لانوس 99 مش ناعمة و عصاية الفتيس عايمة!!!

**Mohamed-Saoud** · 16-04-2009 12:27 AM

الموضوع ان أتعرض عليا لانوس 99 و بيتشكر فيها جامد جداااااا

بس لما جربتها (خصوصا اني كنت سايق صني 2005 بره مصر) لاقتها بالمقارنة مش ناعمة في سواقتها + صوت الموتور مع الفتيس مسموع نسبيا (زي العريات القديمة شوية) + عصاية الفتيس لما تحركها و هي واقفة (من غير تعشيق) تلاقيها عايمة و مش ماسكة نفسها.

هل دي يا جماعة أعراض الشيخوخة عموما في اللانوس و لا دي عيوب في العربية دي بالذات؟ و هل ممكن تظبيط الحاجات دي بسهولة؟؟؟؟

على فكرة العربية دي عاملة 90 ألغ كيلو بس...

**dramr** · 16-04-2009 03:59 AM

الصني اكيد انعم من الانوس بس الانوس عربية محترمة . بلنسبة لعصا الفتيس هي مش المفروض تكون عايمة كدة . حضرتك ممكن تشوف عفشجى وغالبا" هى حاجة بسيطة , لو العربية اساسيتها سليمة و نضيفة توكل علي الله . المهم يكون سعرها كويس و الله الموفق

**MMamdouh** · 16-04-2009 04:04 AM

من الوصف المبدائى اللى انت حاسة طبيعى لان مواتير اليابانى انعم من مواتير الدايو

عومان العصاية ممكن يكون بسبب العقربة... و دى قطعة ب 90 جنية تقريبا و تغييرها سهل

MMamdouh

**Shiref_mohamed** · 16-04-2009 02:18 PM

انا كان عندي عصاية الفتيس فضلت عايمة يومين وبعد كده غرقت ودلوقت الله يرحمها

**Mohamed-Saoud** · 17-04-2009 06:17 PM

شكرا يا شباب ربنا يخليكوا... و كمان شكر خاص للمعلم "ممدوح"
هي معروضة على 40 ألف و أساسياتها سليمة جدا .

هي غالبا زي ما قلتوا حاجة بسيطة "و مفيش غرق و لا حاجة :)"

نسيت أقول اني لاحظت انها واطية على الأرض و لازم المطبات البسيطة حتى تتاخد براحة.. أعتقد ده مشترك في جميع اللانوس بس قالوا ممكن تتشد شوية و تعلى عن الأرض.

بس رأيي أنها هي أفضل اختيار للانتقال من ال128 لعالم السيارات الحديثة :) :)

عموما ربنا الموفق و دعواتكم ...