الموضوع: النترا مانيوال بين الندرة والسعر

الاوبترا للأسف اللى موجودة فى مصر متستاهلش الفلوس اللى هتدفع فيها مع احترامى لاصحابها ومحبيها فى حالة واحدة تبقى الاوبترا الاختيار المثالى اما يغروا شكلها او ينزلوا موديل الماجنوم بتاعها ساعتها هتبقى شكل واداء ومشكلة الثبات بتاعها دية ممكن تتعالج بعدين بجنوط وكاوتش عريض يكون معدل ال grip بتاعه عالى وبرضة هيبتفضل فيها مشكلة الا وهى مشكلة speed limit العربية مابتزيدش فيها السرعة عن 180 بالنسبة للاوبترا و 165 بالنسبة للأفيو اظن ان شركة جينيرال موتورز عاملة كدا لان العربية لو stock وزادت عن السرعة دية مش هيبقى فيه ثبات وهيبقى بتعوم للصبح علشان كدا حطوا speed limit الاوبترا كانت من اوائل الاختيارات اللى قدامنا بس للاسف سمعة جينيرال موتورز جابتها الارض بسبب ان مواتيرها مبنية على مواتير وعفشة النوبيرا والانوس اللى هى مع بعض التعديلات البسيطة ا( انا مبقولش انها وحشة بالعكس مواتيرها التسارع بتاعها ممتاز ممتاز لانها تكنولوجيا المانى ) لكن للأسف مافيهاش ولا معدلات امان ولا ثبات و الكماليات بتاعتها لو اتقارنت بكماليات الالنترا يبقى الالنترا تكسب بالنسبة للسعر ( يارب ميعلوش السعر اكتر من كدا بتوع غبور ) ممكن استنى لحد نزول الالنترا 2008 والسوبارو 2008 السيدان على شهر 1 او 2 بالكتير نظرا لتأخر نزول موديل سوبارو سيدان 2008 لنجاح الموديل الحالى ربنا يستر

بالتوفيق ان شاء الله و تلاقى الالنترا بس ليا استفسار صغير

ومشكلة الثبات بتاعها دية ممكن تتعالج بعدين بجنوط وكاوتش عريض

ممكن اعرف مين اللى قال لحضرتك ان الاوبترا مش ثابته

لكن للأسف مافيهاش ولا معدلات امان ولا ثبات و الكماليات بتاعتها لو اتقارنت بكماليات الالنترا يبقى الالنترا تكسب بالنسبة للسعر

ايه اللى فى الالنترا زياده عن الاوبترا فى معدلات الامان و الثبات و الكماليات
انا عارف طبعا ان الاوبترا مش هتناسبك خالص علشان الشكل و ديه مسألة ازواق بس انا بتكلم فى حقائق مش فى الشكل
شكرا ليك جزيلا و اسف على الاطالة :D :D

