طيب يا جماعة والستائر الكبس دى أية ظروفها ممنوعة بردو ولا أية؟؟
http://www.postimage.org/gx1hU7F9.jpg
عرض للطباعة
طيب يا جماعة والستائر الكبس دى أية ظروفها ممنوعة بردو ولا أية؟؟
http://www.postimage.org/gx1hU7F9.jpg
اي حاجة تحجب الرؤية مخالفة بس اهو الستاير الجديدة اللي نازلة بزورار بتطلع دي لو داخل علي كمين ممكن تدوس وتطلع تتقفل ودي انا لسة جايبها وحلوة وشيك
الفاميه بيدي شكل تحفه للعربيه
لكن لما بكون ماشي ورا حد مركب فاميه او ستاير بتخنق منه جدا علشان مش ببقى شايف الى قدامه وحاسس انى ماشى زى الاعمى
انا شخصيا ضد الفاميه
لانه ممكن يساء استخدامه
ليس في مسالة الاداب العامة فقط الا انه ايضا نت حق رجال المرور التحقق من حمولة اي سيارة
فليس من المعقول ان يقوم شخص ما بتحميل السيارة بمواد خطرة او غير قانونية
انا مع وضد الفاميه
بمعنى أنا ضد الفاميه الداكن اللى هو Black و Super black لأسباب كتيره أولها ان اللى سايق بيبقى مش شايف المرايات ودى حاجه خطيييييييره جدا
اما انا مع الفاميه الفاتح اللى هوه Light black و L. light black انا مش شايف فيه اى مشكله اولا العربيه بتبقى واضحه من الداخل ثانيا وده الأهم انا باستفيد من خامه الفاميه اللى هى اصلا عاكسه للحراره
وعلى فكره قانون المرور بيقول ... الزجاج الحاجب للرؤيه ... يعنى المفروض مش كل درجات الزجاج الملون .. بس طبعا أنا مش مسئول عن أى حد يروح لظابط ويقوله الكلام ده علشان حصل معايا والله الفاميه كان فاتح جدا وبرضه قاللى ممنوع كله ممنوع
طيب اقولكم حاجه انا واحد صاحبى كان مفيم فاتح جدا واتمسك فى كمين الضابط سحب الرخصه صاحبى اتحرق دمه قاله ما ضباط الشرطه كلهم مركبين فاميه تخيلوا الظابط قاللوا ايه ... قاللوا علشان دول بيجيبوا **** فى العربيه ...والله العظيم ده حصل صاحبى كان ناوى يطلع على مديريه الأمن يشتكيه
انا بالنسبه لموضوع ان سائق العربيع الخلفيه مش بيشوف من خلال الزجاج الخلفى دى مش مشكله الفاميه دى مشكله اسلوب قياده لن المفروض انا ماشى بينى وبين العربيه اللى قدامى مسافه محترمه اقدر اشوف الطريق منها والا لو دى مشكله الفاميه يبقى هنمنع العربيات النقل والنص نقل والأتوبيسات والميكروباصات والعربيات ال4*4 والفان .... ولا ايه رايكم
اجمد حركة عشان الفامية كانت في عربية إشتريتها من واحد صاحبي كانت بورا و مثبوت علي الرخصي قزاز فامية عشان الفابريكة بتاعها كان ازرق خفيف و هو شال ال 4 قزاز و ركب قزاز جريش فامية أسود ... القزاز نفسة دارك مش ورق .... و بصراحة محدش وقفني غير مرة وحدة و الضابط شاف الرخصة راح باصصلي و مبتسم و ادالي الرخصة
ضد الفامية الغامق الحاجب للرؤيا .
علي حد علمي الفامية المسموح بيه في كل الدنيا بيكون علي الزجاج للكراسي الخلفية بس حتي الفاميه الفبريقة بيكون كده و ممنوع في اي دولة الفاميه علي الزجاج الامامي و الخلفي و للركاب قدام لان يجب التعرف علي سائق العربية في كل الظروف. لكن في المصر الحكومة مانعة كلة عشان لو سابوا مجال في ناس كتير هتتمادي و يعملوا اللي في دماغهم زي ما هو حاصل دلوقتي.
اما موضوع الخصوصية ده فمش عارف اقول اية ازاي خصوصية في الشارع و بالنسبة لموضوع الشمس و الحر في افلام شفافة للغرض ده زي ال V-Cool
مع الفاميه 30% قلبا وقالبا
لذيذ جدا خاصه مع الشمس الحااااااااااااااارقه
طبعا مع التفيم
انا كنت مفيم عربيتى القديمة حوالى من 99:07
واللى بيقول انه بيعيق الرؤية وكده ... مش محتاج اكتر من التعود مانا 3/4 سفرياتى بالليل وكنت بعرف اشوف مرياتى وكله تمام هى مسألة تعود مش اكتر
وطبعا ميزة الخصوصية ميزة مش موجودة ف شارعنا نهائيا يعنى مثلا لو راكب معايا بنت ايا كانت تلاقى شباب مصر كله راكب معايا ف العربية ومثال تانى لو انت نازل تقضى يوم فى اى بلد ساحلى وجالك مزاج تنزل البحر هتغير هدومك فين!!!! لو مفيم هتتعامل براحتك انما لو مش مفيم انا عن نفسى اتكسف اعملها بس شوفت ناس كتير بتعملها
اخر نقطة لو على سؤ الاستخدام اللى عايز يعمل حاجة غلط هيعملها ومش هيهمه الناس وشايف بعينى اكتر من مرة قبل كده عربيات من غير فيميه وبيتعاملوا فيها عادى ومش هوضح اكتر من كده
انا عربيتى فيميه فبريكه ومثبوت فى الرخصه