استلمت النيو سيراتو

**Karim_Monir** · 23-04-2009 01:08 PM

المشاركة الأصلية كتبت بواسطة Eman80

السلام عليكم اعضاء نايل موتورز المنتدى الرائع اخير حاجه.
الحمد لله انا استلمت النيو سيراتو يوم الجمعه اللي فاتت من المعرض (ياسن اللي في روكسي) اللون النبيتي SX من غير فتحة سقف.
والحمد لله رخصتها على طول في المرور اللي في شيراتون والنمر الحمدلله متلعتش شتيمه

ز
و انا عاوزه اشكر كل الناس اللي في نايل موتورز عامة واللي في قسم كيا خاصة على المعلومات المفيده اللي انا استفدت منها في اختيار العربيه و عرفيتني كتيييير عن العربيات و الصيانه والحجات الخفيفه اللي الواحد ممكن يعملها في العربيه, خصوصا انتو عافين البنات و علاقتها بالعربيات

عموما لو حد عاوز يسالني على اي حاجه فيها يبعت ويارب اعرف ارد واكون فهمت في العربيه شويه

اولا الف مبروك على العربية وربنا يباركلك فيها وصدقيني الناس اللي في نايل موتورز اكتر حاجة تسعدهم ان حد زيك يعرف ياخد قرار صح ويشتري حاجة كويسة بعيد عن هبل التجار والاعلانات الخايبة اللي ملت دماغ الناس

فين اللفة بتاعتي بقى انا مش متنازل عن لفتى بس بعد التليين

**ahmed_su** · 23-04-2009 03:00 PM

المشاركة الأصلية كتبت بواسطة Eman80

والله ياجماعه انا مش نسياكو خاااالص و حقول على كل حاجه

بالنسبه للعفشه ناشفه شويه بس العربيه ثابته جدا الحمد لله.

بالنسبه للتكيف رائع جدا وبتلج العربيه حتى اللي قاعد ورا وصلو التكيف وانا كنت قاعده ورا وكنت مبسوطه اوي. بس في حاجه بصراحه عاوزه اقول عليها سهعات بحس ان التكيف بياثر على سحب العربيه إن شاء الله لما اروح التوكيل حسالهم واعرف

بس في حاجه مش عجباني انهم كانوا بيقولو ان الازاز غامق وانا مش حاسه كدا شايفه انو عادي جدا.

اى تكيف لازم يبقى فيه تأثير على سحب العربية بنسب

متفاوتة حسب قدرة المحرك وده طبيعى جدا

الزجاج فيها ملون بس بدرجة تلوين خفيفة فعلا وممكن تتأكدى من المعلومة دى

من خلال ورقة مكتوبة شوفى نصفها من خلف زجاج الشباك والنصف الاخر

مباشرة بدون الزجاج هتلاحظى انه ملون فعلا وخاصة فى الشمس.

مبروك مرة تانية.