مشكلة تقطيع بعد سرعة 100

**samirayad** · 15-06-2009 12:09 AM

انا بجد طولت عليك وسألت كتير بس بجد انا مش لاقى حد فاهم بعلم يجاوبنى براحتى زى حضرتك

ولا يهمك يا أستاذ: محمد ...........والناس كلها بركه وكلنا أخوات وبنفكر مع بعض وكلنا بنعلم ونتعلم من بعض ....وأنا شخصيا أستفدت كتير من نايل موتورز ..........لأنه موقع ممتاز فعلا للى عاوز يستفيد ويفيد (لأن الكمال والعلم الكامل لله سبحانه وتعالى ).........والأنسان حيستمر فى التعلم ولن يتعلم ( مش بيقولك يموت المعلم ......ولا يتعلم ....!!!!!!!!!!!! )

ياباشا ربنا يجزيك كل خير

الله يخليك .....وربنا يهيىء لك وللجميع كل الخير ............آمين يارب

**mohamed777** · 16-06-2009 03:05 AM

معلش استفسار بسيط تانى يا باش مهندس
وهو انى بطلع كده باليل الين الموتور على الطريق وبمشى على سرعة 60 كم\ساعة على الرابع لمدة حوالى ساعة
بحس ان استهلاك البنزين عالى شوية
يعى مؤشر البنزين بينزل بسرعة شوية
فاية يكون السبب

**samirayad** · 16-06-2009 07:14 AM

أحسن سرعات تعمل على حدوث وفره فى البنزين من خلال تجربتى مع أوبل مانيوال (كاربورتير عادى ) هى من 90الى 100 كم /س.....................وطبعا أنت فى فترة تليين وفيه مشلكة دبرياش .........يبقى نقول أيه ...........ماتحسبلهاش.........( وخللى بالك من حكم القافيه ............دبرياش ....يعنى ماتحسبلهاش ............ههههههههههههههه )

**mohamed777** · 16-06-2009 02:31 PM

ياباش مهندس كل يوم بكتشف فيك مميزات
زوق وعلم وتواضع..........وكمان دم خفيف
ههههههههههه

**samirayad** · 16-06-2009 03:30 PM

الله يخليك .......يامحمد باشا ......ماهو لازم شوية تليين برضه ..ههههههههههههههههه

**mohamed777** · 17-06-2009 03:27 AM

معلش ياباش مهندس عندى سؤال غريب شوية بس انا بحب اعرف تفاصيل غريبة شوية

وهو بالنسبة لمحرك سعتة 1300 cc فيكون قطر البستن بتاعة كام ؟
ولما الموتور ده يتخرط مرتين يعنى مرة بساتم زيرو 10 ومرة زيرو 20 يبقى قطر البستم بتاعة كام؟
والحاجه الاخيرة اللي عاوز اوصلها انه الموتور لما يتخرط مرتين اكيد بيزود السعة اللترية للمحرك فهل ده بيكون بنسبة اد اية بالنسبة للموتور وهو لسة طالع من المصنع ؟

**samirayad** · 17-06-2009 03:25 PM

معلش ياباش مهندس عندى سؤال غريب شوية بس انا بحب اعرف تفاصيل غريبة شوية

أسأل ياباشا ....ولايهمك وحجاوب برضه على قدر ما أستطيع أن شاء الله

وهو بالنسبة لمحرك سعتة 1300 cc فيكون قطر البستن بتاعة كام ؟

على فرض أن مشوار البستم بيساوى قطر البستم كما هو متبع بنسبه كبيره ................يبقى قطر البستم لمحرك 1300 سى سى حوالى 74.5 مم

ولما الموتور ده يتخرط مرتين يعنى مرة بساتم زيرو 10 ومرة زيرو 20 يبقى قطر البستم بتاعة كام؟

مع الخرطه الأولى حيبقى قطره تقريبا 74.25 مم ومع التانيه 74 مم

والحاجه الاخيرة اللي عاوز اوصلها انه الموتور لما يتخرط مرتين اكيد بيزود السعة اللترية للمحرك فهل ده بيكون بنسبة اد اية بالنسبة للموتور وهو لسة طالع من المصنع ؟

السعه اللتريه حتزيد بمعدل 1.012 تقريبا ...........بس أيه ياعم الدقه المتناهيه دى ...............ههههههههههههههه

**mohamed777** · 18-06-2009 12:45 AM

هههههههههههه
اصل انا كنت فى اعتقدادى انه بعد الخرطة التانية بيقرب من انه يكون 1400 cc

وعندى استفسار تانى اغرب من الاول شوية
وهو ان المواتير الجديده مثلاً الانسر 1300cc بالرغم من ان السعة الترية صغير نسبياً الا ان الموتور بيجيب سرعات تصل الى 180 كم\ساعة
ولو جبنا موتور 1300 cc قديم ولو فرض ان حالتة مثل الحالة الاصلية مش بيكون سحبة ولا السرعة القصوى لية زى المواتير الحديثة
طبعاً انا حاطت فى الاعتبار فرق التكنولوجيا زى خامات الصناعة وزيادة ةعدد الصمامات والحقن المباشر وحاجات تانية طبعاً حضرتك عارفها اكتر منى

**samirayad** · 18-06-2009 12:50 AM

طبعاً انا حاطت فى الاعتبار فرق التكنولوجيا زى خامات الصناعة وزيادة ةعدد الصمامات والحقن المباشر وحاجات تانية

أستاذ ورئيس قسم .......لا دا أنا اللى حسأل بعد كده وأنت تجاوب...............

**mohamed777** · 19-06-2009 12:35 AM

ههههههههههههههههههههه
والله فعلا ضحكت من قلبى ياباشا
انا فعلا مجال السيارات ده مهتم بية بطريقة ماتتخيلهاش وبجيب كتب من النت ومن مدرسة الصنايع ومن طلبة فى هندسة كمان وقرأتها كلها........... زى كتب هيئة تطوير التعليم بالسعودية
اكيد حضرتك تعرفها

بس مش لدرجة ان حضرتك تسأل وانا اجاوب

انا والحمد لله وصلت لفهم الكامات الجديده اللي مازدا عملاها متغيرة التوقيتات لضمان اقل استهلاك للوقود
دى حتة من عندى
ههههههههههههههههههه
بس ينقصنى الجانب العملى فى الموضوع ده .......وده اللي بحاول اعملة خصوصا انى عملت عمرة لعربيتى

بمناسبة العمرة .........حصلت معايا حاجه ماكنتش متوقعها النهارة
العربية عملت حتى الان 177 كم واتطريت انى اطلع مطلع يعنى يعتبر شوية شديد وكنت مركب معايا اتنين فقط غيرى
فوجئت بدخان طالع من الشكمان بس كانت الدنيا فى العصر وماشوفتش لون الشكمان بيطلع دخان لونه اية
وحسيت ان العربية ضعيفه على المطلع
بس العربية لما اكون فيها لوحدى بتكون سحبها كويس جداً بالرغم انى مش بعدى 60 كم\