انا شفت المانيوال فى اسكندرية خليجى بسعر 101000.00 جنية وبها ايرباج للسائق

ردا على مشاركة الأستاذ hoko_mosha والله حضرتك دة اللى سمعتة عن النوبيرا انها اساسا مبنى عليها الاوبترا ونفس الشاسية ونفس الموتور مع بعض التعديلات فى الموتور واعطاءه اسم جديد اظن ETEC II بعد ماكان ETEC بس وعن تجربة النوبيرا بلا استقرار بعد 130-140 ولا اعرف مالسبب وراء هذا التعويم واثناء بحثى فى المنتديات وجدت تلك الاراء المتعلقة بعدم استقرار الاوبترا ايضا لما تحتوية على شاسية النوبيرا وبصراحة الرأى دة دخل دماغى علشان نفس الشاسية والعفشة لان استقرار اى عربية اظن انو كلو متعلق بالعفشة والشاسية والوزن ,,,, :!:
اما بالنسبة لعوامل الامان فئبات الالنترا غنية عن التعريف استاذ Hossam Mounir كان جايب بيها 200 و فية صورة تثبت ذلك ربنا يحفظو ويحفظهالو من كل شر ودة عنوان الموضوع http://www.nilemotors.net/Forum/viewtopic.php?t=6939
وغير كدا حضرتك بقى لو قارنت ال CRASH TEST بتاع الالنترا وبتاع الاوبترا هتشوف الفرق :shock: ولو حضرتك شفت الاختبار بتاع الافيو مش هتصدق هحاول ادور على الفيديو بتاع الاختبارات واعرضها فى مشاركة هنا
اما بالنسبة للكماليات فمن اسمها يعنى حاجات مكملة وبتبقى موجودة فى الكثير من السيارات لكن اللى بتختلف الجودة فيها يعنى مثلا كل العربيات تقريبا الجديدة بيبقى فيها تكييف بس فية مثلا تكييف عادى ببكر وتكييف تاتش اتوماتيك اهم حاجة بتبقى فى الكماليات جودة التصنيع والخامات FIT AND FINISH ودية بدون نقاش لصالح الالنترا
اما بالنسبة للعربية فهى حضرتك تناسبنى :lol: بس بعد مايتركبلها جنوط لان ماشاء الله موتورها العزم بتاعة يتحسد تحفة وبجد حاططها فى المنزلة التانية بعد الالنترا وكنت اأمل انى الاقى هنا منها فى مصر الموديل الماغنوم ودية صورتها :shock: :( http://www.chevrolet.co.in/content_d...in-display.jpg وشكرا لك مرة اخرى على الرد وربنا يكرمك

عربية مناسبة لفئة شبابية 21-30 سنة وتكون كويسة ومناسبة للشد والجرى والثبات والمناورة ياريت يساعدنى وياريت تكون فى حدود ال 100

بصراحه هيا السوبارو

المشاركة الأصلية كتبت بواسطة sameh.acc

لحد نزول الالنترا 2008 والسوبارو 2008 السيدان على شهر 1 او 2 بالكتير نظرا لتأخر نزول موديل سوبارو سيدان 2008 لنجاح الموديل الحالى ربنا يستر

انا لسه مكلم معرض ابو غالي اللي في روكسي من يومين و اكدولي ان الموديل السيدان مش هينزل اصلا مصر.... و الموديل الهاتش باك نازل شهر 11 و مفيش أي معلومه او مؤشر عن السعر

يا باشا انا مش شغال عند منصور شيفورليه علشان اقنعك انك تشترى العربية و لا لأ انما انا بصحح معلومة خطأ عن الاوبترا

والله حضرتك دة اللى سمعتة عن النوبيرا انها اساسا مبنى عليها الاوبترا ونفس الشاسية ونفس الموتور مع بعض التعديلات فى الموتور واعطاءه اسم جديد اظن ETEC II بعد ماكان ETEC بس وعن تجربة النوبيرا بلا استقرار بعد 130-140 ولا اعرف مالسبب وراء هذا التعويم واثناء بحثى فى المنتديات وجدت تلك الاراء المتعلقة بعدم استقرار الاوبترا ايضا لما تحتوية على شاسية النوبيرا

صدقنى يا باشا انا كنت بغرز بيها على 140 كيلو فى الساعة بس مازودتش علشان الكلام ده على الزراعى و انت عارف الزراعى عامل ازاى انما باش مهندس هشام جاب بيها 150 و كان بيشكر جدا فى الثبات بتاعها بعديين يارييت حضرتك تجيبلى الاراء المتعلقة بعدم ثبات الاوبترا فى المنتدى بعديين اللى حضرتك ماتعرفوش ان عفشه العربية ليس ليها علاقة من قريب او من بعيد بعفشة النوبيرا

وغير كدا حضرتك بقى لو قارنت ال CRASH TEST بتاع الالنترا وبتاع الاوبترا هتشوف الفرق ولو حضرتك شفت الاختبار بتاع الافيو مش هتصدق هحاول ادور على الفيديو بتاع الاختبارات واعرضها فى مشاركة هنا

