محتاج مساعدتكم بخصوص الفيرنا 1600 Half option

السلام عليكم

دي أول مشاركة ليا معاكم في الموقع الرائع دا بعد متابعتي له لفترة لحد ما خلاص أخيراً حشتري عربية :D

يا جماعة أنا روحت معرض أسمه الفادي في مكرم عبيد و رحت المصرية في المعادي و لاقيت هناك نوعين أتنين من الفيرنا 1600 CC موديل 2007

و كان النوع الأول هو الfull option و هي كاملة الكماليات والنوع التاني أرخص ب4 أالاف و كانت فيرنا 1600 CC برضو ولكن ناقصة الكماليات..

فهل في فرق جوهري بينهم ؟ بخلاف مثلا الكماليات زي السنتر لوك و الزجاج الكهربائي و كدا...؟

بصراحة أنا معايا 65 فقط يعني يدوب تمن الhalf option لكن خايف أجيبها و تطلع مختلفة عن الأساسية..

الhalf option بتيجي بتكييف و باور و كاسيت cd فقط...


محتاج خبراتكم و نصايحكم و شكراً ليكم مقدماً.

بالنسبة للفروقات انا معرفش بصراحة بس رأى انك تقرص على نفسك و تجيب ال Full option رأى انك مادام حتجيب عربية هاتها Full option و خلاص انت مش حتغير عربية كل يوم :) دة رأى الشخصى

و ربنا يوفقك

و الله يا أستاذ فهد المشكلة إن القرشينات مش مساعدة، كمان في حاجة أنا كنت فاكر سعر الفول أوبشن كدا و على هذا الأساس دبرت حقها.

ياريت لو حد يفيدني في حدوتة الفرق بين الهاف أوبشن والفول أوبشن أكيد حد عنده فكرة عن الموضوع دا...

شكراً ليكم .

ممكن تسأل في غبور نفسه مهندس أيقولك لو في فروق تانية غير الكماليات
و رأيي برده إنك تحاول تجيب الفول أوبشن
إنشاءالله تتفق مع معرض يقسطلك الفرق بدون فوائد

المشكلة يا أستاذ أحمد إني مستعجل عليها، بمعنى أوضح بكرة هروح أدفع تمن العربية لإني محتاجها سريعاً قبل سفري فمحتاج خلال النهاردة أو بكرة الصبح حد يدلني عن الفروقات لإني خايف بتوع معرض المصرية يشتغلوني كعادتهم مع الناس و المشكلة إنه أسرع معرض بيسلم فعشان كدا مضطر أتعامل معاهم ، بعت إيميل لشركة غبور.. تفتكر يردو علياً؟

شكلي متفائل زيادة عن اللزوم مع غبور.. :mrgreen:

السلام عليكم ورحمة الله وبركاتو
واللهى يا استاذ انا لسه جايب فيرنا بقالى شهر ونص وكنت فى نفس الحيرة زيك بالظبط وبردوه استرخصت واشتريت 1600 نصف كماليات وقولت ابقى اكبلها على مهلى
بص يا سيدى المتور والبودى هو هو بتاع 1600 دى ودى مفيش اى حاجة متغيرة التغيير او الفرق فى
1- 4 زجاج كهرباء
2- فتح الشنطة من داخل العربية
3- سنتر لوك
4- عداد ار بى ام
5- ساعة فى الطبلوه
6- استوب خلفى
7- الكاسيت سى دى اما النصف كاسيت شرايط
وممكن يكون فى حاجات انا مش واخد بالى منها بس انا بصراحة بقول يارتنى اشتريت الكاملة علشان كنت عاوز اعمل الزجاج الكهرباء بتاعها فى التوكيل وعارف قالولى كام مش هتصدق قالولى 9 الاف جنيه لتركيب زجاج وغير كده تركيب السنتر لوحدوه عندهم ب175 والانذار ب250 تركيب فقط ولو ركبت بره تطلع من الضمان
فياريت انك تيجى على نفسك شوية ومتغلطتش غلطتى اللى الناس نصحونى وانا متعظتش
وانت ادرى بنفسك وبفلوسك بردوه وانا تحت امرك فى اى استفسار
اخوك تامر

