السلام عليكم و رحمة الله و بركاتة
انا عارف انه سؤال غريب بس عندي في السيفيك لما بشغل التكييف بلاقي كفاءة الفرامل قلت اوي و مش بتمسك خالص !!
وواضحة جدااا يعني مفيش اي احتمال لاي صدف او تهيئات
ايه رأيكم ؟
شكرا
عرض للطباعة
السلام عليكم و رحمة الله و بركاتة
انا عارف انه سؤال غريب بس عندي في السيفيك لما بشغل التكييف بلاقي كفاءة الفرامل قلت اوي و مش بتمسك خالص !!
وواضحة جدااا يعني مفيش اي احتمال لاي صدف او تهيئات
ايه رأيكم ؟
شكرا
غريبة اوى دى مش عارف
انت جننتنى وانا قاعد عمالى اراجع الاجزاء الى متربطة مع التكييف مش لاقى علاقى بالفرامل خالص
هي فعلا غريبة يا فادي و انا برضة دورت على اي حاجة بس ملقتش و فعلا انا قررت ماشغلش التكييف لحد ماحل المشكلة
انا فاكر اني كنت قريت موضوع هنا على حاجتين ملهمش علاقة ببعض برضة بس بيأثروا على بعض و في الاخر طلع ان حد بيسحب هوا من التاني فكفاءة التاني بتقل !!
جزاك الله خير على اهتمامك و اسف على تعبك :)
شوف انت كدة تقريبا هيبقى عندك عيب فى الحساسات لانها المفروض بتحافظ على الماتور انة يكون مظبوط سواء مشغل تكيف او من غير تكييف يعنى حاول تشوف كدة العربية عندك بتعلى لما بتشغل التكيف ,لما بتيجى تدوس فرامل مثلا خلى عينك على الاربى ام شوفة بينزل ولا لأ لانة لو نزل يبقى كدة عندك عيب فى الايدل ونضفة الاول قبل ماتغيرة بمنظف الانجكشن
وبردة اتاكد من مواسير الفرامل ان كلها سليمة
تاكد انه مفيش تسريب في خرطوم الفايس
pcvalve
الي خارج من المنافول للموتور
و اتاكد برده من الخرطوم الي واصل من المنافول للسيرفوا
يا شباب، التكييف له علاقة بالفرامل
كلام غريب جدا مش كدة.
التكييف بيحط حمل على المحرك فتكون النتيجة ان المحرك لو داير سلانسيه سرعة السلانسيه بتاعته تقل ، تقوم وحدة وحدة الكونترول بتاعة المحرك ECU تفتح بلف الأيدل idle vale زيادة وتدى بنزين زيادة من الرشاشات علشان تعوض حمل التكييف وتعود سرعة السلانسية الى وضعها الطبيعى ، فيما معناه ان الفاكيوم (للضغط السالب) الموجود فى منطقة دخول الهواء والبنزين قل عن وضعه الطبيعى، ليه قل؟ لأننا وسعنا فتحة بلف دخول الهواء فى حين ان المكابس اللى بتشفط شغالة بنفس السرعة(السلانسيه) وبالتالى فان الاختناق فى منطقة دخول الهواء قل ، وطبعا يعلم الكثير منا ان الطاقة التى تعمل عليها الفرامل هى طاقة الناشئة عن فرق الضغط بين منطقة المانيفول المخلخلة وبين الضغط الجوى، وبالتالى فانه عندما تقل الخلخلة نتيجة للسماح بكمية اكبر من الهواء للدخول الى فراغ المانيفولد لتعويض حمل التكيف فان ذلك يقلل من كمية الطاقة المتاحة لسيرفو الفرامل
طبيعى اننا لما بندوس فرامل بنشيل رجنا من على البنزين وبالتالى فان تحكم الموتور فى هذة الحالة بكون فى مود الأيدل ، فيما معناه ان تشغيل التكييف هيؤثر على اداء الفرامل كما اوضحنا اعلاه، لذلك من النصائح المفيدة فى هذا الصدد عدم استعمال الدبرياج او فك الغيار مع الفرملة سوى فى اللحظة الأخيرة حتى نستفيد بمسألة فرملة المحركengine brake مع الاستفادة فى الفرملة بالفاكيوم الذى تحدثه سرعة دوران البساتم نتجية لجر المحرك بواسطة العجلات فى تشغيل الفرامل (طبعا فان هذا غير متاح للسيارات الأوتوماتيكية )
كلام مظبوط جدا يا اخ سبعاوي...
اي حاجة بتشتغل في العربية بتاخد طاقة من المحرك....
و كل ما تشغل حاجات اكثر بتاخد طاقة اكثر من المحرك...
يعني كل حاجة ليها علاقة بغيرها سواء علاقة مباشرة او عن طريق المحرك....
