أنا فوجئت بأسعار قطع الغيار المستفزة جداً
وحابب انحنا نتشارك فيها، ولو حد عنده فكرة بتتجاب منين؟ وايه أرخص الأماكن؟
من باب "إسأل ملسوع ولا تسأل تاجر"
عرض للطباعة
أنا فوجئت بأسعار قطع الغيار المستفزة جداً
وحابب انحنا نتشارك فيها، ولو حد عنده فكرة بتتجاب منين؟ وايه أرخص الأماكن؟
من باب "إسأل ملسوع ولا تسأل تاجر"
مشكلتي مع قطع الغيار الآتي:
أولاً: قطع الغيار حتى للموديلات المشهورة جداً Cbr 250 & 400 ساعات بتبقى مش موجودة،، فما بالك بالموديلات اللي مش مشهورة؟؟
ثانياً: لو موجودة تبقى مش أصلية!! حتى في أبسط الحاجات (البوجيهات مثلا)
ثالثاً: لو أصلية وجديدة تبقى غالية نااار ولو مش غالية تبقى مستعملة.. ولو مستعملة تبقى على حسب حالتها وبرده غالية
جيبت طرومبة بنزين مستعملة بس أصلية بـ 400 جنيه بعد الفصال وكانت بـ500 الأول
وجيبت حنفية البنزين بـ 200 جنيه !!!
وجيبت بوجيهات NGK ياباني بـ 130 ما قعدتش شهرين شعلة واحدة
بس لقيت بوجيهات Denso تايلاندي بـ 120 ويمكن أفضل لإنها شعلتين
وكان أخونا ديابلو بيدور على فردة كاوتش أمامي وهوا كمان اترعب من الاسعار
ياريت لو يقولنا جابها ولا لسه ولقاها بكام؟؟
موضوع كويس وشكرا ليك فى انتظار اراء الجميع
السلام عليكم اخوكم ديابلو جه طبعا حكاية الاسعار دى انا اتلسعت كتير منها المهم فى واحد عرفته موجود فى السيدة بيجيب المكن ويقطعه انا اشتريت منه جوان وش السلندر ب 150 الاصلى مستعمل طبعا واخده من مكنة اخت بتاعتى لما روحت سالت عند ناس تانية لقيتها ب 300 جنيه وبالنسية للكاوتش الخلفى اقل سعر للتايوانى لقيتها ب 800 جنيه بس ماشتريتش لانى اكتشفت ان الكاوتش عتدى مش ممسوح بالنسبة لمكن تانى لقيت الكاوتش فيه مفهوش خطوط من كتر المسح ولانى مكنتى خربت بيتى فانا عارضها للبيع نظرا للحالة المادية
لو حد يقدر يفيدنا عن افضل زيت يتحط للمكنة ايه؟؟؟
وهل الموبيل 1 مناسب للريس؟
ولو حطيت موبيل 1 برده أغيره بعد 8000 - 10000؟ ولا أقل؟
أرجو الافادة!!
بوص مفيش حد
جرب زيوت للموتوسيكل زي
افضل شيء
وانا شايفه مناسب
زيت كالتيكس ب 40 جنيه تقريبا
انا بحطه واغيره بعد 1000كيلو
ممكن بعد 2000
بس الافضل انك تغيره كل 1000 عشان تريح الماتور
وصدقني بلاش تجيب موبل وتحوطه وتغيره كل 8000 لان ماتور الموتوسيكل
غير السياره وبيحصل فيه حرق اكتر بكتير ومتنساش ان اغلب
السواقه وانت ماشي بتبقى ماشي بتحرق وطاير يعني مش زي العربيه
الي اغلب الوقت ماشي براحه
سلام
ألف شكر يا Zxr
إجابة شافية وافية ..
طب معلش سؤال كمان..
بلاحظ ان المساعدين الاماميين دايما فيهم زيت والزيت نازل على الجانط والكاوتش وكده.. هيا مش عاملة مشكلة بس مش عارف هل الزيت ده طبيعي كده.. اعتقد لأ..
