صوت تكة مع الدبرياج

**wezo122** · 15-04-2009 04:26 AM

انا عندى مشكلة هتجننى وهى انى لما بدوس دبرياج والعربية واقفة بتعمل تكة بعدين لما اجى اطلع بتعمل صوت التكة برضه او صوت زى رزعة كدا الميكانيكى شافها قالى دى كرونة الفتيس فيها بوش ولما نزلنا تحت العربية العمود الى خارج من كارتيرة الفتيس تحس انو مش مربوط كويس بيتهز وقالى مالهاش حل غير انها تتغير بفتيس استيراد ب 700 جنيه
ارجو معرفة اذا كان هذا الكلام صح وهل الفتيس الأستيراد كويس وبيعمل كام ومنين واسف على الاطالة

يرجى من العضو اختيار عنوان مناسب لموضوعة

مشرف القسم

**memoo305** · 20-04-2009 01:05 PM

نفس الموضوع عندي والميكانيكي قلي نفس الكلام.بس انا تعايشت مع المشكلة

**mohamedsabry** · 13-08-2009 04:57 PM

عندى نفس الموضوع و لم اسأل احد برجاء الافادة فى اسرع وقت

**mohsen** · 13-08-2009 05:07 PM

ممكن لو سمحتوا

كل واحد عنده المشكلة دى يقول عربيته عاملة كام الف كم

**mohamedsabry** · 13-08-2009 05:15 PM

لانوس2003 عاملة 60 الف كيلو

**mohamedsabry** · 13-08-2009 05:29 PM

عندى مشكلة اخرى التكيف تبريدة ممتاز و الحمدللة و لكن بعد 30 دقيقة تقريبا التبريد يقل و كأن الهواء بدأيضعف و لاحظت بعد فتح الكبوت من عند صدر السيارة من داحل الكبوت الماسورة الى داخلة الى الثلاجة تقريبا عليها ثلج بيضاء و بفصل التكيف بدأ يذوب بلغنى بتاع التكيف ان هناك حساس تحت الكمبروسر المتحكم فى ان التكيف يفصل لا يعمل و لابد من تغييرة وطبعا لابد من شحنة فريون بعدها و قال السعر الحساس110 و الفريون 120 و سيتم فك الثلاجة لتنظيفها ارجو الافادة من ذوى الخبرة

**mohamedsabry** · 13-08-2009 07:37 PM

برجاء الرد عليا فى موضوع التكيف بسرعة

**samirayad** · 13-08-2009 08:07 PM

أنا حاسس أن بتاع التكييف ده كلامه مش مظبوط عن الحساس بتاع ضغط الفريون
والمشكله عندك يا أستاذ : محمد فى بلف الأكسبنشن اللى قبل مبخر التكييف ......
مسدود شويه وبيحجز فريون كتير .....قبل مدخل المبخر وبكده بيقل دوران الفريون فى الدايره
وعلشان الفريون بياخد حراره من اللى حواليه بيحصل عندك الكلام ده

و لاحظت بعد فتح الكبوت من عند صدر السيارة من داحل الكبوت الماسورة الى داخلة الى الثلاجة تقريبا عليها ثلج بيضاء

**samirayad** · 13-08-2009 08:30 PM

مش الماسوره اللى بيتكون عليها الثلج
هى اللى بتناظر الخط الأحمر اللى داخل على بلف الأكسبنشن فى المخطط ده expansion valve

**mohamedsabry** · 13-08-2009 08:56 PM

اية الحل يا بشمهندس سميره هل هذا البلف باظ ولا محتاج تنظيف فقط و هل الثلاجة لو عليها اتربة و مكتومة ممكن تكون سبب ايضا ولا هو تغيير للبلف والثلاجة لو تم فكها خارج السيارة و تنظيفها و تركيبها ستعود كما كانت الفريكة وشكرا للاهتمام