الموضوع: ارجو الرد انا مسافر بكرة حوالى 20 ساعة سفر

المشاركة الأصلية كتبت بواسطة pesho

انا مسافر بكرة ان شاء الله اسوان وهطلع بعد كدة الغردقة ثم شرم ارجو اللى عندة نصيحة يقوللى بسرعة علما بانى مش هاروح بالبرتون لانها زبالة ماجر عربية تويوتل كولاولا ادعوللى ياجماعة وقوللولى اشيك على العربية ازاى واخود معايا اية

على فكره انا رحتها بدايو جولييت 99 وحالتها ماكانتش قد كده يعني لو طلعت بالجين تو مفيش مشاكل نصيحه طبعا اطلع صحراوي غربي طريق اسيوط الطريق ممتاز خلي بالك قبل ماتطلع تشيك على الزيت واتأكد ان الاستبن مزبوط من بعد الفيوم مفيش بنزينه الا ف ديروط ودي لسه جديده قبل اسيوط ب100 كيلو تقريبا اتأكد ان معاك بنزين عشان هتقعد تقريبا 200 كيلو مفيش ولا محطة بنزين وانت ف ديروط فولها ع الآخر خلي بالك بنزينة ديروط مفيهاش 92 فيها 90 بس وخلي بالك لما تطلع من بنزينة ديروط هتفضل ماشي 500 كيلو من غير ماتقابل ولا بنزينه يعني لو خد معاك جركن بنزين احتياطي حط فيه لو فولت ف ديروط خلي معاك 15 لتر بنزين احتياطي لحد اسوان عشان ماتضطرش تدخل الاقصر تمون فيها مسافة 40 كيلو فرق تقريبا خلي عداد الآر بي إم على 3000 آلاف ماتزودش الصحراوي الغربي هو اقصر الطرق انا وصلت اسوان من القاهره في 8 ساعات ونص ريحنا ساعه في الطريق سرعتنا كانت تقريبا 130 او 140 وخد معاك أكل الرحله بالنسبه لي كانت لذيذه ودمها خفيف انا رحت لحد اسوان ورجعت ومفيش ولا لجنه وقفتني انت طبعا عارف هترجع من اسوان للغردقه طريق قنا هتاخده من عند الاقصر صحراوي غربي.الصحراوي الغربي معليهوش رادار والله أعلم بس خلي بالك وانت بين بني سويف واسيوط والمنيا لأن سمعت يعني مجرد اني سمعت ان فيه رادار هناك بس احنا كنا طالعين بالليل فكنا شارخين يعني وانت عارف بقية الحاجات خلي معاك أكل وميه ساقعه يعني بص حط اربع ازايز ميه لتر ونص حط تلاته منهم في الفريزر وماتطلعهمش الا قبل ماتروح وواحده في التلاجه عشان أول السكه وكده وانت عارف بقى بقية الترتيبات وخلي معاك بالطو او جاكيت اسوان اوقات اوقات بتكون بالليل برد بس خلي بالك الغردقه بالليل تلج وخد شاحن موبايل في العربيه عشان اكيد هتحتاجه بالذات لو هتشغل ملفات صوت من الموبايل على الكاسيت وتروح وتيجي بالسلامه ياعم ولما تيجي طمننا عملت ايه ونام كويس قبل ماتروح طبعا يابوب سلام