أصغر سيارة رالى فى العالم .. برودوا كانشيل

**Lord_Fouad** · 21-04-2009 06:58 PM

ما شاء الله ، و الله جامدة جدا

**egawady** · 16-05-2009 01:53 PM

المشاركة الأصلية كتبت بواسطة mucho

الف شكر لحضرتك دي تفاصيل وافيه جدا :ta_clap[1]:
وفي انتظار تمن الكاوتش للاسف ده موش كاوتش واحد دول اربعه :((

آسف على التأخير بسبب ظروف السفر ..
انا سألت لحضرتك على الكاوتش عند محل فى شارع معروف فى وسط البلد ...
عنده كومو ( كورى ) مقاس 155/70/12 أو جى تى ( اندونيسى ) نفس المقاس الفردة بـ 175 جنيه .

الكانشل ممكن يركب عليها مقاسين 155 أو 145 ... بس للأسف المحل مكانش عنده الا 155 بس ...
بس انا اعتقد ان ممكن تلاقى سعر احسن من كده كمان لو سألت فى أكتر من محل

وأى خدمة

**mucho** · 17-05-2009 09:34 PM

الف شكر استاذ egawady والله ده كتير المجهود اللي حضرتك عملتوا ده

**Mohamed.Fawzy** · 21-05-2009 02:26 PM

المشاركة الأصلية كتبت بواسطة egawady

كل البرودوا كانشيل الموجودة فى مصر 3 سلندر 850 سى سى 47 حصان ... وفى منها مانيوال واوتوماتيك ... وفى بجميع الكماليات وفى طبعاً فاضية ( بدون كماليات ) .

وعلى فكرة العربية دى ممتازة وأداء هايل .. انا عندى العربية دى بجميع الكماليات واوتوماتيك .. والتكييف ممتاز جدا رغم ان الموتور صغير ...
وقطع غيارها متوفرة لأنها أصلاً دايهاتسو ميرا ... يعنى أى محل لقطع غيار اليابانى لو كان شغال فى الدايهاتسو يبقى حتلاقى عنده قطع غيار البرودوا كانشيل والبرودوا كليسا .

+1 بالأضافه لآن سعرها حلو جدا

**mucho** · 31-05-2009 12:36 AM

السلام عليكم
معلهش يا أستاذ egawady ومعلهش يا جماعه كلكوا انا بس عندي اسئله تانيه عن أسعار قطع غيار للكانشيل ومنين تنصحوني اشتريها

اولا الزجاج الامامي او اسمو ببريز موش عارف مكسورًا :(
ثانيا المرايا الجانبيه طايره يعني مرايا جانبيه كامله
ثالثا الفانوس الخلفي والفوانيس الاماميه وفوانيس الشابوره
رابعا تغير وتركيب المكونات اللي لازم تتغير زي في الكهربا او تيل الفرامل واللي للأسف ماعرفش هي ايه بالظبط بس اسمع ان دي حاجات لازم تتغير وتظبط في اي عربيه مستعمله

بيجد انا محتاج اعرف كل ده وفي السريع
هي العربيه كانشيل موديل 2000 ومانويل ومفيهاش تكيف فاضيه يعني موش فيها غير كاسيت وسنتر لوك وزجاج كهربائي بس بايظ :)
يعني لو بالمره تقيمولي تمنها بصرف النظر عن حالتها المزريه يبقى كتر خيركم
وفي انتظار الرد سريعا
والف شكر على ذوقكم ومجهودكم المضني