نصيحة

**yasermohme** · 16-04-2009 06:38 PM

معايا من 30 : 35 وعاوز أشترى عربية وخبرتى عن العربيات قليله جدا ولسة متعلم سواقة بماذا تنصحوننى

**Drift_Lover** · 16-04-2009 06:55 PM

هيونداي اكسيل - سكودا فيليشيا - سيات ايبيزا
او زود كمان 5 الاف هات دايو لانوس طبعآ...

**ahmedsrs** · 16-04-2009 08:44 PM

هات اى عربية تكون سنة الصنع فيها قريبة عشان تترحم من مشاوير الميكانيكية

**pesho** · 16-04-2009 08:55 PM

هتلك كيا برايد العصفورة حلوة ومناسبة لسعرك

**sayedmsm2** · 17-04-2009 01:27 AM

شاهين بلا تفكير انا عملت كدة لانى لسة متعلم سواقة بصراحة حمالة اسية ولو عايز شاهين واحد صاحبى كان عارض عربيته للبيع

**AshTurbo** · 17-04-2009 02:17 AM

حضرتك ممكن تجيب عربية في حدود 25-28 ألف أولاً السوق نايم وهتلاقي أكثر من عربية حاول أختيار أفضلهم ومتخافش من الفصال وتقول أخدها أحسن تتباع لحد غيري لأ دي مسألة نصيب ولو ليك نصيب هتاخدها مش مشكلة وثانياً دي أول مرة تسوق وبالتالي مغامرة كبيرة يبقى لازم تقلل هامش الخسارة وبالتالي اللي يجي لا قدر الله في 25 مش زي اللي يجي في 35 ...
بعد الشراء بإذن الله تبدأ في توضيبها وتشيل الأجزاء اللي قربت صلاحيتها تنتهي وبدلها بجديد يعني حط ميزانية حوالي 3 الآف هيتبقى عندك 4 الآف جنيه ممكن لو تحب تضيف أي أكسسوارات أو فرش نظيف أو كاسيت جديد براحتك ودة يكون في حدود 3 الآف جنيه هيتبقى معاك ألف جنيه أعزم عائلتك على غدوة محترمة وروحوا سينما وحلو بآيس كريم وروحوا وأنتم مبسوطين ودي بقى مش هأعرف أقدرلك ثمنها .

**tamertamer** · 17-04-2009 02:23 AM

المشاركة الأصلية كتبت بواسطة AshTurbo

حضرتك ممكن تجيب عربية في حدود 25-28 ألف أولاً السوق نايم وهتلاقي أكثر من عربية حاول أختيار أفضلهم ومتخافش من الفصال وتقول أخدها أحسن تتباع لحد غيري لأ دي مسألة نصيب ولو ليك نصيب هتاخدها مش مشكلة وثانياً دي أول مرة تسوق وبالتالي مغامرة كبيرة يبقى لازم تقلل هامش الخسارة وبالتالي اللي يجي لا قدر الله في 25 مش زي اللي يجي في 35 ...
بعد الشراء بإذن الله تبدأ في توضيبها وتشيل الأجزاء اللي قربت صلاحيتها تنتهي وبدلها بجديد يعني حط ميزانية حوالي 3 الآف هيتبقى عندك 4 الآف جنيه ممكن لو تحب تضيف أي أكسسوارات أو فرش نظيف أو كاسيت جديد براحتك ودة يكون في حدود 3 الآف جنيه هيتبقى معاك ألف جنيه أعزم عائلتك على غدوة محترمة وروحوا سينما وحلو بآيس كريم وروحوا وأنتم مبسوطين ودي بقى مش هأعرف أقدرلك ثمنها .

كلامك تمام التمام لازم تحط حوالى من 2 الى 5 الف عشان دية مستعملة فى عربيات كتير دلوقتى رخيصة بس اهتم بالحالة واكشف فى توكيل العربية هما عرفين عربيتهم وهيطلعو فيها كل حاجة وربنا معاك ومبروك مقدما