ياريس هو حضرتك بتجيب عربية علشان لا قدر الله تعمل حادثة انا ما بقولش ان الامان مش مهم بس يبقى مثلا الخيار الثالث مثلا بعد جوده التقفيل ( اللى برجوك انك تشوف الاوبترا الاول قبل ما تحكم عليها ) و الموتور مثلا بعديين اش دخل ده بالافيو يعنى مثلا حضرتك تعرف ان النيو اكسنت اخدت 3 نجوم فى الاختبار التصادم يعنى مش نجيب كل الموديلات بتاع الشركة و نقارنه ببعض بعديين حضرتك اللانترا ام 113 الف مافيهاش حاجة من عوامل الامان اكتر من الاوبترا ام 92 الف

اما بالنسبة للكماليات فمن اسمها يعنى حاجات مكملة وبتبقى موجودة فى الكثير من السيارات لكن اللى بتختلف الجودة فيها يعنى مثلا كل العربيات تقريبا الجديدة بيبقى فيها تكييف بس فية مثلا تكييف عادى ببكر وتكييف تاتش اتوماتيك اهم حاجة بتبقى فى الكماليات جودة التصنيع والخامات FIT AND FINISH ودية بدون نقاش لصالح الالنترا

حضرتك اللى كنت بتقول ان كماليات الانترا اكتر من الاوبترا احب اقول لحضرتك ان كماليات الاوبترا اكتر من الالنترا ام 103 الف ان فيها الكاسيت الاصلى فى العربية و حضرتك عارف ثمن الكاسيت ده بكام و الفوج لايت و نور صالون امامى اضافى الكلام ده كله مش موجود فى الانترا ام 103 الف بعديين حضرتك بتقول ان جوده التصنيع بتاع اللانترا بدون نقاش افضل من الاوبترا يارييت حضرتك تشوف الابترا بعديين تحكم اصل مش معنى ان تقفيل الالنترا حلو يبقى تقفيل الاوبترا وحش بعديين التكييف التاتش مش موجود غير فى النترا 113 الف جنيه يعنى بتتكلم فى فئة سعرية تانية خالص

اما بالنسبة للعربية فهى حضرتك تناسبنى بس بعد مايتركبلها جنوط لان ماشاء الله موتورها العزم بتاعة يتحسد تحفة وبجد حاططها فى المنزلة التانية بعد الالنترا

ياريس الانترا افضل بالنسبالك لان شكلها fancier اكتر من الاوبترا بس احب اقولك ان الاوبترا جنوطها 14 مش 15 يعنى لو ركب للاوبترا جنوط 15 سرعتها هتعدى سرعة الالنترا :lol: :lol:
يا باشا الف مبروك مقدما على الانترا و ان شاء اله تلاقيها بس كنت يقولك ممكن تسأل فى المصرية اى فرع تانى ممكن بيبقى مخزينها عندهم حتى و لو فرح فى الاقاليم :D :D :D

والله يا ابو عبدالله كلامك مظبوط السوبارو اكتر واحدة قريبة ومناسبة للفئة الشبابية بس المشكلة كلة عقب على شكلها وقالى اللى هيشوفها اولا مش هيعرف انها دفع رباعى وثانيا مش هيقول انها تمنها يجيب 110 لان الشكل القديم للأسف الفوانيس من ورا شكلها مش ظريف مش متناسقة زى شكلها الفظيع المرعب من قدام فكلو قالى لو شكلها اتغير ونزل شكل جديد يبقى جمعت بين الاتنين ويبقى كلو تمام ,,,
انا لسة والله متصل يا استاذ احمد حسن بتوكيل ابو غالى والكلام دة عن لسانهم ,, الموديل الهاتش باك هتينزل فى حدود شهر ,, والموديل السيدان هينزل شهر يناير لما لاقى الموديل الحالى من الشكل السيدان نجاح كبير فحرام طالما فية طلب علية ينزلوا الجديد دة عن لسانهم والله انا اعجبت بالشكل اللى هينزل بس للاسف اظن السيدان الجديد لو نزل هيعدى ال 115-120 ع الاقل