وهل دا عايز أغير قلب المساعد .. ولو تعرف بكام لمكنة Cbr 400
وشكراً
لا قلب مساعد ولا يحزنون
حتغير الجلدة الي هيا عباره عن غطى للمساعد
تلاقيه انتهى خلاص وعايز يتغير
ويعمله في حدود 50 جنيه الجلدتين هو عباره عن غطى كده
مش عارف اسمه ايه بالمصري اوي بس عند اي اكسسورات
اشتريه وغيره عند اي ميكانيكي مش حياخد وقت واديله 10 جنيه ولا 20 مصنعيه
السلام عليكم
حد يعرف أجيب قطع غيار (كرباتير) سوزوكى يابانى 750 سى سى من أين؟
أو حد يعرف محل إسمه "العفريت" لقطع الغيار اليابانى فين مكانه أو تليفوناته..
وشكراً للمنتدى الرائع
محمد زهران
العفريت في شارع مصر والسودان اللي في حدائق القبه
بالنسبه لنزول زيت من المساعدين الامامين خطر جدا ياجماعه
اولا دا بيسبب ضعف للمساعد وبيؤدي ال تلف البلوف الداخليه للمساعد يعني بعد فتره هاتغير المساعد
ثانيا :تسريب الزيت بينزل تدريجيا علي اجهزه الفرامل الاماميه يعني التيل الامامي بيشرب الزيت وبتالي مش هايبقي في فرامل علي الديسكات الاماميه بمعني انعدام الفرامل والريس اعتماده الكلي علي الفرامل الاماميه
اسباب انهيار زيت المساعد ايه:!!!!!!!!!
1-نقص زيت الهيدرولك الموجود بالمساعد ودا بيؤدي الي تأكل الاجزاء الداخليه زي البلوف وشنابر الكبس يعني هايحصل بوش بالمساعد فيتم التسريب
2-يوجد جيوان كاوتش سميك فبدايه الركبه شبيه ب اويلسيل او (جلده ترابيه)ودا المسمي العاميي له ودا الظاهر فأول المساعد(الجزئ ال بينزل من عنده الزيت).دا عند تمزقه بيدخل نسبه كبيره من الرمل او اتراب فيؤدي الي تمزق ال اويل سيل الداخلي بالمساعد والمسؤول عن مسح الزيت للأسفل عند شغل المساعد اي عدم خروج الزيت من المساعد ودا ال اويل سيل الاساسي ال بيبقي فيه المشكله ودا ببيبقي راكب تحت ال اويلسيل الترابي مباشرا داخل الركبه وعلي المساعد نفسه (الماسوره النيكل)من الداخل
سعر الاويل سيل للركبتين 60 ج من مجدي زيدان دا 400 ولل 250 50ج تقريبا
ومعظم قطع الغيار ياجماعه موجوده عند مجدي زيدان بالنسبه للهوندا
اي استفسار خاص بالهوند انا موجود فالخدمه ياشباب
بالنسبه لنزول زيت من المساعدين الامامين خطر جدا ياجماعه
اولا دا بيسبب ضعف للمساعد وبيؤدي ال تلف البلوف الداخليه للمساعد يعني بعد فتره هاتغير المساعد
ثانيا :تسريب الزيت بينزل تدريجيا علي اجهزه الفرامل الاماميه يعني التيل الامامي بيشرب الزيت وبتالي مش هايبقي في فرامل علي الديسكات الاماميه بمعني انعدام الفرامل والريس اعتماده الكلي علي الفرامل الاماميه
اسباب انهيار زيت المساعد ايه:!!!!!!!!!