طبعا عبقري :)
ببساطة اللي فهمته ان المفروض ان الطبيعي ان ليهم علاقة ببعض بس مش الطبيعي انهم يأثروا على بعض بالسلب
فكدا ممكن يبقى فيه عيب في الايدل زي مافهمت من كلام حضرتك و كلام semsem , صح كدا؟
دا بيتصلح ولا نضافة بس ولو المشكلة استمرت يبقى يتغير؟
و كمان العربية بتعمل في السفر على سرعة ثابتة 320 كيلو في الصفيحة بينما جو البلد بدون تكييف ولا شد 180 كيلو في الصفيحة !!! مش فاهم ايه تهييس البنزين دا, ممكن دا يبقى ليه علاقة بالايدل؟
اللى اقدر اقولهولك ان التكيف لما يشتغل لازم الايدل يحس ان فية حمل على الماتور فلازم ينبة الانجكشن عشان يتم ضخ وقود اكتر بقدر الحمل اللى على الماتور وبما انك لما بتيجى تدوس فرامل بتلاقيها ضعيفة فى حالة تشغيل التكييف يبقى انت كدة عندك مشكلة فى الايدل لانة مش بيدى قرايات صح فعندك السلانسية بيبقى مشغل تكييف زى مش مشغل تكييف فبالتالى لما تدوس فرامل مش بتلاقى قوة كبح لان اصلا الفرامل بتاخد هواء من السيرفو والسرفو لية وصلة من الماتور فلازم يكون الماتور مظبوط عشان يظبط معاك الفرامل.وبكدة انت محتاج تنظف ايدل لو ماتعدلش يبقى هايتغير لاقدر الله
فهمت حاجة ؟؟؟؟؟؟؟؟؟؟؟؟؟؟؟؟؟؟؟
اى عربية فى الدنيا ليها استهلاك بنزين فى البلد غير الطرق السريعة او المفتوحة
ودة راجع لكثرة الوقوف والتحرك داخل البلد بعكس الطريق السريع استهلاك قليل بس انت كدة عندك فرق جامد شوية المفروض يبقى الفرق بينهم لا يتعدى 80 كيلو
320 كم وسيفيك 1500 سى سى ازاى؟
أكيد قصدك 220 كم للصفيحه
انت معندكش اى مشكلة، موضوع تأثير التكييف على الفرامل ده شئ بيحصل فى كل السيارات وبنسب متفاوتة بحسب هل وحدة الكونترول بتقدر ترجع سرعة السلانسيه الى الى قيمتها بالظبط بعد تشغيل التكييف وللا بتعلا شوية وللا بتزل شوية، والموضوع كله لو كان التاثير شديد يتعلق بضبط السلانسية وربما نضافة الأيدل، لكن حتى مع افضل ضبط سيبقى للتكيف شئ من التأثير البسيط على قوة الفرامل لانه شيئ طبيعى ، زى بالظبط ان مثلا تسارع السيارة فى مطلع بيكون اقل من تسارعها فى طريق مستوى، هذه ظاهرة طبيعية ومقبولة ولا تعيب السيارة موجودة فى المرسيدس زى ما هى موجودة فى الهيونداى، بالمثل فان تأثير التكييف على الفرامل ظاهرة طبيعية طالما انها مش بشكل مبالغ فيه
يا سلام عليك يا ابو السباع يا خبرة
طبعا الموضوع ممكن علاجة بشكل جزءى من خلال استغلال طاقة الموتور الفرملية مع فرامل الردجل... يعنى متمورش كل ما تحب تفرمل و سيب المكنة تكتف العربية اضافة الى ان ارتفاع الRPM مع غلق البوابة اثناء الفرامل حيساعد على تكوين خلخلة اكبر تفيد السيرفو فى شغلة
MMamdouh
yes
MMamdouh
هل موضوع العلاقة العكسية بين تشغيل التكيف والفرامل ده بيتحقق حتى في العربيات المزوده بـabs؟ ولا Abs بيحسبها صح مع اختلاف ظروف التشغيل؟؟؟
الabs كل فايدتة حاجة واحدة انك بتقدر تتحكم فى عجلة القيادة عند الضغط بقوة على بدال الفرامل لان اى عربية مافيهاش النظام دة بتلاقى العربية مشيت فى اتجاة واحد ومش عايزة تيجى ولا شمال ولا يمين واصلا بيبقى ضعيف شوية عن الفرامل العادية لانة بيقفش العجلة على فترات مش مرة واحدة
والتكييف لازم يسحب من الفرامل بس مش للدرجة اللى انت بتقول عليها وبيبقى جامد وبتقفش كويس جدا بس مش بكافاة والتكييف مش شغال زى بالظبط وانت بتجرى او بتشد لازم تكون قافل التكييف عشان يديك قوة الماتور وسحب سريع بعكس وانت مشغلة
ممكن تقولى عربيتك موديل كام والعيب ده بيحصل فى السلانسيه ولا فى كل الأوقات
ابعتى على الأميل amarakl@hotmail.com
انا عندي نفس المشكله في نوبيرا و عايز اعرف فين الايدل ؟؟؟؟
فعلا
الكبير كبير
شكرا استاذ سبعاوى
معنى كدة ان مع RPM العالى والسرعة العالية لما اجى اشيل رجلى من على البنزين البوابة بتغلق تماما وما بيبقاش فيه ضخ بنزين من الرشاشات ؟
طيب والبساتم ال بتتحرك بسرعة دى بيدخلها هواء منين ؟ ده كده هيبقى فيه قوة شفط شديدة جدا داخل المنافولد ؟
يا ريت توضيح اكتر