هنروح للأشكيف

**Dr_Ahmed_Abdelghany** · 16-04-2009 12:25 AM

خلال العمل الطبى نواجه العديد من العقبات التى تمنع الوصول للنتائج المرجوة بسهولة ويسر ، ربما يكون الكثير منها نابع من المعتقدات والسلوكيات الخاطئة والمتوارثة لدى الغالبية العظمى من شعبنا الحبيب...

من هذه التصرفات ما يهدد به الآباء والأمهات الطفل بقولهم "إذا لم تفعل كذا فسنذهب بك للدكتور" أو "سنعطى لك حقنة" ، وشيئا فشيئا يتحول الطبيب ل "عفريت" أو "أشكيف" نخيف به الطفل وتتحول الحقنة التى تحمل بإذن الله الشفاء إلى "فلكة" بشعة للعقاب... ويظهر هذا جليا وقت إجراء الكشف على هؤلاء الأطفال التعساء حيث يصابون بما يشبه الانهيار العصبى عند إدراكهم مقابلة هذا الوحش "الدكتور" واحتمال التعرض لسلاحه الرهيب المؤلم "الحقنة"...

رفقا بالأبناء !!!
لماذا تدمرون العلاقة بين الطبيب ومرضاه وتحولونها لصراع ومعركة وكره؟
هل نفذت كل أسباب التربية بل والتهديد ليتبقى التخويف بالطبيب والعلاج؟

أرجوكم نريد سلاما مع أطفالنا
--------------
من مدونتى - تحت الانشاء

**samoevil911** · 16-04-2009 12:38 AM

يااااااه هو الدكتور بس.. والحلاق.. وهقص ودنك.. وامنا الغولا تاكل عينك.. ومش عاف مين لسانك.. بيفصصوا العيل ..
لا وايه يا باشا بيتفننوا .. مفيش حد ياكل حاجتين .. لأ حاجة واحدة . امنا الغولا ودان بس .. مينفعش عيوون .. تخصصات بقي..
وكل دا ليه ؟؟ نتيجة الساذاجة _اسف)
ونتيجته.. اطفال معقدة .. بتخاف من خيالها .. وبتتكون عندهم عقد من الاشخاص دي.. انا مرة شفت طفل مستخبي تحت سلم عمارة وبيعيط.. بقولوا في ايه يا حبيبي.. قالي ابو رجل مسلوخة بيلف في الشارع ويلم العيال .. قلتلوا مين قالك كدا .. قالي ماما
..
لا تعليق ..

**Dr_Ahmed_Abdelghany** · 16-04-2009 12:46 AM

المشاركة الأصلية كتبت بواسطة samoevil911

يااااااه هو الدكتور بس.. والحلاق.. وهقص ودنك.. وامنا الغولا تاكل عينك.. ومش عاف مين لسانك.. بيفصصوا العيل ..
لا وايه يا باشا بيتفننوا .. مفيش حد ياكل حاجتين .. لأ حاجة واحدة . امنا الغولا ودان بس .. مينفعش عيوون .. تخصصات بقي..
وكل دا ليه ؟؟ نتيجة الساذاجة _اسف)
ونتيجته.. اطفال معقدة .. بتخاف من خيالها .. وبتتكون عندهم عقد من الاشخاص دي.. انا مرة شفت طفل مستخبي تحت سلم عمارة وبيعيط.. بقولوا في ايه يا حبيبي.. قالي ابو رجل مسلوخة بيلف في الشارع ويلم العيال .. قلتلوا مين قالك كدا .. قالي ماما
..
لا تعليق ..

معاك طبعا فى الخيبة القوية والجبن اللى ناس كتيرة اتربت عليه وبتربى عيالها عليه

لكن مع الدكتور بالذات محتاجين علاقة الطفل تبقى حلوة معاه والدكتور يبقى صاحبه وحبيبه وزيارته تبقى فسحة مش علقة وتمويه لحد ما يدخل ويفاجأ بالوحش المفترس هيكشف عليه وياكله

وللا اتفرج على الأطفال وهم بياخدوا الحقن فى الصيدليات .... معركة حربية بمعنى الكلمة بالذات مع الأطفال الأشداء وكل ده لييييييييييييييييييييه!!!

