مشكلة تقطيع بعد سرعة 100

**mohamed777** · 12-06-2009 01:41 AM

فتح الله لك وزادك من علمة
دين ودنيا

**samirayad** · 12-06-2009 01:42 AM

الله يخليك يا أخى.................

**mohamed777** · 14-06-2009 06:03 AM

السلام عليكم ورحمة الله وبركاتة ياباش مهندس سمير

بفضل الله وكرمة تمت العمرة وممكن اقول انها نجحت ومافيهاش اى مشاكل الا بعض المشاكل التى اتمنى ان تزول فيما بعد خصوصاً انها لسة فى فترة التليين
زى فية صوت رنة معدن بيظهر بعد الموتور ما يسخن يعنى فى بداية ادارة الموتور وهو لسة بارد بيكون مافيش الصوت ده وشوية شوية يبدأ يظهر هذا الصوت ويعلى كلما سخن الموتور

بس صوت الموتور عموماً عادى زى ما كانت قبل العمرة ويمكن احسن شوية ماعادا صوت الرنة دى قلقانى شوية
وكمان الحرارة عالية عن الطبيعى بتاعها شوية بس مع الاستخدام بتقل ببطء شديد . دة طبعاً مع تشغيل المروحة الي اضطريت انى اعمل ليها مفتاح عن الكهربائى

هم دول اهم حاجتان قلقانى غير كده مافيش والحمد لله
ارجو الافاده وجزاك الله خيرا

**mohamed777** · 14-06-2009 06:10 AM

سورى يا باشا نسيت اقول لحضرتك على حاجة كمان
وهى ان الموتور قبل العمرة مثلاً كان بيجيب على التانى 40 كم\ساعة وصوتة بيكون عالى زى مايكون جاب اخرة والحكاية دى لسة موجودة زى ماهية
يعنى انا كنت متوقع انة بعد العمرة مثلاً يكون اخرة على التانى ويكون صوت الموتور مستريح مثلاً 50 كم\ساعة
فهل الكلام دة لة علاقة بالموتور نفسة ولا الموضوع فية عيب فى الفتيس ولا انا متهيألى والله اعلم
علمأ بانى غيرت اسطوانة وبلية وماغيرتش الدسك

**samirayad** · 14-06-2009 07:26 AM

علمأ بانى غيرت اسطوانة وبلية وماغيرتش الدسك

عدم تغييرك للديسك ..............هوسبب الفيلم اللى قالقك للأسف...........والمفروض كنت تغير طقم دبرياش كامل (لأنه مرتبط ببعضه فى كل شىء ............تطبيع أوجه ....ونقل القدره وترييح المكنه )

**mohamed777** · 14-06-2009 03:40 PM

بس الميكانيكى بص فى الدسك وقالى انه مش محتاج يتغير وقالى هتعوز اسطوانة ودسك بس
وفعلاً الاسطوانة كانت متهالكة على الاخر

**samirayad** · 14-06-2009 04:00 PM

الأسطوانه ليها وشين بيعشقوا مع وش الفلام ووش الديسك .........والمفروض يبقوا كلهم داخلين الخدمه مع بعض يعنى جداد زى بعض ( وعلشان كده بنسميهم طقم عمرة الدبرياش ).....

وهى ان الموتور قبل العمرة مثلاً كان بيجيب على التانى 40 كم\ساعة وصوتة بيكون عالى زى مايكون جاب اخرة والحكاية دى لسة موجودة زى ماهية

وأدى النتيجه للأسف يا أستاذ : محمد .............مفيش نقل كويس لقدرة المكنه

فهل الكلام دة لة علاقة بالموتور نفسة ولا الموضوع فية عيب فى الفتيس ولا انا متهيألى والله اعلم

وطبعا واضح أنك حسيت بعدم التغيير والعيب من الدبرياش مش من المكنه ومفيش حاجه فى الفتيس .............

**mohamed777** · 14-06-2009 05:43 PM

طيب لو غيرت الدسك بعد الف كيلو متر من العمرة لواحدية بيقى تمام كده ولا اغيرة حالاً
احسن من الان الى الف كيلو متر الاولى بعد العمرة تكون الاسطوانة اتكلت ولا ممكن تكون زى ماهى؟؟؟؟؟؟؟؟؟؟

**samirayad** · 14-06-2009 09:41 PM

لو عاوز رأيى .............غيره حالا.............بنفس نوعية الشركه المنتجه للأسطوانه ( يعنى كمل الطقم ) علشان عملية التطبيع للأوجه الأحتكاكيه تبقى ماشيه مع بعضها من البدايه وهو ده الصح هندسيا لأن التطبيع يجب أن يكون مع بعضه من البدايه وكده كده مش حتفرق معاك طالما ناوى تغيره بعد الألف وفى الحاله دى التبكير حيكون أفضل ليك...........وبرضه أستشير أراء ميكانيكيه تانيين فى الحوار اللى دار بينى وبينك ده

**mohamed777** · 14-06-2009 11:58 PM

فعلاً عندك حضرتك حق انا حاسس انى المفروض انى اغير الدسك فوراً
خصوصاً انى وانا بلين العربية بطلع بيها على الفجر على الطريق الزراعى بحس ان الموتور بيسحب كويس عن الاول طبعاً بكتير وحتى لما بدى الرابع واضغط على البنزين بتكون الاستجابة كويسة وانا كمان مش بضغط اوى على شان هى لسة بتلين
بس نسب التغير بين الغيارات وصوت الموتور حاسس انها زى الاول

انا بجد طولت عليك وسألت كتير بس بجد انا مش لاقى حد فاهم بعلم يجاوبنى براحتى زى حضرتك

ياباشا ربنا يجزيك كل خير