الموضوع: سؤال في صيانه الجين 2 وتغير الزيت؟؟؟؟؟؟؟؟؟؟

المشاركة الأصلية كتبت بواسطة Mahmoud_Peugeot

ازيكو يارجاله البروتون....
بالنسيه لصيانه الجين 2 ... مكتوب في السرفيس مانيوال بتاعها ان الصيانه بتبقي:
1- 1000 كيلو
2- 5000
3- 10000
4- 20000
وبعد كده كل عشر الاف

بس عز العرب بيعمل صيانه كل 5000 الاف وده انا شايفوا انوا استهبال وخصوصا لو استهلاك العربيه مش كبير وانا من الاسماعيليه يعني حسافر كل
5000 الاف كيلو علشان اعمل صيانه ... كلام مش منتطقي بالمره.

فهل ينفع التزم السرفيس بتاع المانيوال وجيش كل 5000 الاف ولو عملت كده الضمان حيروح عليا؟؟؟
وبالنسبه لزيت الموتور انا عايز احط شيل 10000 مش ال التوتال 5000 الي موجود في التوكيل ( لو موجود ال 1000 توتال ممكن احطه)
فعل ينفع اجيب الزيت معايا من بره وهو يحطهولي ولا لا؟؟؟؟؟
والف شكر يارجاله مقدما

اولا ينفع تعمل صيانة كل عشرة بس من غير قرص وسرعات عالية كتير دة كلام بروتون مش عز فانت حر فى دة
لكن اول 1000 مهمة لازم تتعمل فى ميعادها عشان الضمان
ثانيا ينفع تستعمل شل وتاخد معاك الزيت وشل كويس وعلى ماسمع توتال برضة كويس بس الى عند عز توتال 9000 مش 10000
ربنا يوفق

المشاركة الأصلية كتبت بواسطة khpopo

اولا ينفع تعمل صيانة كل عشرة بس من غير قرص وسرعات عالية كتير دة كلام بروتون مش عز فانت حر فى دة
لكن اول 1000 مهمة لازم تتعمل فى ميعادها عشان الضمان
ثانيا ينفع تستعمل شل وتاخد معاك الزيت وشل كويس وعلى ماسمع توتال برضة كويس بس الى عند عز توتال 9000 مش 10000
ربنا يوفق

بالضبط زى ما أ/خالد اتفضل وقال

حضرتك تفهمهم انك مش من القاهره...ومش فاضى كل 5000 تيجى القاهره

وتجيب الزيت اللى يعجبك وتخليهم يحطوه....

شل الترا 10000 لسة جايبة النهاردة 230 جنية
ربنا يوفق

ثانيا ينفع تستعمل شل وتاخد معاك الزيت وشل كويس وعلى ماسمع توتال برضة كويس بس الى عند عز توتال 9000 مش 10000

هو عز بيغير توتال 9000 كل 5000 كيلو؟؟؟؟
وانا اسمع ان توتال ال 9000 بيعمل 10000 كيلو ذي شل الترا او موبيل 1

والف شكر يارجاله علي الرد السريع

وانا غيرت الزيت في التوكيل وكنت واخد معايا شيل هيليكس 10000 وغيروهولي عادي وهما غيروا الفلتر وطبعا الاجمالي كان 175 جنيه
فلتر 61 جنيه والباقي الضريبه والمصنعيه تخيل

كتير جدا 114 جنيه مصنعيه وضريبه؟؟؟
ده في صيانه ال 1000 ولا ال 5000 وفين؟؟؟ الصحراوي ولا العجوزه