انا كنت عايز افادتكم فى الموضوع ده
هى الفيات ريتمو تبقى عامله كام تقريبا
فيه ناس طلبه 16 و 18 كمان
هى للاسعار ديه صح ولا
و لو حد يعرف ياريت يقولى
انا كنت عايز افادتكم فى الموضوع ده
هى الفيات ريتمو تبقى عامله كام تقريبا
فيه ناس طلبه 16 و 18 كمان
هى للاسعار ديه صح ولا
و لو حد يعرف ياريت يقولى
دى ناس بتحلماقتباس:
فيه ناس طلبه 16 و 18
الريتمو هى هى ال 28 بكل مشاكلها وعيوبها
الاختلاف بس فى الشكل
شوف ال 128 وصلت لفين وهتبقى الريتمو زيها بالظبط او اغلى حاجة بسيطة لاتذكر
انا سمعت كمان ان العربية دي مش على شاسية
او نظريتها فيها صاج او حاجة زي كده
ولكنى لا اعلم بالظبط
ممكن اهل الخبرة يدلوك
شكراا على ردكم بس ممكن توضيح اكتر لان ديه معلش ها تبقى اول عربيه ليا
و لو حد عنده اى معلومات عن الريتمو ياريت لو يفيدنى
الريتمو من 12 الف ل 15 بانظف حالاتها ..
ممكن تجيب 132 لو تقدر على البنزين ب 15 الف حالة كويسة .
طيب ممكن تحدد العربيه موديل سنة كام؟
ريتمو عربية ممتازة ونصيحة من بلاش تركز علي السعر المهم حالة العربية في كل حاجة يعني امسك الشاسية والصاج وبعدين الماتور وبعدين داخل السيارة ولو لقيت عربية ممتازة في كل حاجة يبقي بقي مش مهم الف ولا اتنين في سبيل عربية لا تعطل منك كل شوية
مع إحترامي الشديد طبعا..الريتمو مالهاش علاقة بال128
والريتمو كمان يمكن مشاكلها أكتر..بس كل حاجة وليها حل
والريتمو على علب
السعر ال16 وال18 دة ممكن يكون على الريتمو اللي بيطلق عليها ريتمو ريجاتا
إنما لو الريتمو العادية ال65 وال75 وكدة يبقى فعلا من 12 ل15 حسب الحالة والكماليات!
العيب الأساسي رقم واحد في العربية هو إنها بتفتح كتير عشان عريضة
والمشكلة دي بتتحل بسهولة جدا وبتنساها مجرد ماتركب شداد!
أوسع وأقوى وأنعم من ال128 بمراحل ودي حاجة معروفة
أسعار قطع غيارها أغلى من ال128
إعادة بيعها مش كويس وأعتقد دلوقتي بقى الكلام دة على كل العربيات القديمة حتى ال127 وال128
يعني خلاصة الأمر لو عايز عربية تقعد بيها سنة ولا حاجة وتبيعها
وقطع غيارها رخيصة
هات 128
لو عايز عربية أحسن بس تفضل معاك وقطع غيارها أغلى شوية في سبيل الوسع والراحة يبقى هات الريتمو!
وفي الأول واللأخر ربنا يبارك لك في العربية اللي هتجيبها ويوفقك إن شاء الله
السلام عليكم
شكراا على كل ردودكم
هى اللى ب 18 كانت ريتمو ريجاتا و م 1986
و اللى 16 كانت ريتمو عادى م 1983
و انا كل اللى معايا 13, 13500
لو حد شاف ريتمو حاله كويسه و فى نفس امكانيتى يقولى بعد اذنكم
16 على ريتمو عادي كتير..إلا بقى لو كانت مثلا إزاز وتكييف
بعدين في حاجة كمان..الريتمو الفيات أغلى من النصر..يعني زي ال128 في فيات 128 وفي نصر 128
وتفرق كمان ال 1300 عن ال1500 ودي برضه الناس مش بتاخد بالها منها إلا متأخر بعد ما الناس تقول غالية
أنا شفت في كونتاكت أسعار ريتمو في الرنج دة على فكرة
كان في واحدة موديل 83 عمرة كاملة سمكرة ودوكو ميتالك وكاسيت كاتب 14 يعني مش هيتكلم في ال 500 دول
دور وهتلاقي إن شاء الله
وإذا ربنا كرمك إن شاء الله وجبتها وإحتجت أي حاجة فيها أنا موجود إن شاء الله
السلام عليكم