على الاول بحس ان العربية خشنة - فيرنا 2008

**nightmaredent** · 14-04-2009 11:12 PM

السلام عليكم
انا عربيتي فيرنا 2008
لما باجي أطلع على الاول بحس ان العربية خشنة وانا بطلع بيها !!
و بحس بالخشونة دي في الدبرياج وانا برفع رجلي من عليه
و جربت اطلع على التاني عشان اتاكد لقيت الاحساس دا زاد جدا وانا كنت احيانا بطلع على التاني و كان بيبقى في صعوبة شوية و بدوس بنزين زيادة بس مكنش في إحساس اني راكب جرَار
طبعا وانا بلف بردو نفس الاحساس.. العربية عاملة زي جرار!!
مفيش مشكلة في السحب والعربية جبت بيها لحد 120 مستريح
العربية عاملة 22000 كيلو
ياريت لو حد عنده فكرة عن الموضوع دا يساعدني أو يدلني على حد كويس أروحله في القاهرة
ولكم جزيل الشكر
أحمد حسين

**samirayad** · 15-04-2009 08:48 AM

طيب ماتروح النوكيل .....طالما السياره 2008 وخد رأيهم وخللى الفنى هناك يجرب العربيه معاك

**ahmedsrs** · 15-04-2009 08:55 AM

ممكن يكون عندك مشكلة فى بلية الدبرياش وعند تلف البلية بيكون السحب والشد عادى بس بيبقى فى خشونة بالدبرياش

**nightmaredent** · 15-04-2009 09:06 AM

متشكر يا بشمهندس Samirayad
بس مش عارف ليه مش عايز اروح التوكيل
بس اصل انا روحت في صيانة الالف ابو رواش وقعدت 9 ساعات هناك!!
اماال لو روحتلهم بعيب زي دا هيبيتوني؟!!
كمان كان في عضة في الفتيس وعملوهالي و بعدين رجعت تاني فمبئتش أثق فيهم صراحة..
دا غير انه غالي كمان
يعني غالي ومش عارف هيعرفو يصلحوها وللا لا
لو في حد بيفهم حتى لو كان غالي ياريت حد يدلني عليه
-----
متشكر يا أستاذ ahmedsrs
مش عارف ايه موضوع البلية دا بس الدبرياج نفسه مش خشن بس لما بشيل رجل ونا طالع على الاول او الثاني بحس بهزة قبل ما العربية تطلع او زنة جامدة والدبرياج نفسه تحت رجل فيه نفس الزنة
واعتقد في التالت والرابع كدا بس انا مبحسش بيها عشان السرعة وصوت الموتور
ياريت لو حد يعرف حد بيفهم يقولي
على فكرة واحد قاللي ممكن تبقى كبالن؟!!
وواحد ميكانيكي قاللي اسطوانة وبعدين قاعدة فتيس و بعدين كبالن
طبعا دا واضح انه مش فاهم اي حاجة
و شكرا على ردودكم جميعا

**BLACKVERNA** · 15-04-2009 10:29 AM

روح عند محمد بيومى فى الحى الثامن و ان شاء الله هتطلع بسيطة

**nightmaredent** · 16-04-2009 05:25 PM

شكرا يا جماعة على الردود
انا روحت لميكانيكي جنب الحديقة الدولية عشان شغلي قريب من هناك و تقريبا هوا دا محمد بيومي (-:
ساق العربية و بيقلي مفيهاش حاجة وانه مش حاسس بالزنة دي..
و قاللي انه بيحس زي خبطة لما بيرفع رجله من على الدبرياج و دي ممكن تكون قاعدة فتيس وحشة..
و بردو في ميكانيكي قبله قاللي مفيهاش حاجة!!!
المهم ان الاحساس ان الدبرياج خشن لما برفع رجلي من عليه وان طلعة العربية فيها زنة جامدة وخشنة بتبان قوي لما أعلق رجلي على الدبرياج اول ما يبدأ يفصل..
انا مش عارف دا إيه..
للعلم السحب كويس جدا
كشفولي على زيت الفتيس من 8000 كيلو وكان كويس والمفروض اني هكشف تاني جايز يكون السبب!!
هروح لواحد تاني واقلكم هيقولولي ايه..
لو في حد عنده اي فكرة ياريت يقولي

