يا جماعة معلش انا بسال اذا كان البيتل بيتباع ليها تيل فرامل جديد و لا مش متوافر ؟ و لو موجود ممكن الاقيه فين و بكام ؟ عشان انا قرفت من الصنايعية اللي بتفتي ..:I_angr1[1]:
عرض للطباعة
يا جماعة معلش انا بسال اذا كان البيتل بيتباع ليها تيل فرامل جديد و لا مش متوافر ؟ و لو موجود ممكن الاقيه فين و بكام ؟ عشان انا قرفت من الصنايعية اللي بتفتي ..:I_angr1[1]:
استاذ احمد ممكن تحكيلنا اية حكاية الفرامل عندك بيحصل فيها اية يمكن افيدك لان اظن انك قولت انك مغير التيل قريب
شكرا علي سرعة ردك يا ابو حميد ...
المشكلة اني كانت الفرامل عندي ضعيفة و بتعمل صوت ... غيرت تيل و خرطت الطنابير ... و المشكلة ما زالت موجودة ... الفرامل ضعيفة اوي . و الصوت موجود .. و الدواسة تقيلة
يا ريت لو تقدر تفيدني .... جزاك الله خيرا
طبعا موجود تيل فرامل جديد بس انت بتاخذه و تركبه بالبرشام على القباقيب اللى عندك و بيبقى استادندر يعنى مقاس واحد و ده ممكن بتعمله لما بتبقى جايب طنابير جديدة لسه و ما خرطتهاش قبل كده
و حتلاقيه موجود عند سيد عويس ( الشركة المحمدية ) بس مش متأكد من سعره لو كلمتهم فى التليفون حايقولوا لك على سعره
والله ما عارف اقولك روح لمين طبعا الى انت بتتعامل معاهم شكلهم كدة كفتجية ومش بيظبطو حاجة وانا قريت النت كتبتة قبل كدة عن حكايتك مع الفرامل فالحاجة الوحيدة الى اقدر افيدك بيها هو انى اقولك على حد ممكن تروحلة جديد متكونش اتعاملت معاة قبل كدة لو تحب ابقى قولى وانا اكتبلك العناوين بس لية متروحش للحج محمد على مع ان كل الشباب بيشكرو فية وانا هكتبلك ان شاء العناوين لو تحب
هو بس فيه حاجه كده عاوز اقولك عليها
ممكن العيب يكون من الماستر مش من التيل برضه حاول تشوف
على فكره انا لسه جاى من عند محمد على علشان كنت بعمل سرفيس كامل بس الفرامل برضه مش عجبانى
المشكله دى حصلت معى قبل كدا فى العربيه المتسوبيشى لانسر روحت غيرت التيل فرامل وبعد ماطلعت من المكان بدوس فرامل لاقتها تقيله ومسكها ضعيف وطبعا اتنرفزت ورجعت للراجل اللى عملها قالى لا شويه وبترجع زى الاول وكان رده كدا لانه مابيفهمش حاجه
عملت كام تليفون لصحابى اللى اتمرمطو فى العربيات طلعه المشكله ان الاستاز الصنايعى مافرغش هوا وكان البريك فيه هوا من جوا فى زيت الفرامل ولما قلت له شوف موضوع الهوا دا وضغطت عليه فتح العجل والتيل وركبهم تانى وخلانى ادوس مرتين تلاته على الفرامل ولاقتها بقت كويسه وبقت تمام
لكن الصوت ده بيرجع لنوع تيل الفرامل اللى راكب فيه انواع بتبقى لسه جديده وبتطلع صوت
وفيه كمان عربيات بتطلع من الوكاله والفرامل بتعمل صوت ودى بتبقى مشكله فىنظام الفرامل كله وحصلت مع واحد صاحبى فى عربيه مرسيدس وكاله
استاذ حسينى لو كنت لقيت ح كويس فى الفرامل قولى لانى داخل على شغلانة فرامل اظن كدة ومش عارف اروح لمين واقول يا مين هههههههههههههههه والله ما فاضى ولا عندى وقت اصلحها
حسينى باشا حبيبى
معلش أنا مقصر معاكم بس إنتو عارفين الظرف اللى انا فيها اليومين دول ( دعواتكم لوالدى بالشفاء ).
و معلش كلنا الظاهر بنتعامل مع ميكانيكية كفتجية و للأسف مابنعرفش اللى مع التجربة
على العموم جرب محمد الأسمر اللى أمام سنترال مصر الجديدة أو على الأمور فى الحرفيين أو حسن اللى فى الحرفيين.
