها غيرت ال3 سيور(وكانت عامله 80000 وقتها)
لكن بصراحه ما غيرتش البوجيهات .
يعنى سير الكاتينه عامل 10000.
لكن البوجيهات ما أعرفش عامله كام.
أكشف عليها ....وقولنا عامله أيه.............ودى أسهل حاجه دلوقتى
أوكى يا باشا ,أنا هكشف عليها وأنا أصلا كنت ناوى أغيرها بس لما أنزل المحله...الحاجه هنا فى شرم غاليه نار وكمان مضروبه,فأنا لما هنزل المحله كنت ناوى أجيب طقم بوجيهات 3 شمعه على أي حال.
بالسلامه أن شاء الله.....................ويامرحب برجال الغربيه