**mostafabakry** · 25-04-2009 05:03 PM

ايه الأخبار يا باشا
المشكلة اتحلت و لا لسه موجودة
اصله بصراحة انا عندي مشكلة بنفس توصيف حضرتك للمشكلة اللي عندك خشونة بسيطة جدا في الدبرياخ و انا برفع رجلي من علية في الغيار الول و مع بداية تحرك العربية بس مس جامد جدا زي ما حضرتك وصفت لا انا عندي خشونة بسيطة في بدال الدبرياج مع هزة بسيطة في الموتور بتروح لما ادوس بنزين وارفع رجلي من علي الدبرياج و سحب العربية 100% و بمشي بيها 120 - 130 عادي
انا عربيتي رينو لوجان mcv عامله 6000 كم

انا شاكك في بلية الدبرياج او الديسك و الإسطوانة و الفرش

انا جربت اسمع صوت العربية و هي دايرة عالي السلانسيه و ادوس علي الدبرياج لاحظت ان صوت الموتور و انا دايس عالدبرياج ناعم و هادي يعني طبيعي
لكن لما برفع رجلي من عالدبرياج بسمع صوت خشونة بسسيطة في صوت الموتور وجاي من ناحية الفتيس

يا ريت لو حضرتك توصلت لحل تقولي عليه الله يكرمك

و شكرا

**nightmaredent** · 25-04-2009 10:08 PM

الاخ mostafa bakry

انا نفس اللي عندك بالظبط غير اني مبحسش بموضوع الفتيس دا
انا ان شاء الله هروح لميكانيكي اسمه محمد عبده اللي كان وصفه استاذ محمد ممدوح وبيقول عليه انه شغال في التوكيل وانه امين و شاطر..
بس هيا المشكلة انه بعيد عني شوية فإن شاء الله اروحله قريب واقولك..
في كذا واحد قاللي اسطوانة بس انا مش مصدقهم (-: عشان ناس كتير بتقولي انها متبوظش بسرعة كدا..
وانت كمان عامل 6000 بس!!
هحاول اروحله خلال الاسبوع دا ان شاء الله و ارد عليك
انا اعتقد انها حاجة بسيطة ان شاء الله .

أحمد حسين

**sab3aawy** · 26-04-2009 01:04 PM

الفيرنا طبيعتها كدة ، هى خشنة وده من خلال تجربة شخصية وشهادة كل الناس اللى جربت عربيات كتير وركبوها

وهذة الخشونة لها علاقة بتصميم المحرك ونظام الجر ولا تعيب العربية فى شئ ، اتعود عليها كدة لأنها ليست مشكلة فىالسيارة ولكن جزء من تصميمها

**mostafabakry** · 27-04-2009 12:35 PM

المشاركة الأصلية كتبت بواسطة nightmaredent

الاخ mostafa bakry

انا نفس اللي عندك بالظبط غير اني مبحسش بموضوع الفتيس دا
انا ان شاء الله هروح لميكانيكي اسمه محمد عبده اللي كان وصفه استاذ محمد ممدوح وبيقول عليه انه شغال في التوكيل وانه امين و شاطر..
بس هيا المشكلة انه بعيد عني شوية فإن شاء الله اروحله قريب واقولك..
في كذا واحد قاللي اسطوانة بس انا مش مصدقهم (-: عشان ناس كتير بتقولي انها متبوظش بسرعة كدا..
وانت كمان عامل 6000 بس!!
هحاول اروحله خلال الاسبوع دا ان شاء الله و ارد عليك
انا اعتقد انها حاجة بسيطة ان شاء الله .

أحمد حسين

جزاك الله خير علي اهتمامك
و انا في انتظار النتيجة
بس هو حضرتك معاك رينو لوجان و لا لأ ؟؟؟؟

الموضوع: على الاول بحس ان العربية خشنة - فيرنا 2008

LinkBack

أدوات الموضوع

عرض

-

-

-

-

-

المواضيع المتشابهه

ريحة شياط+اجى ادى العربية الاول تطفى

سحب العربية مش زي الاول

اية رئيكو فى العربية دى فيرنا 2008 متعدلة ؟؟؟؟

العربية بتبطل منى على الاول حتى لو دست دبرياج على الاخر ...

العربية بتدور بس مكتومة في الاول

الكلمات الدلالية لهذا الموضوع

المفضلات

المفضلات

ضوابط المشاركة