الموضوع: مجرد ملاحظة .....

و عليكم السلام و رحمة الله و بركاته

فعلا ملاحظتك فى محلها وده فعلا خطأ يقع فيه البعض و أرجوا من جميع الأعضاء أن يتحلوا بسعة الصدر فى تلقى المشاركات فهدف المنتدى هو الحوار الحضارى العاقل وليس إثبات أن عربيتى أحلى من عربيتك أو عربيتى أسرع أو أو أو الكلام إللى كلنا بيشوف أطفال إبتدائى بيعمله ده المفرود إن إحنا أكبر من كده و أى نقاش لازم يتحلى بروح أسرية كما تعودنا من كل الأعضاء لكن جو الشد و الجذب ده مرفوض شكلا و موضوعا و أكيد محدش فينا هايكسب أو يخسر لما يقول أنا عربيتى فيها مميزات كذا و عيوب كذا لكن إللى مسبب مشاكل إن كل واحد بيقيس المميزات و العيوب من خلال تجاربه الشخصية و فقط و التى من الممكن أوى تكون غير كافيه و لو فكرنا حبه بس هانلاقى إن إحنا بتغير آرئنا من وقت لآخر لاغير خبراتنا و لو ده مش بيحصل يبقى فى خلل عند الشخص الذى رأيه لا يتغير مع مرور الوقت و إكتساب الخبرات

مش عييب أبدا إنى أكون إشتريت عربية و بعد ما دفعت فيها كل إللى حيلتى إكتشفت إنها مش أد كده أفضل أكابر و أقول بس و أصل ده عييب كبير أوى لكن لو قولت و وعيت من حولى بالخطأ إللى أنا وقعته ده مع إنتشار خبراتنا دى و كل واحد يقول خبراته الكويسة و الوحشة أكيد ده هايجبر الشركات إنها تحسن من نفسها لسبــــــــــــــــــب واحد : "لما يكون المستهلك عنده الوعى الكافى ذى المستهلك الأوروبى أو الأمريكى ده بيجبر الشركات إن تقدم منتج محترم لأن المستهلك مش هايشترى غير المنتج الجيد" :arrow: :arrow: :arrow:

للاسف يا استاذ سبكى ان الموضوع دة مش فى المنتدى بس, دة فى كل حتة فى مصر سواء فى الشارع او فى الشغل او او او... الخ
يا ريت كل واحد فينا يبقى متسامح اكتر من كدة ويبقى عنده سعة صدر اكتر من كدة ولو انى عارف ان ضغوط الحياة بتعمل اكتر من كدة فى الناس بس هنقول ايه بقة, الحمدلله على كل شىء ولنبدأ بأنفسنا.