بالواسطة من 5 سنين فقط
عرض للطباعة
بالواسطة من 5 سنين فقط
أناطلعتها بس كنت بسوق من وانا في خامسه ابتدائي علشان كنت في السعوديه والسواقه هناك امر عادي واستعنت بواسطه برده
انا طلعتها من اول مرة من سنة وامتحنت ونجحت من غير واسطة والحمد لله بس الناس اصلاً كانو كويسيين جداً في عين الصيرة والامتحان كان سهل جداً شوية اشارات عبيطة كدة على الماشي يعني من غير كومبيوتر ولا حاجة واختبار السواقة مجرد انك ترجع بضهرك وتركن بين الاقماع وخلاص على كدة
طلعتها بعد ما كملت ال18
باسبوعين
و كنت بسوق و انا عندي 10 سنين عربية بابا البيجو 504
و اول ما اتعلمت جابلي المحروسة نور -الكورسا -
واسطه :)
يبقي انتا اكيد في مصر
انا طلعتها بوسطة بس مش عشان مش بعرف اسوق لأ عشان الزحمة و البهدلة بس
خالى قالى خليكي في البيت و انا هجيبهالك بس انا قلت لأ اروح اتفرج
المهم فضلت قاعدة فى عربية خالى بتاعة الشرطة و مش عايزة ادخل عشان حر بس
الظابط اللى عندنا بتاع مرور المعادي كان اسمه حاجة الجوهرى على ما اتذكر كان عاوز
يشوفنى و يسلم عليه عشان يعني خالى يعرف انه عمل واجب و فعلا رحت مكتبه و
جابلى بيبسي و شيكولاته جالاكسي و قعدنا نتكلم و كان زووووووق جداااااااا
حببنى والله فى عمايل الرخصة و حسيت الموضوع سهل مع الناس كلها كدة
انا بقا كنت ناوي اعمل الرخصه من غير اي وسايط لان اصحابي كلهم طلعهوها وسايط حتي الي مش بيعرفو يسوقو ومش بيشوفو وقررت اعتمد علي نفسي لان كان عندي عربيه خاصه من قبل ماتم ال18 بخمس سنين وزاكرت الاشارات كويس وكنت بسوق كويس ورغم ذلك سقت ثلاث مرات بسبب الزابط بتاع الاشارات ال كان بيسأل اساله متخلفه وتوقفت لمده سنه وفي الاخر عملتها عن طريق الواسطه وقبل كل الناس
ودخلت امتحان الاشارات ونجحت فيه والاغرب ان في امتحان السوقه قاعدت اخمس بالعربيه بين الاقماع ولاظابط قعد يضحك ويسقف ويقول الله ده سويق قوي وتصورت وا اخدت الرخسه اخيرا
انا دخلت على الموضف كلتو قلمين:mad:
واتصورت وخدت الرخصه ومشيت:cool::cool::cool:
:D:D:D:D
بس والله ياجماعه هى دى الحقيقه
انا دخلت اتصورت وخدت الرخص ومشيت:cool::cool::cool:
!!!!!!!!!
هو دا والله كل اللى انا عملتو
:D
بالواسطه بس كنت بسوق بقالي حوالي 3 او 4 سنوات و ساعتها دورت على واسطه جامدة عشان اخلص لأن ساعتها في المرور عندنا مكنوش بيدوا لحد الرخصه غير عن طريق مدرسه المرور
حاجة تحرق الدم يعني يجي واحدة مبتعرفش تسوق نهائياااااااااا و تشترك في المدرسه و طبعا متتعلمش اي حاجة نهائيا في المدرسه و لا يعتمد عليها في السواقه من هنا لأول الشارع و يدوها الرخصه عشان دفعتلهم فلوس المدرسه وواحد بيعرف يسوق و كويس جدا في كل الاختبارات يستحيل ينجحوه