كلام أ / تامر مظبوط 100% و خليك فى الكامله

تنقسم الفرنا الى سته انواع :
1- 1500 فاضيه مانيوال ( فاضية يعنى تسجيل وتكييف فقط ) -- تمنها 63000
2- 1500 فول اوبشن مانيوال ( 4 زجاج كهرباء + فتحة الشنطة من الداخل + ساعة تابلوه + ستوب خلفى + سنتر لوك ) -- تمنها 65000
3- 1500 فول اوبشن اتوماتيك ( 4 زجاج كهرباء + فتحة الشنطة من الداخل + ساعة تابلوه + مرايات كهرباء + ستوب خلفى + سنتر لوك + اربىام + فوانيس شبورة ) -- تمنها 72000
4- 1600 فاضيه مانيوال -- تمنها 64000
5- 1600 فول اوبشن مانيوال -- تمنها 66000
6- 1600 فول اوبشن اتوماتيك -- تمنها 73000

وعلى فكرة الاسعار دى زادت حوالى 1000 جنيه :wink: :?

The M/T GLS model has the following:

- 4 electric windows
- electric antenna
- central lock with remote control
- alarm with engine-lock function (the engine won't start unless the car was unlocked using the remote)
- height and lumbar adjustable driver's seat
- 60:40 split folding rear seat with 2 headrests
- body-color side mirrors
- cloth door trim
- dash mounted clock
- RPM gauge
- remote trunk and fuel door release
- a Clarion tape player for the 1.5L model and a CD player for the 1.6L model.
- chrome effect on interior door handles
- i guess 2008 models have electric mirrors too

The automatic model has the following extras:
- electric mirrors
- fog lights
- 14" steel wheels with different wheel covers, instead of the 13" wheels in the M/T models

That's all I can remember for now. And I highly recommend getting the GLS model :wink:

also add tilt-adjustable steering wheel to the list of features of the GLS model

أقنعتوني ياجماعة وبارك الله فيكم، نازل حالاً أدفع المبلغ و معايا الأوراق اللازمة وربنا يسهل.. و هكتبلكم عن تجربتي مع المصرية بعد رجوعي إن شاء الله

و مفيش غير إني هقسط 4 الاف جنيه! ولا يمكن يعملولي ديسكونت رأفة بحالي :mrgreen:

شكراً ليك يا أستاذ هشام على المعلومات الوافرة.. سؤال اخراني معلش.. هي الفول أوبشن بيجي معاها فتحة سقف ولالا ؟

شكراً مقدما ليك .

حاول يبقي تقسيط مباشر مع بنك
عشان متخش في مصاريف إدارية و تأمين إجباري و أوراق

الف مبروك مقدما ان شاء الله :) و الفول اوبشن بدون فتحة سقف.

اقتباس:

---

المشاركة الأصلية كتبت بواسطة r0xer

أقنعتوني ياجماعة وبارك الله فيكم، نازل حالاً أدفع المبلغ و معايا الأوراق اللازمة وربنا يسهل.. و هكتبلكم عن تجربتي مع المصرية بعد رجوعي إن شاء الله

و مفيش غير إني هقسط 4 الاف جنيه! ولا يمكن يعملولي ديسكونت رأفة بحالي :mrgreen:

شكراً ليك يا أستاذ هشام على المعلومات الوافرة.. سؤال اخراني معلش.. هي الفول أوبشن بيجي معاها فتحة سقف ولالا ؟

شكراً مقدما ليك .

---

فتحة سقف !! كمان .. انت متفائل اوى .. الموديل الجديد معاه دى فى دى كمان ياروكسر باشا :wink:

أستاذ أحمد الأنور شكراً لنصيحتك الغالية .

أستاذ pico فعلاً طلعت بدون فتحة سقف و إمبارح دفعت المبلغ المقدم و ربنا يسهل و أستلم كمان يومين .

مهندس محمد فعلا أنا متفائل زيادة والله في مصر كلها عموماً! :D دي أول عربية أجيبها في حياتي من مصر ويمكن عشان كدا متفائل زيادة....

التجربة مع المصرية لحد دلوقتي محترمة جداً، الناس هناك أستقبلوني اروع إستقبال و معاملتهم كانت لطيفة، صحيح العربية بقت ب70 مش ب69 و دا خلاني كنت هطلع عفاريتي عليهم لكن فضلو يحلفولي ميت يمين إن تمنها غلي في اليومين دول!

في ميزة يمكن مش موجودة في معارض تانية و هي هداياهم

منها مثلا تلفزيون 14 بوصة و طقم فرش و طقم غطا و اعتقد مدلية عربية كمان او حاجة كدا!

