بعد ما ركبت انذار للهوندا سيتى :(

**ahmediz2000** · 14-04-2009 09:13 PM

ازيكو الاول ..
الاسبوع اللى فات قررت انى اركب انذار ووحدات رفع للهوندا سيتى 2008 لانى بسافر كتير وبسيبها فى الشارع ..
المهم كل حاجة مشيت تمام والانذار ووحدات الرفع شغالين تمام .. الى ان اكتشفت ان زرار رفع الازار ال auto (اللى بيرفع الازاز كله بضغطة واحدة ) مش شغال الازاز لازم انت اللى توصله للاخر معدش بيترفع لوحده زى الاول
رحت للمحل اللى ركبهولى ..عمل حركة معينة (فتح الكونتاك ورفع الازار وقفل الكونتاك تانى ) وقالى انا بيرجع الكود تانى للازاز وفعلا اشتغل .. لكن تانى يوم رجع الحال كما هو عليه (الازاز ما بيترفع غير مانيوال )
رجعتله تانى قالى فيه احتمال ان الفيوز اللى بيتخزن فيه الكود بيهرب كهربا فهنغيره بفيوز اعلى شويه ..و قالى انه موصل وحدة الرفع على موتور الازاز يعنى مالوش دعوة خالص بوصلات الزراير

فهل الكلام ده صح ولا اعمل ايه .. ده اللى انا كنت خايف منه

اسف على الاطالة ..وياريت تشاركونى رأيكو

**kemo0o** · 14-04-2009 09:23 PM

معرفش والله بس الموضوع ده برضه حصل عند ناس كتير من ملاك السيفيك وكمان الكورولا الجديده

موضوع الكود ده من الاخر هو بيشتغلك ( معلش في التعبير )

**ahmediz2000** · 14-04-2009 10:05 PM

يعنى الموضوع منتشر .. ما اعتقدش انه بيشتغلنى لانى عملت الحركة اللى هو عملها والازاز اشتغل لكن مشكلته انه بيرجع تانى

**kemo0o** · 15-04-2009 07:16 AM

يعنى الموضوع منتشر .. ما اعتقدش انه بيشتغلنى لانى عملت الحركة اللى هو عملها والازاز اشتغل لكن مشكلته انه بيرجع تانى

انا معاك بس مش حكاية كود ولا حاجة انا ماعرفش هو بيعمل ايه كده بس اصلا ماكينة رفع الازرار ولا ليها كود ولا اي حاجة انت فهمت قصدي
عامة انا كان واحد صاحبي حصلت له المشكلة دي وهشوف عمل فيها ايه واقول لك

**ahmediz2000** · 15-04-2009 06:05 PM

متشكر جدا يا كيمو على مشاركتك وانا منتظر ردك

**alaa74** · 16-04-2009 12:47 AM

ياريت من فضلك تقولى ركبت الانذار فين وهل فى مشكله منه على ضفيرة العربيه
لان فى التوكيل حذرونى من تركيب الانذار للسيتى علشان ضفيرة الكهرباء مع العلم انى محتاج الانذار جدا ، وكمان انا مش فاهم ايه موضوع وحدات الرفع دى وعلى فكرة انا عربيتى هوندا سيتى موديل 2008

**alaa74** · 16-04-2009 01:21 PM

احمد باشا انا متشكر جدا على ذوقك واهتمامك وسرعه ردك
انا فعلا كنت محتاح اشوف الانذار وطريقه تركيبه وخاصه انى فعلا قلقان جدا من موضوع تركيب الانذار واللعب فى ضفيرة كهربا الهوندا ، وهكون سعيد جدا انى اتعرف بيك
وانا اسمى علاء الشناوى
ورقم تليفونى 0101688681

**sheeko00** · 18-04-2009 06:05 PM

الموضوع اللى هو بيعملو هو محاولة اعادة برمجة الريموت والانذار زى اعادة ضبط المصنع والبرمجة من جديد لانو شاكك بالبرمجة لكن اعتقد العيب من التوصيل لانك بعد مركبت وحدات الرفع تقدر تقفل الزجاج كلو ال 4 يعنى من زرار auto مش بابك بس زى الاول فاكيد فى خطا فالتوصيل والله اعلم مدام الانذار شغال ووحدات الرفع وطمنى برسالة خاصة ياريت