يا جماعة أنا كنت عايز أشترى ميجان سيدان عادة 2005 و سمعت طبعا حاجات كتير عن الميجان انتوا طبعا أكتر ناس ممكن تفيدونى
ياريت أى واحد معاه ميجان من 2005 و لغاية 2008 يحكيلى بشكل مبسط عن تجربته و المشاكل اللى قابلته و ازاى حلها و اذا كان يعرف ناس بتصلحها بره التوكيل ولا لأ
و ياريت كل واحد يذكر الموديل بشرط ميجان 2 فقط من 2005 و طبعا يذكر عربيته هاتشباك ولا سيدان
حضرتك ممكن تقرا المواضيع دى
فيها كل حاجة محتاجها عن الميجان من أعطال و اسعار قطع الغيار و الصيانة
http://www.nilemotors.net/Nile/showthread.php?t=24062
اقتباس:
المشاركة الأصلية كتبت بواسطة Sharky
تنبيه بمخالفة القاعدة 6 بند ب
ممنوع الكتابة بالفرانكو أراب
الرجاء مراجعة قوانين المنتدى
_________________
مشرف القسم
يا ريت يا شاركى تقولى رأيك الشخصى فى الميجان من خلال تجربتك و مرتاح معاها ولا لأ و الصيانة و الاصلاح بيمثلك عبئ ولا لأ أنا عن نفسى قريت أسعار قطع الغيار قبل ما أكتب الموضوع و لقيتها كويسة أوى المهم رأيك انت فى العربية
فى نقس التوبك فى اراء و تجارب ناس كتير رجاء قراءه الموضيع المثبته بالقسم
كل اللى فى الواضيع المثبتة تجارب شخصية.......يعنى أحنا اللى كاتبينها
أقرا الرابط ده تحديداً
أعطـــــــال الميـــــجان II من مـــلاكهـــا و إصلاحــــها
و معظمنا هتلاقيه كاتب موديل عربيته فى البيانات اللى بتبان جنب أسم العضوية على الشمال.
محمد باشااقتباس:
المشاركة الأصلية كتبت بواسطة Mohamed_Sameh
أنا جربت اللانسر البوما و الكرولا 2004 و الياريس 2007
أكتر سيارة ريحتنى كانت الميجان II
الحمد لله مرتاح جدا منها و ماشفتش منها أى أعطال غير موضوع الكويلات دا فقط و الحمد لله إتحل
و بالنسبة للصيانة و أسعار قطع الغيار زى ما إنت قلت كويسة قوى و تعتبر ممتازة بالنسبة لفئتها و يمكن كمان أقل من سيارات أخرى أقل منها فى الفئة
دا غير إنها نزل منها خلاص قطع غيار أسبانى و تركى و بدات تنتشر فى الحرفيين و شارع دمشق و بعض ملاك الميجان II فى المنتدى جربوا قطع الغيار دى و شكروا فيها جدا
و خلى بالك إن الجيل دا (الميجان II ) أخد سيارة العام فى أوربا و لحد أخر سنة إنتاج له كانت واخدة المركز التامن لأكثر السيارات مبيعا فى أوربا رغم إن كان بقالها 6 سنوات بتنتج و كان معروف إن جيلها الجديد ميجان III على وشك النزول فى الأسواق فأكيد دا مش من فراغ
يعنى من الأخر حتجيب الميجان II و تحافظ على الصيانة الدورية مش حتفكر تبيعها تانى و حتكون مبسوط منها جدا لإنها سيارة الأأمن فى فئتها +الأعلى أوبشن و تكنولوجيا و رفاهية فى فئتها + الأفضل توكيلا فى مصر بسعر ممتاز و غير مبالغ فيه يبقى إنت عايز إيه تانى
يعيبها فقط سعر إعادة البيع فى مصر
الف شكر يا باشا أهو ده الكلام ولا بلاش وبالنسبة للريسيل أنا حشتريها مستعملة فالريسيل بالنسبة لى مش حيفرق و أكتر حاجة فادتنى فى كلامك موضوع الصيانة الدورية أنا قريت أسعارها قبل كده و لقيتها مش غالية أوى لكن أحب أعرف هما عامة بيعملوا ايه فى الصيانة بيغيروا حاجات ولا فقط كشف أنا عارف ان ال60 الف بيغيروا فيها فلاتر طب و الباقى مشكور يا شاركى تعبتك معايااقتباس:
المشاركة الأصلية كتبت بواسطة Sharky
صيانة الـعشرات يتم فيها تغيير الفلاتر و الزيوت و البوجيهات و صيانة 60 الف و 120 الف و ... تسمى بالصيانة الشاملة و يتم تغيير فيها ماتم تم فى صيانة العشرات + السيور و الكاتينة + طلمبة المياهاقتباس:
المشاركة الأصلية كتبت بواسطة Mohamed_Sameh
و صيانة الخمسات بتبقى بدون مقابل طالما عملت صيانة العشرات فى التوكيل و يتم فيها مراجعة ماتم فى صيانة العشرات و الغطمئنا على السيارة
ألف شكر يا شاركى باشا على المعلومات المفيدة و القيمةاقتباس:
المشاركة الأصلية كتبت بواسطة Sharky