الموضوع: امتى اعرف ان فيه مشكلة فى البطاحات

أولا السلام عليكم

بصو بأه يا جماعة أنا من كام شهر عملت موضوع عن مشكلة فى عربيتى (سبكترا 2003) و هو تعويمة غريبة كده بتيبان مع العالى و الواطى ال فى الطريق, تلاقى العربية زى ما بتكون بترمى شمال من روا و يمين من قدام (مش فاهم ايه البقولو ده بس ده الكان بيحصل ) المهم مع العفشجى قررنا نغير المساعدين الورا عشان كانت ضايعة, و محل قطع غيار محترم (منه لله) ادانى مساعدين ال KYB بس بعد ما حليت اكتشفت انهم بتوع السيفيا (ده محل فى ميدان الزيتون جنب المركز بتاع هيونداى و العاوز يشترى اى حاجة لكيا بأمانة يروح للجندى و خصوصا ال فى دمشق راجل محترم جدا و أسعاره مناسبة و بينصحك باليفيدك, و حتى لاما احتاجت حاجات اسيراد ودانى لناس تبعه).
المهم بما ان احنا حلينا خلاص اضريت أوسع فى البطاحات الخلفية (و بصراحة انا قلقان لأنى سمعيت الأسطى بيقول لصبيه هوا الخراط حف ليه كتير كده), يعنى المشكلة قليت شويه بس كانت لسه ملحوظة.

المهم بعد شوية شغل فى العفشة الأمامية ملهوش لازمة, توكلت على الله و رحت لمركز الأصدقاء (بعد نزلت كوبرى القبة يمين و انتا متجه للسواح), و بأمانة الناس ديه محترمة و فعلن فاهمين فى الكيا بطريقة غريبة, المشكلة انو بيخاف على سمعته فمش بيقولك صلح لاء بيقول غير كذا و كذا علطول و جيب اصلى, و طبعا حرقيين شوية بس يستهلوا, أنا كنت وعدتهم أعمل موضوع بس بصراحة مفضيدتش من ساعتها خالص (بجهز باه للجواز ان شاء الله).

المهم القنطرة الامامية طلعت واخدة خبطة و بالتالى كان لازم أغير القنطرة و المقصات, و لكن ملقيتش القنطرة جديد رحت جيبت استيراد من الحرفيين, جبت قنطرة و المقص الشمال ال فى اتجاه الخبطة, و رغم قلقهم انهم مش هيغيرا المقص اليمين كمان توكلنا على الله و ركبنا, و طبعا غيروا شوية جلب و بارات السكترا (علبة الدركسيون), و فعلن أول مرة أحس ان العربية الى حد كبير(90 %) اطظبطيت, فعلن العربية قامت على حيلها الحمد لله (العاوز نمرة الجندى أو الأصدقاء أو حتى الراجل بتاع الاستيراد ال فى الحرفيين, بس يأشر) و لولا انى معرفش أعمل تحميل للصور , كان ممكن أعمل scan للكروت بتاعة الناس ديه عنوان و ارقام تليفونات, و مكان ورشة الاصدقاء متحدد عن طريق خريطة ال GPS (و كمان صور القنطرة و مكان الخبطة), كمان هما عرفين ان فيه موضوع اتكتب عنهم قبل كده فى الموقع و لما عرفو انى جى عن طريق الموقع انبسطو, ومتهيألى أى حد هيقولهم انو تبع نايل موتورز هيعملوا معاه واجب, أنا حولت أعملهم Account بس معرفش ليه الموقع مكنش قابل new accounts ساعتها, هما عندهم كمبيوتر و net داخل الورشة, و متهيألى لو حد تقيل من بتوع المنتدى راحلهم ممكن يجندهم , عموما أنا ضربت معاهم صحوبية على قد ماقدر, و أى حد محتاج يروحلهم أنا تحت أمرو أروح و أعرفو عليهم , و نفس الكلام للجندى.

نهاية الموضوع باه و ده بصراحة نسيت أسألهم عليه (خصوصا انى مش عايز أبوظ سمعة العفشجى الاولانى لأنهم سالونى أكتر من مرة على العملى شغل العفشة و انا هربيت من السوأل, و الراجل الأولانى ظبطنى فى الاكسنت بس معرفش ليه شغله فى السبكترا مكنش قد كده):
1- هل توسيع البطاحات ده ممكن يضر
2- امتى أعرف ان البطاحات باظت أو فيها مشكلة
3- فى حالة انى حبيت أغير البطاحات ينفع أركب بطاحات سيفيا خلفى بما ان المساعدين عندى ورا هيا مساعدين السيفيا

ولكم جزيل الشكر

أخوكم أحمد عبد الرحمن