السلام عليكم
ياريت احد الفنيين يشرح لي ببساطة كيفية استخدام الجير الاتوماتيك لاني اول مرة استخدمه لما استلم السيارة الجديدة بعد اسبوع ان شاء الله
عرض للطباعة
السلام عليكم
ياريت احد الفنيين يشرح لي ببساطة كيفية استخدام الجير الاتوماتيك لاني اول مرة استخدمه لما استلم السيارة الجديدة بعد اسبوع ان شاء الله
عربيتك نوعها ايه ؟
علشان نعرف هو ايزي ترونك والا تيب ترونيك والا cvt.والا اتوماتيك عادي ؟
العربية نوعها بروتون برسونا
ارجو الافادة لوسمحتم
بص يا باشا التعامل سهل جدا
انت علشان تنقل ما بين اى حاجة من دول D , P , R , N لازم تدوس فرامل يعنى علشان تنقل من N ل R لازم تدوس فرامل
لكن لو عاوز تسقط من D ل 2 او 3 مثلا يبقى مش لازم تدوس فرامل و كذالك لو عاوز ترجع لل D من 2 مثلا
ال 1 و 2 و 3 دول حيخلوك اكنك بتسقط نقلة فى المانيوال يعنى مثلا انت بتشد و قاعد تعمل فى كيك داون و لما تسيب رجلك الفتيس بينقل للنقلة الأعلى و بعدين تقوم دايس و هوة يقوم مسقط و طبعا بياخد وقت فا ساعتها لو انت السرعة الى انت ماشى عليها ممكن تمشى بيها على النقلة الثانية تقوم جايب على 2 و بكدة عمر الفتيس ما حينقل للتالت و الرابع
المهم ان 1 و 2 و 3 فى حالات الشد فقط و لو بتسوق عادى مش حتحتاجهم
الكيك داون هوة انك تدوس بنزين على الأخر ( و شيل اى دواسة او حاجة تحت الدواسة بتاعت البنزين علشان متعوقهاش و لما تدوس للأخر حتلاقى الفتيس سقط نقلة و ال Rpm ارتفع جامد و لو كملت دوسة حينقل عند 6000 او 6500 تقريبا فا متقلقش
لما تركن و وراك و قدامك حد حاول تسيب الفتيس على N لو عندك المفتاح بيطلع على الوضع N علشان لو انت كنت سايبها على ال P و اتزقت غلط على الفتيس ( انا شخصيا بسيبها علطول على N ) لو المفتاح مبيطلعش يبقى تأكد من انك رافع فرامل اليد
و لو راكن على مطلعاية و المفتاح عندك مش بيطلع غير على P يبقى تجيب الفتيس على N و تشد الهاند بريك و تقوم سايب رجلك من على الفرامل فا العربية حتفرمل بفرامل اليد و ساعتها تقوم دايس فرامل تانى و تجيب P و لما تعوز تطلع تخلى رجلك على الفرامل و تقوم جايب R او D و تقوم منزل فرامل اليد و تمشى عادى
و لو عندك اى استفسار تانى انا موجود
شكرا جزيلا على التوضيح
طيب لو واقف مثلا في إشارة أقف على أي وضع ؟؟
تقف علي p أحسن لان دة معناة أن العربية هتكون متمورة + كأنك شدد فرامل اليد