و ربنا معاك و توصل لنتيجة كويسة إن شاء الله
35 جنيه بيبقوا 4 لقم 2 لكل جنب
الماستر العمومي كامل جديد 150 جنيه
0105862411 دي نمرة مجدي الميكاينكي في اول شارع الاربعين وهيظبطهالك إن شاء الله
أحمد باشا عزب
واحشنا و الله
شكراً على ردك و إهتمامك و ياريت تقولنا هى دى كل تكلفة تيل الفرامل ؟ و كمان شارع الأربعين فين بالظبط؟
شكراً
احمد باشا عزب
الف شكر لاهتمامك
وان شاء الله نجرب مجدى ونشوف شغله ويارب يطلع كويس
ساعات بتبقى المشكلة فى نوعية التيل اللى بيركب يعنى ممكن فى فترة من الفترات متلاقيش غير التيل الناشف اللى بيعمل صفارة و اصوات
بيبقى نوع التيل نفسه مفيهوش شوائب معدنية كثير ( و الله اعلم )
الاخوة الافاضل تحياتى لحضراتكم
تيل الفرامل ده مشكله فى بعض انواع تسبب امراض خطيرة ربنا يحفظكم بيكون داخل فية ماده اسبستوس الرخيصة مع بعض الفايبرز المرن وبرادة نحاس مع ملاحظة ان التيل بيكون ملامس للدرام او الديسك تلامس خفيف وطول ما انت ماشى برادته بتتنفسها خاصة ان جو مصر دايما الشباك مفتوح رجاء حد يدرس الموضوع ده منكم
الاخوة الاعزاء تحية طيبة لكم جميعاً
من واقع تجربتي الطويلة المريرة مع الفرامل في البيتل عاوز اوضح بعض الامور
ممكن تروح لمركز متخصص في الفرامل بس الاحتمال الاكبر ان النتيجة غير طيبة
ممكن تروح لميكانيكي بيتل بس المشكلة ان معظمهم معندوش فكرة كاملة عن الفرامل
اهم حاجة انك تكون محدد المشكلة بالظبط من خلال الاعراض الظاهرة في العربية وتروح بيها لحد يكون خبرة في الفرامل بتاعت البيتل
ددي لسته باهم المشاكل التي فابلتني في الفرامل واسبابها
1- العربية بتحدف يمين او شمال مع الضغط علي دوسة الفرامل
:السبب الاساسي ان فيه عجلة بتمسك قبل الاخري فدام او ورا والحدف بيكون في الجهة العكسية من العجلة صاحبة المشكلة يعني لو العربية بتحدف يمين تكون فيه عجلة في الجنب الشمال بتمسك متاخر عن العجلة المقابلة لها في الجنب اليمين.والعكس صحيح.واسباب عدم المسك متعددة مثل ان يكون البستم بتاع العجلة بيرشح زيت وفي هذه الحالة لزم تغير طقم كاوتش البسم (جلاب) 18 جنية الطقم الالماني. وممكن يكون السبب ان هناك هواء في دورة الزيت عند هذه العجلة مما يقلل من قوة الضغط علي البستم "طبعا ضغط الهواء اقل من ضغط زيت الباكم" وويمكن ان يدخل الهواء الي دورة الزيت من اي فتحة فيها مثل الفتحة الموجودة في علبة الزيت في حالة انخفاض الزيت الي مستوي اقل من الفتحة داخل العلبةاو بعد تغير التيل او تغير اي جزء من اجزاء دورة الفرامل
والحل انك تاخد هواء من مسمار الهواء ويستحسن انك تتاكد ان المسمار بحالة جيدة وإلا تروح تعمل مسمار جديد عند الخراط 15 جنيه للمسمار الواحد (في كل عجلة مسمار)
وممكن يكون السبب قي الحدفة ان هناك تيل مكسور في عجلةدون الباقين وبيكون السبب ان التيل صلب اكثر من اللزم وينصح بالتيل الالماني وليس المصري او التركي
وممكن العربية تحدف بسبب ان هناك خرطوم من الخراطيم الموصلة للزيت مخروم او مقطوع او مفكوك وفي هذه الحالة من الملاحظ النقص المستمر في مستوي الزيت بعلبة الزيت (المرجعة الدورية علي العلبة مهمة جداً يمكن اهم من المرجعة علي زيت الماتور)
2- من المعروف ان المستر في البيتل من النوع العادة اي انه بدون سرفو لذا اي مشكلة في المستر تؤثر مباشرة علي ضغظ الزيت في دورة الباكم ومن مشاكل المستر
* خشونة في المستر من الداخل تؤدي الي اعاقة مسار الزيت في المستر (مستر جديد)
*تأكل في جلب المستراو طقم سرفيس للمستر (طقم جديدوتجنب الطقم المضروب وعلي فكرة الطقم بتاع البيجو مقاس 19 الفرنساوي بيركب علي المستر بتاع البيتل والطقم كامل ب15 جنيه)
3- بعد ما تنتهي من تركيب طقم سرفيس للمستر او فك المستر لاي سبب اخر وتجرب الدوسة وتلقيها نشفة جداًيكون السبب عادة ان الصنيعي اللي ربط الصمولة بتاعت المستر قرررط عليها علي الاخر وهذا غير صحيح لازم يكون فيه بوش شوية صغيرة عشان الزيت ياخد ويدي
4-بعد الانتهاء من عمل اي شيء في الفرمل وتلقي الفرامل ما بتمسكش كويس
لازم تاخد هواء بعد ضغط متقطع عنيف (كارك) لمدة لا تقل عن 10 دقائق علي فترتين
بحيث ان البدال ياخد المشوار بتاعه كله يعني تدوس علي الاخر ثم ترفع رجلك خالص من علي البدال وهكذا وبعد الخمس دقائق الاولي ياخد هواء وبعد الفترة الثانية ياخد هواء تاني
(لو مروحتش البيت مش قادرترفع رجلك علي السرير يبقي انت ماخدتش هواء كويس):goofy:
5- الانواع الموجودة في العلب البلاستيك بقت معظمها مضروب ومقلد. العلب المعدنية الكبيرة12جنيه او الصغيرة 7 جنيه افضل. أغلي شوية بس النتيجة مضمونة.
6- عند سماع صوت الصفارة بعد الضغط علي دواسة الفرامل اعرف انك هتغير التيل قريب جداً وإلا انت حربقي.(التيل بقي علي البرشام).
واخيراً لا تتهاون في الفرامل لانها قد تساوي حياة انسان وقد يكون هذا الانسان هو انت او شخص من اسرتك.
حفظكم الله من كل شر.أمين
اسف علي الاطالة للضرورة احكام....سلام:36_1_50[1]: