عندي عربية سكودا فليشيا 97 في الجو البرد بتبءا كويسة جدن في الصيف بتسخن جامد مش عارف أعمل ايه و عندي المروحة سته ريشة ياريت حد يفدني
عرض للطباعة
عندي عربية سكودا فليشيا 97 في الجو البرد بتبءا كويسة جدن في الصيف بتسخن جامد مش عارف أعمل ايه و عندي المروحة سته ريشة ياريت حد يفدني
عندي نفس المشكله لو قرصت علي العربيه لو شغلت التكيف العربيه بتسخن رغم انها كانت 100 100 في الشتاء وروحت سلكت الرداتير والراجل قالي انو مش مسدود وحطيت ماء اخضر بس الراجل بتاع الرداتير قالي ان دا مش الرداتير الاصلي بتاع العربيه وقالي ان ممكن يكون دا السبب بس انا مش عارف في الاخر بقيت امشي براحه ومشغلش التكيف بس نفسي اعرف اه الحل بجد بعيد عن ان انا اشتري رداتير جديد
غالبا سخونة السياره بيكون له عدة اسباب
الريداتير
ممكن يكون مسدود او دورة المياه مش ماشيه عدل ممكن يكون في خرطوم مسدود او مخروم ياريت لو تشيك عليه عند واحد بيفهم
وشوف المواسير مسدوده ولا شغاله تمام + تنضفه في المغسله بالهوا
ممكن يكون من الزيت لان له دور بردوا غير الزيت + فلتر الزيت
والكربيراتير شيك عليه لانه لو مكتوم بيكتم المتور وبيسخن
ده الي انا بعمله لما بيحصل سخونيه
وكله بيبقى تمام
وشيك على كهربة العربيه ييكون في سلك ملمس او فيوز ولا حاجه
وان شاء الله تلاقي كله تمام
و غير كده المروحة سرعتين اتاكد ان السرعة التانيه العالية شغالة
اولا العربية الطبيعي بتعها تحت 90 يعني اقل من النص بشوية يعني لو عليت عن كده يبقي مش طبيعي
ثانيا الترموستات الاصلية بتفتح عن درجة الحرارة دي وتعمل علي تثبتها بحيث متزيدش عن كده ولو زادت تفتح المروحة عشان تثبتها
ثالثا الردياتير الفليشيا في نظري ضعيف لانه حجمة صغير اذا ما قورن بالدايووالهيونداي الي كفاءة التبريد فيهم حقيقة ممتازة بس ردياتير الفليشيا الاصلي الجديد تمنه 470 جنية والصيني 125 وانا مجرب الصيني وهو مش بطال ومفرقش خالص عن الردياتير الاصلي
اعتقد العيب الاساسي في الفليشيا الي يخليها تسخن الترموستات بايظة او بتعلق او الردياتير محتاج تنضيف او مكتوم او في مشكلة المتور نفسة بتخلية يسخن فوق الطبيعي ودي الحلات الشائعة
الحل وانا شفته ومعمول في عربيتي الحقيقة ان الترموستات بتفتح بدري وتقفل وخري اي ان الترموستات بتفتح المروحة عند 85 وتوصلها ل75 بس الحقيقة حل جميل يخليك تنسي موضوع السخونة نهائي حتي مع التكييف
بس ما اعرفش ايه نوع الترموستات دي الصراحة لاني شريها كده وطبعا الفرق واضح لاني عندي عربيتين فليشيا واحدة معمول فيها الموضوع ده والتانية لا وبتسخن بس الصراحة مبتعديش ال 90
بس طبعا المروحة لازم تكون 6 ريشة ونوعها كويس عشان تستحمل كتر التشغيل
انا الصراحة معرفش ايه عيوب النظام ده لاني معملش معايا اي مشاكل حتي الان وبعد مرو عام كامل
لكن ممكن يكون في عيوب في حالة واحدة لو درجة الحرارة المنخفضة هتأثر علي ادائة وده احتمال ضعيف لان بين 70-90 مش كتير وهي بتثبت علي 75 و80 مع التكييف في عزو الحر
وعن تجربة مفيش فرق بين اداء السيارتين نهائي عندي والسخان بيفتح ويقفل في معاده ممكن يطول في الشتاء بس عموما ده طبيعي
العيب التاني كتر تشغيل المروحة ممكن يبوظها ويقصف عمرها بس لو نوع نضيف اكيد هتعمر وطبعا تكلفة مروحة ولا وش سليندر
انا عارف اني طولت بس حقيقي لازم الواحد يعرف االمتور بيسخن من ايه ولازم التأكد من صحة المتور ودرجة حرارتة قبل اللعب في دورة التبريد عشان العربية دي واي عربية بتسخن فوق الطبعي ممكن تجيب وش سليندر
انا عندي كل داه مسلك الداتير ومروحه 6 ريشه وسرعتين وعلي طول علي السرعه التانيه والماء اخضر ومغير طرمبه الميه وجبت الاصلي من التوكيل ومغير سير الكتينه و مغير غطا القربه و الميه مش بتنقص و العربيه بتسخن جدا وبذات مع التكيف بتعدي النص وبتكون المروحه شغاله والعربيه عماله تسخن مش عارف العيب فين
طيب اه في الموتور ممكن يكون سبب في السخونه
تظن ان الراس بتاعت الموتور لو فيها تنقير العربية تسخن انا معايا كومبي 97 بصراخة الحرارة لا تزيد ابدا عن 88 بس حالة الموتور ممتازة وكمات التاكيهات لو مقفولة تسخن الربية زيادة عن اللزوم وعموما لازم تشوف موضوع السخونية لانه خطر
موضوع السخونية فى الفيليشيا عامة موضوع مزمن
طبعا انا معاك ان مشكلة الفليشيا السخونة وانها مزمنة بس ليه في منها بيسخن ومنها لا
طبعا عشان العربية فيها مشكلة بتسخن غيرها وبالتكييف مبيسخنش
انا بقول كده عشان اشجع صاحب الموضوع لان اكيد في مشكلة عنده سواء في دورة التبريد او المتور ومحتاج صيانة مش اكتر
وانا شفت ناس كتير كانت عربيتهم سليمة سواء فليشيا او غيرها وبعد كده ابتدت تسخن مع الاستهلاك وعدم الصيانة بعد كدة صلحوها بتكلفة بسيطة وبقت زي الاول مبتسخنش
انا لية رأي في الموضوع بتاع الفليشيا بالذات ان العربية دي حمالة اسية وعفية واعتمادية وده للاسف بيخلي الناس تعتمد عليها وتهلكها وبعد كدة بتقول بتسخن
صحيح ممكن يكون تصلحها صعب وده راجع لقلة خبرة من الصنايعي مش من العربية وطبعا ده شئ ملموس لينا كلنا ياما رحنا لميكانيكية حمير وممكن يدمرلك الدنيا لكن في قلة محترمة فاهما هي بتعمل ايه
انا اللي اعرفه ان الفيليشيا سرعتين و الفيفوريت سرعه واحده
موضوع السرعتين ده انا كنت بشتغل فيه في عربيات البيجو
و الفكره مثلا
ان السرعه الاولى بتشتغل عند90 فو زاد مثلا ل 100 السرعه التانيه تشتغل لحد ما يوصل ل90 فتشتغل الاولي لحد ما توصل ل80
ده مثال مثلا
لكن معرفش الفيليشيا الترموستات بيشتغل عند كام