الحوار بين الآباء والأبناء محتاج رؤية وخبرة مش أى كلام

**أبو عبدالله** · 16-04-2009 01:06 AM

انا مرة شفت طفل مستخبي تحت سلم عمارة وبيعيط.. بقولوا في ايه يا حبيبي.. قالي ابو رجل مسلوخة بيلف في الشارع ويلم العيال .. قلتلوا مين قالك كدا .. قالي ماما

هههههههههههههههههههههههه
موتني من الضحك بجد

عارف حلها ايه ساعتها
الواحد يعمل مكياج فعلا ان رجله مسلوخة وشويه تقطيع هدوم
ويطلع لأمه يقولها انت بتخوفي الواد مني ليههههههههههههههههههههههه ههههه

ههههههههههههههههههه
ده حلها فعلا

**Dr_Ahmed_Abdelghany** · 16-04-2009 01:11 AM

المشاركة الأصلية كتبت بواسطة أبو عبدالله

هههههههههههههههههههههههه
موتني من الضحك بجد

عارف حلها ايه ساعتها
الواحد يعمل مكياج فعلا ان رجله مسلوخة وشويه تقطيع هدوم
ويطلع لأمه يقولها انت بتخوفي الواد مني ليههههههههههههههههههههههه ههههه

ههههههههههههههههههه
ده حلها فعلا

هههههههههههههههههههه
طب افرض امه طلعت امنا الغولة؟

**نور القمر** · 16-04-2009 01:23 AM

والله ضحكتني يا ابو عبد الله بس على رأي دكتور احمد لو طلعت امنا الغولة هتعمل ايه :POINTI~2[2]:
ابني كان بيترعب من الدكتور بسبب سماعته السقعه عملت له عقدة
وطبعا الحقنة كدة كدة هايتعقد منها مدام جربها
يعني مش بالضرورة تكون الام سبب خوف الاولاد من الاشكيف ... سوري قصدي الدكتور
بس مرة شوفت دكتور بيدفي السماعه بالاحتكاك قبل ما يحطها على الولد علشان الخضة اللي بتعملها برودتها

اشتريت له طقم عدة الطبيب لعبه علشان يتعود عليها ومبقاش يخاف خلاص

اما عمو الحلاق فبغمي له عينيه لما نعدي من قدامه عشان الموضوع عاجبه اوي ولو عليه نفسه يروح كل يوم يحلق عند عمو الحلاق

**أبو عبدالله** · 16-04-2009 01:35 AM

ساعتها يبقى الواد كان عنده حق انه هربان تحت السلم فعلا

**icehearted girl** · 16-04-2009 01:36 AM

الولاد عندهم حق

الدكترة مرعبين

وغالبا معظم دكترة الاطفال بيكونوا ضخمين جدا

والولد بيكون حجمه صغير يلاقي انسان مضروب في ستة واقف امامه يجرده من ملابسه

ويزعجه بقوله آه

وكله كوم والحقن كوم

والدوا اللي ريحته وحشه

علي راي المثل

خدت اي منك يا بصله ونتي كل قطمة بدمعة

**Dr_Ahmed_Abdelghany** · 16-04-2009 01:55 AM

المشاركة الأصلية كتبت بواسطة iceheartedgirl

الولاد عندهم حق

الدكترة مرعبين

وغالبا معظم دكترة الاطفال بيكونوا ضخمين جدا

والولد بيكون حجمه صغير يلاقي انسان مضروب في ستة واقف امامه يجرده من ملابسه

هههههههههههههههههههههه

عايز الرعب بقى بجد؟
العيال اللى فى المستشفيات لإجراء عمليات و"بتتخطف" من أهاليها علشان ياخدوهم لحجرة العمليات المليانة بالأشخاص المرعبين

فى العمليات الخاصة لازم الأب أو الأم يدخل مع الطفل لحد ما ياخد التخدير...
فى المستشفيات الحكومية الطفل يدخل لوحده!
ويتم أخذ الطفل من أهله بالعافية أو بالتحايل ويدخل لحجرة كبيرة مضيئة مليئة بأغراب يرتدون ملابس غريبة وبعضهم يرتدى أقنعة ويمسك أسلحة..
فى ذهن الطفل هتكون إيه الأوضة دى غير أوضة أشباح؟

فى اعتقادى إن دى بتعمل صدمة وعقدة نفسية أبدية عند الطفل وحلها فى غاية السهولة لكن ... هنا القاهرة!