1-نقص زيت الهيدرولك الموجود بالمساعد ودا بيؤدي الي تأكل الاجزاء الداخليه زي البلوف وشنابر الكبس يعني هايحصل بوش بالمساعد فيتم التسريب
2-يوجد جيوان كاوتش سميك فبدايه الركبه شبيه ب اويلسيل او (جلده ترابيه)ودا المسمي العاميي له ودا الظاهر فأول المساعد(الجزئ ال بينزل من عنده الزيت).دا عند تمزقه بيدخل نسبه كبيره من الرمل او اتراب فيؤدي الي تمزق ال اويل سيل الداخلي بالمساعد والمسؤول عن مسح الزيت للأسفل عند شغل المساعد اي عدم خروج الزيت من المساعد ودا ال اويل سيل الاساسي ال بيبقي فيه المشكله ودا ببيبقي راكب تحت ال اويلسيل الترابي مباشرا داخل الركبه وعلي المساعد نفسه (الماسوره النيكل)من الداخل
سعر الاويل سيل للركبتين 60 ج من مجدي زيدان دا 400 ولل 250 50ج تقريبا
ومعظم قطع الغيار ياجماعه موجوده عند مجدي زيدان بالنسبه للهوندا
اي استفسار خاص بالهوند انا موجود فالخدمه ياشباب
ألف شكر يا باشا على الإفادة الرائعة دي
هيا فعلا محتاجة لأويل سيلات
السلام عليكم
طيب يا جماعه حد يعرف مرش ال cbr 1100 مودل 1999 ايه؟؟؟ و هو موجود اصلا وال لا؟؟؟
سألت على الأويل سيل عند تامركو قالي 90 ج
وأساسا مش عنده ولسه عايزني استنى اسبوعين
أنا بفكركم بالشعار بتاعنا في الموضوع ده...
"إسأل ملسوع ولا تسأل تاجر"
لو حد عنده أي معلومات أو تجارب بخصوص أسعار قطع الغيار..
ياريت لو يفيدنا جميعاً
انا سمعت عن واحد فى السيد بيجيب مكن ويقطعه يعنى عنده قطع غيار اصليه
لو حد يفدنا ويكون يعرف مكانه فين بالظبت يبكا عمل معانا الصح
افيدونا افادكم الله
هيا ديه مشكلة الموتوسيكل ال 1000 و ال 1100
احيانا ناس بتركنه شهر ولا اكتر بسبب ان مفيش قطع غيار ليه
ولما يزهق يبيعه بتمن قليل
افضل حاجه الواحد يخليه في المتوافر في السوق
انا بحب الموتوسيكلات جدا و نفسى فعلا اجيب واحد بس اللى انا شايفه و بقراه من المنتدى ان الموضوع متعب جدا من حيث الصيانة و قطع الغيار و دى اهم حاجة فى الركوب بصراحة .
و برضه مش عارف فين التوكيلات و ايه دورها فى الصيانة و قطع الغيار ؟؟ ولا منفضين ؟
جيبلك حاجة نضيفة وتكون موديل عالي ونوع مشهور ومتوفر
واعملها صيانة دورية كل شهر أو اتنين
ان شاء الله مش هاتتعب، ومفيش حلاوة من غير نار
لو ريس خليك في الـ Cbr المتينات والربعميات والتسعميات
ولو كاستم خليك في الستيد أو الشادو
اسمه اولسيل مساعدين وزود الزيت بتاع المساعدين وهتبقى زى الفل
السلام عليكم اخوكم ديابلو جه ومعايا اخبار تشيب انا رحت جبت قطع غيار يابانى وانا حاطط ارقام التليفون والى عايز اى حاجة من الابرة للصاروخ يكلمنى
بالنسبة للزيت يا اخ سى ار اكس موبيل تمام بس ده زيت عربيات هتلاقيه خفيف لان العربية بتحرق اقل من الموتوسيكل والى هيحصل كالاتى هتيجب موبيل الغالى الى هوه 10000 كيلو هتغيره بعد 3000 كيلو لان هيتحرق بسرعة وفلوسك هتضيع عليك يبقى من الاحسن تجيب زيت تقيل ورخيص وزى ماقال الاخ زد اكس ار كالتكس هو المناسب لانه رخيص واسال مجرب ولا تسال طبيب
لو سى بى ار خليك فى ال 250 او 400 قطع غيارهم ارخص من ال 900 لو كاستم وكلنا طبعا عارفين محدش بيحب يصرف هات هوندا ريبيل
مع احترامى zxr انت بتقول الكالتك واغيره كل 1000 كيلو ؟... انا بعمل ال 1000 كيلو فى 5 ايام ... اغير انا بقى كل 5 ايام ؟
