هل تؤيدون السيارات الاسبرنزا كـ"تاكسى" تم لا

**arc_sherif_81** · 07-07-2009 12:17 PM

A516
عليه البيئه و التكيف و الكاسيت مشاكل متكرره
اسعار الصيانات الدوريه غاليه
قطع الغيار غير معمره
عربيه مش بتاعت شغل
غير ان التوكيل زحمه ومقرف و لما تروح فيه هتستني العربيه 7 او 8 ساعات
التوكيل فرع واحد في ابو رواش و الباقي مراكز معتمده و اي مشكله في الضمان لازم تروح الفرع الرئيسي و إلا تصلح علي حسابك
الفرع الرئيسي مفوش حجز يعني تروح من الفجر علشان تحجز دور بدري
صيانه ال 30 الف هتكلف 1700 جنيه
صندوق البيئه ثمنه 1200 جنيه غير المصنعيه

نصيحه العايز يشتريها يروح يوم التوكيل الرئيسي في ابو رواش و يعد الخناقات الهناك بسبب مشاكل العربيه و خلو بالكم في توكيل و في مركز معتمد في ابو رواش و الهيدفع 67 او 68 الف مش خساره ان يضيع يوم هناك علشان يتاكيد و ميندمش بعد كده خصوصا ان لو اشتراها هيضيع بعد كده ايام كتير هناك ده كان في ناس بتيجي لنفس العيب 7 مرات و مبتصلحش بردو

**uioprty** · 07-07-2009 11:11 PM

لاسبرانز كويسة جدا 516 لها معي سنتين لم اضع فيها والله العظيم مسمار تصليح
التحمل ممتاز جدا ..علربية واسعة اوبشن ممتاز لم بحدث اي اعطال

معنديش مشاكل فيها

اما موضوع تاكسي مش عارف التاكسي بيمشي كثير طبعا طول اليوم ؟؟
بس قارن بين الملاكي فيرنا دايو لانوس افيو وملاكي اسبرانزا....ربما الاسبرانزا انجهم

قارن بينهم ملاكي

مش توصية شراء فقط نقل تجربة
وربنا يوفقك

**ahmed1981** · 07-07-2009 11:33 PM

أنا سألت أحد المستفيدين من مشروع تاكسي وزارة المالية
وكان رده أن أفضل سيارة في جميع السيارات المعروضة هي الإسبيرانزا
سعر وكماليات وأوسع من الفيرنا وأوسع من اللانوس
وموتورها أحدث منهم
وسعرها مناسب

على حد تعبيره

لكن أرى المشكلة ستكون في إرتفاع تكلفة الصيانة وقطع الغيار عن اللانوس والفيرنا
لكن اللانوس والفيرنا موديلات قديمة

وعموماً ستبدي لنا الأيام أيهم أفضل