رخصة بالواسطة

**Abdallah** · 06-05-2007 10:30 PM

بالواسطة من 5 سنين فقط

**baher** · 07-05-2007 12:06 AM

أناطلعتها بس كنت بسوق من وانا في خامسه ابتدائي علشان كنت في السعوديه والسواقه هناك امر عادي واستعنت بواسطه برده

**abdelaziz-waleed** · 20-03-2008 01:29 AM

انا طلعتها من اول مرة من سنة وامتحنت ونجحت من غير واسطة والحمد لله بس الناس اصلاً كانو كويسيين جداً في عين الصيرة والامتحان كان سهل جداً شوية اشارات عبيطة كدة على الماشي يعني من غير كومبيوتر ولا حاجة واختبار السواقة مجرد انك ترجع بضهرك وتركن بين الاقماع وخلاص على كدة

**modux** · 20-03-2008 01:58 AM

طلعتها بعد ما كملت ال18
باسبوعين
و كنت بسوق و انا عندي 10 سنين عربية بابا البيجو 504
و اول ما اتعلمت جابلي المحروسة نور -الكورسا -

واسطه :)
يبقي انتا اكيد في مصر

**Noha.M** · 20-03-2008 03:48 AM

انا طلعتها بوسطة بس مش عشان مش بعرف اسوق لأ عشان الزحمة و البهدلة بس

خالى قالى خليكي في البيت و انا هجيبهالك بس انا قلت لأ اروح اتفرج

المهم فضلت قاعدة فى عربية خالى بتاعة الشرطة و مش عايزة ادخل عشان حر بس

الظابط اللى عندنا بتاع مرور المعادي كان اسمه حاجة الجوهرى على ما اتذكر كان عاوز

يشوفنى و يسلم عليه عشان يعني خالى يعرف انه عمل واجب و فعلا رحت مكتبه و

جابلى بيبسي و شيكولاته جالاكسي و قعدنا نتكلم و كان زووووووق جداااااااا

حببنى والله فى عمايل الرخصة و حسيت الموضوع سهل مع الناس كلها كدة

20-03-2008 04:10 AM

المشاركة الأصلية كتبت بواسطة onna

انا طلعتها بوسطة بس مش عشان مش بعرف اسوق لأ عشان الزحمة و البهدلة بس

خالى قالى خليكي في البيت و انا هجيبهالك بس انا قلت لأ اروح اتفرج

المهم فضلت قاعدة فى عربية خالى بتاعة الشرطة و مش عايزة ادخل عشان حر بس

الظابط اللى عندنا بتاع مرور المعادي كان اسمه حاجة الجوهرى على ما اتذكر كان عاوز

يشوفنى و يسلم عليه عشان يعني خالى يعرف انه عمل واجب و فعلا رحت مكتبه و

جابلى بيبسي و شيكولاته جالاكسي و قعدنا نتكلم و كان زووووووق جداااااااا

حببنى والله فى عمايل الرخصة و حسيت الموضوع سهل مع الناس كلها كدة

يااااااااااااااااه يا اونه
بجد كان نفسى اكون عندكم فى المعادى و الظابط يجيبلى شيكولا جلاكسى
هنا فى اسكندريه معندناش ظباط ظراف كده
اتمنى لو ينقلوا عندنا و لو واحد عنده ذوق

انا رخصتى بالفلوس
هى دى مصر برضو ؛؛؛؛؛؛؛

**ahmed hamdi** · 20-03-2008 04:26 AM

انا بقا كنت ناوي اعمل الرخصه من غير اي وسايط لان اصحابي كلهم طلعهوها وسايط حتي الي مش بيعرفو يسوقو ومش بيشوفو وقررت اعتمد علي نفسي لان كان عندي عربيه خاصه من قبل ماتم ال18 بخمس سنين وزاكرت الاشارات كويس وكنت بسوق كويس ورغم ذلك سقت ثلاث مرات بسبب الزابط بتاع الاشارات ال كان بيسأل اساله متخلفه وتوقفت لمده سنه وفي الاخر عملتها عن طريق الواسطه وقبل كل الناس
ودخلت امتحان الاشارات ونجحت فيه والاغرب ان في امتحان السوقه قاعدت اخمس بالعربيه بين الاقماع ولاظابط قعد يضحك ويسقف ويقول الله ده سويق قوي وتصورت وا اخدت الرخسه اخيرا

**Noha.M** · 20-03-2008 05:27 AM

المشاركة الأصلية كتبت بواسطة alsindrella

يااااااااااااااااه يا اونه
بجد كان نفسى اكون عندكم فى المعادى و الظابط يجيبلى شيكولا جلاكسى
هنا فى اسكندريه معندناش ظباط ظراف كده
اتمنى لو ينقلوا عندنا و لو واحد عنده ذوق

انا رخصتى بالفلوس
هى دى مصر برضو ؛؛؛؛؛؛؛

هي دى مصر ياعبلة :D:D:D

بصي الظباط كلهم عينة واحدة بس تفرق لو داخلة و مسنودة على حد !!!

لو مالكيش حد هتلاقي المعاملة زفتيييييييين:D

20-03-2008 05:33 AM

انا دخلت على الموضف كلتو قلمين
واتصورت وخدت الرخصه ومشيت

:D:D:D:D
بس والله ياجماعه هى دى الحقيقه
انا دخلت اتصورت وخدت الرخص ومشيت
!!!!!!!!!
هو دا والله كل اللى انا عملتو
:D

**ابو سيف** · 20-03-2008 05:41 AM

بالواسطه بس كنت بسوق بقالي حوالي 3 او 4 سنوات و ساعتها دورت على واسطه جامدة عشان اخلص لأن ساعتها في المرور عندنا مكنوش بيدوا لحد الرخصه غير عن طريق مدرسه المرور
حاجة تحرق الدم يعني يجي واحدة مبتعرفش تسوق نهائياااااااااا و تشترك في المدرسه و طبعا متتعلمش اي حاجة نهائيا في المدرسه و لا يعتمد عليها في السواقه من هنا لأول الشارع و يدوها الرخصه عشان دفعتلهم فلوس المدرسه وواحد بيعرف يسوق و كويس جدا في كل الاختبارات يستحيل ينجحوه