والله ياست علا ياريت ده اكيد دليل حضاري بس للأسف في سواقين عايزين الحرق وغصب عنك لازم تفضل وراهم تديهم كلاكس في ناس بتركن في نص الشارع بتوع الاجره والاتوبيسات بيسيبو الطريق وراهم يضرب يقلب المهم ينزلو الناس ويركبوا الناس ياريتها بس جوا البلد كنا قلنا معلش لكن بصي كده على طريق اسكندريه الزراعي الحته من اول المؤسسه لحد قها وبالذات عند نزلة الدائري كام اوتوبيس وميكروباص بيركنوا مره وحده ف نص الطريق من غير حتى مايدوا استوبات بحيث الطريق مبيكونش فيه الا الحاره الشمال وبياخدوا وقتهم عقبال مايحملوا يعني اي حد جاي من اليمين او من الحاره اللي في النص لازم يلبس في الاتوبيس اللي وقف فجأه لو مش واخد باله او يستنى لحد كل اللي جاي من الشمال عشان يعدو وكبس بقى وبتاع والله ياريت الكلكسات بس صعب صعب شعبنا مش مساعد ثقافة الشعب مش مساعده ولا المقاطير وسطل سواقين المقاطير يالهوي لا دانا وانا بعدي مقطوره ببقى خايف على نفسي ولا لما تلاقي مقطوره يمين ومقطوره شمال ماشيين على نفس السرعه وانت معدي من بينهم شعور حلو والله لا طبعا لازم كلكس لما يكون في سواقين كده يبقى لازم كلكس انا مش هقول على امريكا ولا بريطانيا عشان مانقولش ياعم ماتقارنناش بأوروبا احنا بلد وهم بلد بس هقول في السعوديه اقسم بالله مالقيت عربية نقل تقيل ولا تريلا ماشيه حتى في النص كله واخد يمين وماشي على 60 في الطرق السريعه والله كنت مستغرب كنت بتمنى والله طول مانا هناك اشوف عربيه نقل بس او تريلا ماشيه شمال او في النص حتى وقلت مش ممكن ازاي الناس دي مابتخالفش اكيد في حاجه غلط وبصراحه نقطوني وفضلت اتمنى كتير وبرضو مالقتش عربيه نقل ماشيه في النص حتى ولا زياده عن 60 مش هنا تلاقي البيه سايق نقل بمقطورتين وفاتح على 120 دول بيعدوني والله وباخد لهم يمين.هو مين بيحاسبهم دول؟ هو البلد دي ملهاش صاحب ولا ايه؟ معلش طولت عليكم بس قصر الكلام على سواقة العالم دي لازم كلكسات احنا قدامنا كتير اوي لما ثقافة الشعب ده تتغير ع الاقل ثقافة فئة السواقين العظماء عاشقي عبد الباسط حموده والحشيش لعلم سيادتك اراهنك ان مفيش عربية نقل بمقطوره مفيهاش شيشه او جوزه الباشا بيبقى قاعد في المقصوره وهاتك ياشد وياعم سيبها على الله وكل سنه وانتم طيبين
المفضلات