مهو 1000 كيلو في ناس جايبه الموتوسيكل تتمشى بيه
وتطلع بيه يومين ولا حاجه في الاسبوع بجانب السياره
فا طبيعي حيعمل في اليوم 50 كيلو مثلا
زائد ان متور الموتوسيكل بيفرق عن السياره
انك بتحرق طول ما انت ماشي وبتمشي بسرعه
والاكسلرشن اعلى من السياره فا لو عايز تحافظ على المتور
تغير الزيت بدري لاكن لو مشيك طبيعي خلاص غيره على 1500
او حط موبيل 10000
Diablo bashaمين اللي بتجيب من عنده في السيده .. اسمه ايه يعني ولو معاك رقمه يبقى جزاك الله حيرن
موضوع جميل ويستحق التثبيت
فعلا معلومات مفيدة ومهمة جدا وعاوزين نستفيد أكتر ويا ريت كل واحد بينصح أو يوجه يضيف معلومات كاملة، الإسم والعنوان ورقم التليفون
بسم الله
والله ياجماعة انا مش عارف اقولكم اية
المتوسيكل بتاعى كان فية عيب وهو ان المتوسيكل وهو ساخن بيدور مارش وهو بارد مكنش بيدور الا بالزق . وطبعا الموضوع دة خنقنى رحت للمكانيكى قالى ان المكنة عايزة تغير طقم صباب بصراحة المكانيكى دة ممتاز وعندة دين بس اللى معندهاش دين هى قطع الغيار فى الحقيقة هو جبلى طقم عبارة عن 8 صبابات اصلى جديد بتاع بلادة الصباب الواحد ب 145ج بس بصراحة المكنة ظبطت على الاخر ومعدتش بتاكل بنزين زى الاول وطبعا بتدور فى لمح البصر بصراحة هو الميكانيكى استاز.
انا اسف على الاطالة بس حبيت اشاركم فى الموضوع
وليا سؤال واحد فقط كنت عايز اسال عن معدل استهلاك البنزين للهوند 250 علشان اعرف المكنة كدة طبيعية ولا لا وشكرا,,,,
معلش إنت ماقولتش مين الميكانيكي ده ولا عنوانه، يا ريت بياناته عشان الجميع يستفيد
الميكانيكى دة فى الزقازيق واللى عايز يروح لة انا تحت امره انا اسمى احمد عطية ودة تليفونى 0111827440
السلام عليكم انا اتدبست في ريس بدون ورق و انا ماشي بيه دلوئتي من غير ورق هوا ممكن اطلع للموتوسكل ورق جديد و يبقي بتاعي و بأسمي ارجو الافادة بسرعة و شكرا
الموضوع ده حصل مع واحد صديق بص بدايتك هتكون من المرور الرئيسي صقر قريش حاجه اسمها بيانات جمارك ده لو كان الموتوسكل داخل مصر بطريقه صحيحه هياخد منك رقم شاسيه الدراجه ورقم موتورها ويطلعلك رقم الصادر وهتنزل على جماركها سواء بور سعيد او على حسب ماهايقولك فى المرور توصل برقم الصادر وتعرف بيه الدراجه مسجله بإسم مين ولو عرفت تخد صورة من ورق الجمرك يبقى تمام وهيكون مكتوب فيه اسم المالك الاول روحله واتفاهم معاه ممكن فى الشهر العقارى لو لاقيت حد من ال بيخلصوا الامور ديه يقدر يساعدك يبقى كويس بس هيا الماكينة تستاهل تعب القلب ده كله ... تحياتى
انا أحمد تايسون ملك تعديل الريس طبعا سمعت عني ولو مسمهتش يا معلم يبقا أسمع
أحمد تايسون
يعني ملك تعديل الريس
يعني ملك السواقة في مصر
يعني مفيش حد يقدر يتحداني طبعا
يعني رئيس جمهورية الريس في مصر
يعني أتفرج عليا يا معلم وأحكم أذا كنت الملك ولا لاء
حفلة أستيفن الساحل الشمالي إلي أتوجت فيها ملك مصر
https://www.youtube.com/watch?v=YpjBrzm4F0U
هع هع هع هع هع هع هع هع هع هع هع هع هع هع هع هع هع هع هع
لو بعد ده كله أتجننت في عقلك وحبيت تتحداني أنا موافق من دلوقتي مهما كان
مستواك حتي لو صفر في الميه انا موافق علي التحدي مع تحياتي الملك
للمساعدة في أي شئ الملك في الخدمة ديما تحت أمرك أتصل 01012835463