الموضوع: تحذير من غبور

المشاركة الأصلية كتبت بواسطة memes

على فكره احنا مقتنعين جدا ويمكن اكتر منك ان هيونداى شركه ممتازه بس حضرتك فاهم الوضع غلط احنا معترضين على التوكيل مش الماركه
الماركه كلنا بنعشقها لكن التوكيل ليه تصرفات تتطفش العملاء

مش عارف يا ميمس انتم كلكم اخدين فكره غلط عن التوكيل
الناس فعلا فوق المحترمين في التعامل ويتعاملوا على ان المشكلة مشكلتهم
واخر اتصال برئيس قطاع خدمة العملاء المهندس عاطف لما شكرته على المجهود والمتابعة المستمرة من الشركة كان رد حضرته ان كان في عيب ف ده تقصير من شركة هيونداي
رد رائع من انسان مسئول ومهذب
تحياتي لكم جميعا

المشاركة الأصلية كتبت بواسطة akram2010

توكيل غبور من التوكيلات المحترمه فى بلدك يالحبيب وافضل كثير من غيرة . ولا هو حقد وخلاص يامصرى .

واضح انك ماتعرفش حاجة عن مصر و خاصة توكيل هيونداى فى مصر (غبور) :10D5C8~1107:

ليس معنى ان هيونداى شركة كويسة و أن سيارتها منتشرة فى مكاتب التأجير فى السعودية إن توكيلها فى مصر محترم !

المشاركة الأصلية كتبت بواسطة ezzatfox

استاذ megaman اللى فهمتة ان مشكلتك مع غبور تنحصر فى انهم غلطوا فى كتابة رقم العربية و دة عطللك الترخيص .
على العموم مش دة اللى يخليك تحكم على التوكيل بالشكل دة ، هى صحيح غلطة رخمة من موظف مكسح بس الخطأ وارد فى كل شىء .
و انشاءالله المشكلة كدة كدة محلولة و هتتعامل مع غبور و هتعرف انة مش وحش زى ما بتسمع .
و سيبك من الناس اللى بتخش تسخن و خلاص علشان دول عمرهم ما ركبوا هيونداى او اتعاملوا مع غبور و كل علاقتهم بية علاقة سمعية ( المشكلة ان احنا شعب حافظ مش فاهم ) و هتلاقة مية و احد هيدخل يقولك تغور من وش غبور .

انا باسمع دفاع عن الماركه التعبانه دى باستغرب- ثم غبور ايه وسمعه ايه - انت شغال فى غبور اكيد - او قريبه مثلا- لان مش معقول - ولو راجعت استطلاعات المنتدى عن التوكيلات - يبقى كل اللى ادوا اصواتهم ما ركبوش الست هيونداى - ولا عهاملوا سى غبور ؟؟؟؟؟؟؟

عاوز اوصل رسالة لجميع زوار المنتدى والمشرفين كمان

إذا كان فى حد تضرر من غبور حقيقتاً فطبعاً مفيش حد تضرر من غبور زيى متضررت وبختصار تم حذف موضعين كبار لى فى المنتدى هنا عن غبور ولكن الى فات مات زى مابيقولو

المهم الى حصل فوق ماحد يتخيل ومع احترامى الى بيدافع عن غبور ويقول مشعرف ايه ،،،،، اقدر اقوله فى ناس تضررت جامد اوى فمعلش اعذر الناس دى لأنى حاسس بيهم بجد ومجرب المشاكل الى من النوع ده

و مع كل الى حصل أعتبرت الى حصل معيا ده حادث فردى وإن شاء الله صعب يتكرر مع حد

المميزات الموجدوة الأن:

الإدارة حصل فيها تغيير كبير وتحسن الوضع عن زمان بنسبة كبيرة وملموسة جداً على كل المستويات كفيا إن غبور دلوقتى كل الإنتقادات الى وجهت من الناس و منى شخصيا فعلاً تم معلجتها تماماً فى الموديلات الجديده الى بتنزل دلوقتى وده يخلى الناس ثقتها تزيد فى التوكيل

فى تعاون كبير من كل الموظفين فى غبور فى هذه الفترة لدرجة لا يتصورها الجميع ومجهود بشكرهم بشدة عليه علشان فعلن شفت التوكيل وهوه بيتعامل مع حالات ومشاكل وأخطاء ليست منه ولكن لمراكز خدمة تابعة لغبور بيتحمل نتيجتها لأرضاء العميل وكان بمتابعة شخصية منى.

من ملاحظتى ايضاً ان الإدارة لاتعلم عن كل مايحدث داخل مراكز الخدمة ولاكن عندما تعلم عن حدوث اى ضرر لأحد يتم التعامل مع الموقف والمتابعة لعدم تكرره مرة اخرى

اذا حبنا نشوف غبور من سنة ونقارن بالوضع الحالى فرأى شخصى فى تحسن بنسبة 180 درجة :k32:

وفى النهاية احب اشكر كل فرق العمل المخلصة فى غبور لأنهم كتير

وفى النهاية عايزكو تعرفو انى بتمنا و ياريت اشتريت النيو اكسنت تانى و دلوقتى من غبور علشان هناك فرق كبير فى التعامل مع الأخطاء التى تم معلاجتها فى الإستيراد والإضافات زى الكسيت والإنزار والسنتر وماشابه .............

وفى الأخر مفيش مكان خالى من الأخطاء الغير مقصوده ولاكن المهم انه بيحاول يتحسن مع الناس ويسلم العربيات فى موعدها ويعلاج المشاكل الناتجة عن سوء الصناعة بسهولة

وممكن نشوف بصورة واضحة ان غبور فى مميزات مش وجوده فى توكيلات تانيا كتير الأن

ومع تمنياتى بالتوفيق للجميع ولغبور ولكل مجتهد،