ارجو منكم النصيحة

**Hamlet** · 21-09-2007 01:01 PM

hasamonthy باشا
للاسف كلام Payoo مظبوط فشركات السيارات الكبيرة مع البنوك بيحجزوا مقدما من التوكيل
كل العربيات اللى عليها طلب مثل الينترا مثلا و غيرها و اذا حاولت تشترى من التوكيل سيقال لك التسليم بعد 3 او 4 شهور و اذا صدقتهم و دفعت مقدم حجز ممكن تنتظر سنه بحالها !
و الاغرب ان معارض السيارات الكبرى مثل المصرية ترفض تماما البيع كاش ولازم و حتما تشترى
بالتقسيط و عجبى عليكى يا مصر ! يعنى فلوسك كاملة فى جيبك لكن لازم يدفعوك فوايد لمزيد من الربح ! جشع و شغل مافيا !!

**ahmed1981** · 21-09-2007 05:56 PM

المشاركة الأصلية كتبت بواسطة Hamlet

و الاغرب ان معارض السيارات الكبرى مثل المصرية ترفض تماما البيع كاش ولازم و حتما تشترى
بالتقسيط و عجبى عليكى يا مصر ! يعنى فلوسك كاملة فى جيبك لكن لازم يدفعوك فوايد لمزيد من الربح ! جشع و شغل مافيا !!

أنا مرة رحت توكيل المصرية في مصر الجديدة وسألت على عربية
قالي هتيجي بعد يومين
وأنا ماشي المبيعات قالي باين عليك مش بتاع فوايد وتقسيط
إحنا هنا في مصرية بنبيع تقسيط إجباري فلو إنت عايز كاش ريح نفسك ووفر المشوار :!: :!: :!:

قلتله شكراً جزيلاً!!!!!!!!!!!!!

**temoo_110** · 21-09-2007 06:49 PM

اقولك ليه هو عاوز يبيع تقسيط
لانه اولا بياخد نسبة من الفؤائد بتاعت البنك
ثانيا لما انت بتشترى تقسيط لازم تامن عليها وهما فى المصرية بيتعملو مع شركة تامين واحد مش بيغيروها ولو قولتلهم هامن انا يقولولك لا لانهم بردوه بياخدوه نسبة من شركة التامين
فهمت ياباشا

**temoo_110** · 21-09-2007 06:51 PM

أه نسيت اقول حاجة فعلا بلد زبالة

**Hamlet** · 21-09-2007 07:10 PM

اى نعم " المصرية " بتكسب من : 1- العميل 2- توكيل السيارات 3- البنك 4 - شركة
التأمين طمع و جشع مالوش حدود و مش حاقول شغل يهود عشان بأ شك
ان اليهود فى اسرائيل نفسها يعملوا كده فى مواطنيهم

عرفتم ازاى شركة زى ده بتدفع ملايين شهريا فى الاعلانات ؟ .. كله على حساب صاخب المخل .. و ابن صاخب المخل .. و ( مرات ) صاخب المخل ...
و عرفتم ليه اسعار السيارات فى مصر الفقيرة اغلى من الدول الغنية ؟؟ و عرفتم ليه الحرب الشعواء للحصول على توكيلات السيارات و الضرب تحت الحزام و ادخال االبعض السجون ؟

**Hamlet** · 21-09-2007 07:17 PM

على فكرة كمان كل الاسعار اللى بينشروها فى الاعلانات ده غير صحيحة و ضحك على الدقون لاستدراج الزبون للمعرض و بعدين يكروته بأ كلام ..

**PAYOO** · 21-09-2007 07:34 PM

المشاركة الأصلية كتبت بواسطة temoo_110

أه نسيت اقول حاجة فعلا بلد زبالة

أكيد طبعا أنت مش قصدك البلد كلها إللي بيمثلها أنت وأنا و والدك ووالدي وعيلتك وعيلتي أنت أكيد تقصد المعارض إللي بتغش وتضلل الناس
ولا أيه ؟

وعلى فكرة يا جماعه مش معرض المصرية للسيارات بس إللي بيعمل كده صدقوني كل المعارض بقت كده خلاص

**Hamlet** · 21-09-2007 07:59 PM

اكيد طبعا فى مصر بتاعدة " دول " .. و مصر بتاعة " دولهم " .. و مصر بتاعة " دوكهم " .. وكلنا فاهمين ...على فكرة انا هاملت ... لكن مصرى .. لا انجليزى .. و لا امير دنماركى :D :D
و الموضوع ليس شخصى و لا يتعلق بالمصرية بالذات فكثير من شركات السيارات تقوم بذلك.. انا بتكلم على System او نظام كامل يقوم على محاولة الاستغلال و خداع الزبون و تحقيق فقط اكبر ربح ممكن .. فحتى الرأسمالية فى الغرب لها قوانين واضحة و تتعامل بشرف و تعمل على كسب الزبون على المدى البعيد و ليس مص دمه على طريقة ملعون الذكر دراكيولا !!![/b]

**temoo_110** · 22-09-2007 01:14 AM

واللهى يا استاذ هانى انا لما بقول بلد زبالة مش بقصد الناس كلها
انا بس قصدى الجشع وعدم المبدأ والسرقة اللى عينى عينك وعدم وجود ضمير وعدم وجود خوف من الله
كل التجار والمستثمرين عاوزين يكسبو باى طريقة ممكنة والشعب الغلبان ده يموت مش مهم وده اللى احنا شايفينو دلوقتى
كفاية انه حتى مفيش مرقبة من الحكومة من اللى بيحصل وكله عايش فى مولد صاحبوه غايب

**ahmed1981** · 22-09-2007 01:19 AM

المشاركة الأصلية كتبت بواسطة Hamlet

فحتى الرأسمالية فى الغرب لها قوانين واضحة

طيب لو الواحد عايز يشتري كاش
يعمل إيه
السوق محتكر ومقسم بالإحتكار بين مجموعة من البشر الواصلين يفعلون ما يشاؤون
والقوانين والجمارك والضرائب تفصل على مقاساتهم
ولنا الله وكفى بالله وكيلاً

الموضوع: ارجو منكم النصيحة

LinkBack

أدوات الموضوع

عرض

Re: مافيييييييييييا !ا -

-

-

-

Re: طبعا -

المواضيع المتشابهه

محتاج النصيحة منكم

محتار ياجماعة وعاوز النصيحة منكم

مشكلة واتدخلت فييها وعايز النصيحة منكم

ارجو منكم مساعدتي

عضو جديد في رابطة الفورد ومحتاج منكم النصيحة.

الكلمات الدلالية لهذا الموضوع

المفضلات

المفضلات

ضوابط المشاركة