استلمت الواجا 2009

**khpopo** · 15-04-2009 01:11 PM

الف مبروووووك واجا الجميلة ربنا يديك خيرها ويكفيك شرها
ربنا يوفق

**Eng. Rafy Samy** · 15-04-2009 04:11 PM

الف الف مبروك
برنا يديك خيرها ويكفيك شرها
مستنيين رد حضرتك على اسألة الاستاذ MohabSaeed
لانها مهمة جداً

وكمان يا ريت تقولينا هي 4 زجاج كهرباء ولا 2 بس ...؟
وشكراَ

**Eng. Rafy Samy** · 15-04-2009 04:24 PM

ويا ريت بعد اذنك لو تقدر ترفعلنا شوية صور للعربية... والف مبروك

**Osama.shihata** · 15-04-2009 04:34 PM

ماشاء الله 1000 1000 1000
مبروك وربنا يديك خيرما جعلت له ويكفيك شرها
امين

**aboayoub** · 15-04-2009 05:43 PM

انا اولا بشكر كل الساده الافاضل اللى ردوا على السؤال بتاعى وثانيا بالنسبه للكماليات بتاعه العربيه اللى سال عليها استاذ مهاب فاللى موجود فى العربيه تحديدا هو تكييف باور 4 ازاز كهربا المرايات كهربا mp3 فتح البنزين والشنطه من الداخل فوانيس شبوره الزجاج الخلفى حرارى الدركسيون مالتى فنكشن المقاعد الاماميه الضبط ليه 4 مواضع امام وخلف والضهر بتاع الكرسى للامام والخلف والكرسى بيعلى ويوطى وفيه فى المانيوال حاجه اسمها دعم الفقرات القطنيه معرفش موجوده ولا لا اشوفها واقولكو لكن .........السنتر والريموت والانذار والاير باج وال abs والحساسات بتاعه الركن مش موجودين واعتقد ده سبب تخفيض السعر اما بالنسبه لسعر المانيوال فالحقيقه ما اعرفش لانى ماسالتش وانا تحت امركو فى اى استفسار

**momenhamdy** · 15-04-2009 05:49 PM

الف مبرووووك يا اخي الفاضل
وربنا يباركلك و يديك خيرها و يكفيك شرها
و اعتقد ان الاخوه الافاضل ردوا علي كل الاسئله اجابات مفيده جداً

وربنا يبارك لحضرتك و الف مبروك مره تانيه

**gagareen** · 15-04-2009 06:03 PM

الف مبروك يا باشا ربنا يديك خيرها ويكفيك شرها
يا ريت رد على النقطتين دول

9- كشافات شبوره "فوج لايت " موجودين امامى وخلفى ولا لأ؟
10- جنوط الومينيوم 15 بوصه /195 ولا حديد عادى؟

طبعا شكلها كده مافيهاش EBD؟

متنساش الصور

تحياتى

**aboayoub** · 15-04-2009 10:30 PM

بالنسبه لاستفسار الاخ جاجارين فللاسف الجنوط حديد عادى والفوج لايت امامى بس

**MohabSaeed** · 16-04-2009 01:21 AM

عموما هى سعرها بالنسبه للكماليات الى فيها و انها اوتو مش وحش ابدا بل جيد جدا((( ديه كده دخلت فى الشريحه السعريه للافيو و النيو اكسنت ))) و طبعا الواجا احسن منهم 1000 مره و فيها كماليات اكتر كمان !! , بس انا مش متخيل الواجا من غير جنط كبير و عريض !!! الجنط الحديد هينقص كتير من شكلها .
المشكله التانيه ان مفهاش سنتر و الواجا بيركبلها سنتر ايرب هوا , مش اى حد يشتغل فيه .
بالنسبه للسينسورز ف امرهم سهل و تمنهم رخيص .

حضرتك رأيك المبدأى ايه بالنسبه للواجا طبعا انا مش بتكلم فى تقيم بس عاوز اعرف ايه رأيك فى العربيه ؟