المهندس اللي أستقبلني أسمه شريف، راجل محترم و تحس إنه عايز يرضيك بأي شكل.

دا لحد دلوقتي طبعاً... لسة لما أشوف هيصدقو في ميعاد التسليم ولالا؟

و هطلعكم بالتطورات...

وشكراً ليكم جميعا و الله يبارك فيكم

ربنا يوفقك يا باشا و مبروووووك مقدما

أحب بس اكمل نصايحي و ياريت مبقاش سخيف
في خلال رحلة جمع معلومات عن الفيرنا 1600 قبل ما اشتريها
سألت كتير عنها و معظم الناس اللي عرفنها كويس مش اشاعات بيقولوا عليها عربية زي الفل
بس ناس من داخل غبور ، قاللولي العربية زي الفل و مفهاش أي مشاكل
بس أول مابتسلتمها بيبقي فيها شوية حاجات بسيطة بتضبط في الصيانة و الضمان
فحضرتك إنشاء الله أول ماتسلتمها تخلي بالك من كل حاجة و ماتسكتش علي حاجة خصوصا أول 5000 كم ـ أول بأول تسجل ملاحظاتك و تابعهم عشان يعملوها

الله يبارك فيك يا أستاذ فهد .

أستاذ أحمد تأكد إن كل ملاحظاتك محل تقدير و إهتمام و ياريت تديلنا منها كتير... فعلاً كلامك مظبوط 100% و دا نفس اللي إتقالي! و من ضمن المشكلات اللي بتتحل في التوكيل هي ظبت الزوايا اللي فيه حاجة غلط في العربية في معظم العربيات.. و إتقالي إن دي تتظبت في صيانة ال1000 كيلو و مجاناً.

و الله أعلم

شكراً لردك .

بص حضرتك أنا عندي معلومة من كارتك
إن في مشكلة عامة في جنوط الفيرنا عشان هيا محلي
الأول في كارتك قعدوا يقوللي ميل الطريق و الكاوتش طبع علي زوايا غلط و عملولي ضبط وترصيص مرتين
و الحمد لله الحدفة بسيطة جدا س انا ماسكتش :D :D :D
و دلوقتي بغير الجنوط من غبور نفسه عشان كارتك معندهمش و ادوني جواب تحويل لأبو رواش بدون إنتظار
مستني بس الجنوط توصلهم من المصنع
عموما ماتقلقش حاجات بسيطة كلها
انا كنت بحكي لواحد صاحبي قاللي إنه كان عنده في الكيا سبكترا التجميع المحلي برده مشكلة حدف برده و ما ضبطتش غير لما غير كاوتش المصنع بكاوتش مستورد نضيف

اخر ملحوظة تخلي بالك و انتا بتستلم العربية تتأكد من وجود كتيب الضمان و ضمان الكاسيت و البطارية و وجود الولاعة
و طبعا الإستبن و الكريك و كيس العدة
عشان للأسف أنا نسيت كيس العدة الأول ماهتمتش قولته ده مفك بعشرة جنيه ، المشكلة إن كيس العدة فيه ملف الكريك يعني الكريك كمان اصبح مالوش لازمة

و أخيرا! يتصل المسؤول ليخبرني بأن العربية جاهزة.. و أقدر أستلمها ولكن للأسف اللون مش موجود و أستنى 15يوم لو عايزه!

المهم طبعاً لاقيت إن الألوان الموجودة عنده حالياً عجباني أساسا والحمد لله وكان نفسي في لون منهم،و هو الرمادي، طبعا مش بعرف في الألوان العربي كويس " مش فشخرة بس دي الحقيقة" فسألته هل هو الgrey ? فقالي أيوا.. قلتله على البركة.

بكرة إن شاء الله هستلم، و هتبع ملاحظات الأستاذ أحمد أنور و ربنا يكرم.

سؤال أخراني ياريت حد يجاوبني عليه لو أتسحر وسهران زي :D ، هل لو أستنيت ال15 يوم ممكن أستلم فيرنا 2008؟ ولا ايه رأيكم؟ و لا عصفور في اليد ولا عشرة على الشجر و ممكن يغلو سعرها؟

و شكراً ليكم كلكم يارب وربنا يباركلكم .

لا يا سيدى متستناش وبعد كده هيقوللك انها غلت

انت اتكل على الله وصلى صلاة استخارة والله الموفق